Read tsotso ISAYA 39 Bible Online

ISAYA 39 - tsotso bible

ISAYA 39

¹Mumatukhu kenako, Mwami wa Babilonia walaangwangwa Merodaki Baladini mwana wa Baladini, yaruma vandu ni tsibarwa nende shihanwa khu Mwami Hezekia; shichila yali wavoolelwa ndi Mwami Hezekia yali walwalakhu khandi yali nasosi.

²Mwami Hezekia yinjilitsa varumwa venavo. Yavamanyinya inzu yeye yi livishilu lialimu ni ifetsa, itsahabu, tsipila pili, makura ku vukuuli vululu, viuchi vievie viu khukwanila viosi, nende vindu vindi viosi viali vinyala khunyolekha mu tsinzu tsia yavikhamu vindu vievie. Khali shindu shivulakhuho mu inzu yeye inoho mu shivala shieshie shia yamihanga shia yavavisa khuvamanyinya.

³Nalwo lwa Muprofeti Isaya yasimukha natsia khulola Mwami Hezekia. Yamuvoolela, “Ni shina shia vandu yavo vakhuvoolele? Ni hena ha varuli nivitsa khukhulola?” Mwami Hezekia yachipa, “Varuli mu shivala shili ihale wene, khurula Babilonia.”

⁴Muprofeti Isaya yamureeva, “Ni shina shia valoli mu inzu yoyo?” Mwami Hezekia yachipa, “Valoli shia shindu shiosi mu inzu yanje; shindu shivulakhuho mu tsinzu tsiambikhamu vindu vianje shia mbuli khuvamanyinya.”

⁵Muprofeti Isaya yavoolela Mwami Hezekia, “Mwami Nyasaye wi Mikaanda Chiliihe avoolanga:

⁶Lola, matukhu katsitsanga khutukha, lwa shia shindu shiosi mu inzu yoyo, khandi miandu chosi chia vakuuka vovo vavikha khutukha nunundi, viliitsa khuhilwa Babilonia. Shindu shivulakhuho shilitsa khulekhwa. Inzi Mwami Nyasaye mali khuvoola.

⁷Valala khu vitsukhulu vovo va mwene wivula, valiitsa khuhilwa ihale wene; khandi valiitsa khukwa vitsili mu inzu yu vwami yu Mwami wa Babilonia.”

⁸Mwami Hezekia yavoolela Muprofeti Isaya, “Likhuva liu Mwami Nyasaye lia ulomolome khwinzi ni lilahi.” Yavoola ndio, shichila yali ninganakani, “Niitsa khuva ni milembe khandi mu vulindi vulahi, lwa nimbe nishili mwoyo.”