Read tsotso LEVI 13 Bible Online

LEVI 13 - tsotso bible

LEVI 13

¹Mwami Nyasaye yavoolela Musa nende Haruni,

²“Lwa mundu avetsanga ni livimba khu shikhanda shieshie shiu mbili inoho lisungure inoho shitonda, malikalukhane khukwa vulwale vu vuchele, aliitsa khuhilwa khu musalisi Haruni inoho khu mulala khu vaana veve vasalisi.

³Musalisi aliitsa khukola khu likuule lienelo, khandi niiva maswi kali mulio kaliitsa khukwa malavu ma livimba lienelo liloleshe liayeva shikhanda shiu mmbili khuvira mmbili kwene, nu vulwale vu vuchele. Lwa musalisi ava niyakhamukola, aliitsa khumuvukula khuva woneshe.

⁴Navutswa niiva likuule lienelo liliitsa khuva lilavu, vuchila khuyeeva khu shikhanda shiu mmbili shiliho khandi maswi kavula vulavu, musalisi aliitsa khwikalila mundu mwenoyo havundu hanyala khumenya wonyene khumatukhu saba.

⁵Musalisi aliitsa khukola mundu mwenoyo khandi khulitukhu lia saba, khandi niiva aliitsa khulola ndi likuule lienelo livulanga khuhona nu khulanda khu shikhanda shiu mmbili, musalisi aliitsa khwikalila mundu mwenoyo havundu hanyala khumenya wonyene khumatukhu kandi saba.

⁶Musalisi aliitsa khukola khandi khu mundu mwenoyo khulitukhu lia saba; khandi niiva likuule lienelo lilakora nu khuvula khulanda khu shikhanda shiu mmbili, musalisi aliitsa khumuvukula khuva munihu khulondokhana khu mulukha; ni likuule lionyene vutswa. Mundu mwenoyo aliitsa khufuya tsinguvu tsietsie na matsi mave munihu khulondokhana khu mulukha.

⁷Navutswa niiva likuule lienelo liliitsa khulanda khu mmbili kwekwe lwa musalisi aliitsa khuva namali khumukola nu khumuvukula khuva munihu, mundu mwenoyo aliitsa khukalukha khandi khu musalisi.

⁸Musalisi aliitsa khukola khandi khu mundu mwenoyo; khandi niiva likuule lienelo liliitsa khulanda khu mmbili, musalisi aliitsa khumuvukula khuva woneshe; nu vulwale vu vuchele.

⁹“Lwa mundu avetsanga niyalwala vulwale vu vuchele, aliitsa khulerwa khu musalisi;

¹⁰Musalisi aliitsa khumukola; khandi niiva khuliitsa khuva ni livimba lilavu khu shikhanda shiu mmbili kwekwe khulomba liswi khuva lilavu khandi niiva khuliitsa khuva ni shitonda shia mahila,

¹¹nu vulwale vu vuchele vunyala khuvula khuhona. Musalisi aliitsa khumuvukula khuva woneshe; shivune shivulakhuho shiu khumwikalila havundu hanyala khumenya wonyene, shichila kamanyikhana havulavu woneshe khale.

¹²Niiva vulwale vu vuchele vwenovo, vuliitsa khulanda khandi khu mmbili ku mundu mwenoyo, khuraanjila khu murwi khutukha khu vilenje,

¹³musalisi aliitsa khandi khumukola. Niiva alanyola ndi ni katoto vulwale vu vuchele vwalia mmbili ku mundu mwenoyo kwosi, musalisi aliitsa khuvukula mundu mwenoyo khuva munihu. Niiva shikhanda shiu mmbili ku mundu mwenoyo kwosi, shiliitsa khuva nishikalukhane khukwa shilavu, mundu mwenoyo nu munihu khulondokhana khu mulukha.

¹⁴Navutswa lwa likuule lia mahila liliitsa khulolekha khuye, aliitsa khuva woneshe.

¹⁵Lwa musalisi ava niyakhalola likuule lia mahila, aliitsa khumuvukula khuva woneshe. Likuule lia mahila liliitsa khuvukulwa khuva lioneshe; mundu mwenoyo alwalanga vuchele.

¹⁶Lwa likuule lia mahila likalukhana khukwa lilavu muno, mundu mwenoyo aliitsa khutsia khulola musalisi.

¹⁷Musalisi aliitsa khumukola; khandi niiva likuule lienelo liliitsa khukalukhana khukwa lilavu, musalisi aliitsa khuvukula mundu mwenoyo khuva munihu; mave munihu.

¹⁸“Niiva mundu aliitsa khuva ni lisungure khu mmbili kwekwe malihone,

¹⁹khandi havundu ha lisungure lienelo liali nilili, livimba lilavu inoho imbala imuuchi nu vulavililu khulolekhaho, mundu mwenoyo aliitsa khutsia khulola musalisi.

²⁰Musalisi aliitsa khumukola; khandi niiva imbala imuuchi nu vulavililu yeneyo ilalolekha yayeeva munyama yi shikhanda shiu mmbili, ma maswi kalimu kakalukhane khukwa malavu, musalisi aliitsa khumuvukula khuva woneshe; nu vulwale vu vuchele, vwarulila mu lisungure.

²¹Navutswa niiva musalisi aliitsa khuvukola nu khunyola ndi maswi kali mulio kashili khukalukhana khukwa mamuuchi lishili khuyeeva shikhanda shiu mmbili, navutswa shikoranga, musalisi aliitsa khwikalila mundu mwenoyo havundu hanyala khumenya wonyene khumatukhu saba.

²²Niiva imbala yeneyo, iliitsa khulanda khu shikhanda shiu mmbili, musalisi aliitsa khumuvukula khuva woneshe; alwalanga lukhutsu.

²³Navutswa niiva imbala imuuchi nu vulavililu yeneyo, iliitsa khuvula khukalukhana nu khulanda khu shikhanda shiu mmbili, iliitsa khuva imbala vutswa khurula khu lisungure. Nalwo lwa musalisi aliitsa khumuvukula khuva munihu.

²⁴“Lwa mundu ahitsanga nu mulilu khu shikhanda shiu mmbili kwekwe, ma imbala imuuchi nu vulavililu inoho indavu iloleshe mu likuule liu mulilu kusambi,

²⁵musalisi aliitsa khukola khu likuule lienelo. Niiva liswi lili mulio liliitsa khukalukhana khukwa lilavu, khandi kaloleshe liayeeva muno khu shikhanda shiu mmbili khuvira shiliho, nu vulwale vu vuchele vwarulila havundu ha mulilu kwasamba. Musalisi aliitsa khumuvukula khuva woneshe; nu vulwale vu vuchele.

²⁶Navutswa niiva musalisi aliitsa khukola imbala yeneyo, khandi kaloleshe ndi liswi lilavu livula mu imbala yeneyo, khandi niiva ivula inyama yi shikhanda shiu mmbili yayayeeva khuvira shiliho; musalisi aliitsa khumwikalila havundu hanyala khumenya khumatukhu saba.

²⁷Musalisi aliitsa khumukola khandi khulitukhu lia saba; khandi niiva imbala yeneyo iliitsa khulanda khu shikhanda shiu mmbili, nu vulwale vu vuchele; musalisi aliitsa khumuvukula khuva woneshe.

²⁸Navutswa niiva imbala yeneyo iliitsa khuvula khukalukhana nu khulanda khandi ikoranga, vuliitsa khuvula khuva vulwale vu vuchele. Musalisi aliitsa khumuvukula khuva munihu, khulondokhana khu mulukha; shichila ni imbala yu mulilu kwasamba vutswa.

²⁹“Lwa mundu musatsa inoho mundu mukhali avetsanga ni likuule khu murwi inoho khu luseye,

³⁰musalisi aliitsa khulikola. Niiva kaliitsa khulolekha ndi liayeeva munyama yi shikhanda shiu mmbili khuvira shiliho, khandi liswi lili mulio likalukhane khukwa lia mayayi khandi ni linyelele, vuliitsa khuva vulwale vu vuchele; musalisi aliitsa khumuvukula khuva woneshe.

³¹Navutswa niiva, musalisi aliitsa khumukola, khandi kaloleshe ndi likuule lienelo lishili khuyeeva munyama yi shikhanda shiu mmbili khuvira shiliho, khandi liswi limwamu livulakhuho lilolekhanga mu likuule lienelo, musalisi aliitsa khumwikalila havundu hanyala khumenya wonyene khumatukhu saba.

³²Musalisi aliitsa khukola likuule lienelo khulitukhu lia saba; niiva liliitsa khuvula khuva lialanda khu shikhanda shiu mmbili khandi shilili ni liswi lia mayayi mulio, khandi shililolekhanga liayeeva munyama yi shikhanda shiu mmbili khuvira shiliho tawe.

³³Mundu mwenoyo aliitsa khuveka liswi liu khu murwi kwekwe, vuchila khuveka liswi lili havundu hi likuule lili. Musalisi aliitsa khumwikalila khandi havundu hanyala khumenya wonyene khumatukhu saba.

³⁴Musalisi aliitsa khukola likuule lienelo, khandi khulitukhu lia saba; niiva liliitsa khuvula khulanda, khandi livulakhu inyama yayayeeva yi shikhanda shiu mmbili khuvira shiliho, musalisi aliitsa khumuvukula khuva munihu, khulondokhana khu mulukha. Mundu mwenoyo aliitsa khufuya tsinguvu tsietsie na matsi, mave munihu.

³⁵Navutswa niiva likuule lienelo liliitsa khulanda khu shikhanda shiu mmbili, lwa aliitsa khuva niyakhavukulwa khuva munihu,

³⁶musalisi aliitsa khandi khumukola. Niiva likuule lienelo liliitsa khuva lialanda khu shikhanda shiu mmbili, khuheenza khuvula khulola liswi lia mayayi; ni kilikali mundu mwenoyo aliitsa khuva woneshe.

³⁷Navutswa niiva musalisi, aliitsa khulola munganakani yeye ndi likuule lienelo lishili khulanda, khandi liswi limwamu limeelanga mulio, likuule lienelo liliitsa khuva lihoni. Nalwo lwa musalisi aliitsa khumuvukula khuva munihu, khulondokhana khu mulukha.

³⁸“Lwa mundu musatsa inoho mundu mukhali, avetsanga na makuule malavu khu shikhanda shiu mmbili kwekwe,

³⁹musalisi aliitsa khukola mundu mwenoyo. Niiva makuule kenako, kaliitsa khukalukhana khukwa malavililu, vuchila khuva nu vulavu vutswa, kaliitsa khuva mavimba karulili khu shikhanda shiu mmbili shienesho. Mundu mwenoyo aliitsa khuva munihu, khulondokhana khu mulukha.

⁴⁰“Lwa mundu musatsa amanyukhanga khu murwi kwekwe liswi lielie, mava nishiole, aliitsa khuva munihu, khulondokhana khu mulukha.

⁴¹Navutswa niiva wamanyukha liswi imbeli wu murwi kwekwe, mave nishiole imbeli weneyo, aliitsa khuva munihu, khulondokhana khu mulukha.

⁴²Navutswa niiva ali ni likuule limuuchi nu vulavililu mushiole inoho mu vweni, aliitsa khuva nu vulwale vu vuchele.

⁴³Musalisi aliitsa khumukola; khandi niiva likuule limuuchi nu vulavililu liliitsa khuvaho,

⁴⁴musalisi aliitsa khumuvukula khuva woneshe, shichila vulwale vu vuchele vwarulila mu murwi kwekwe.

⁴⁵“Mundu walwala vulwale vu vuchele, aliitsa khwifwala tsinguvu tsiarandukha tsia matali, khuyumbitsa liswi lielie vuchila khulichenula, khandi khukhunikha makhono keke khu shinanwa shieshie, nalaanjilila, ‘Nzoneshe, nzoneshe!’

⁴⁶Aliitsa khutsililila khuva woneshe khumatukhu koosi, kalwalanga vulwale vu vuchele. Aliitsa khumenya wonyene vutswa; khandi aliitsa khumenya ihale wene, khurula mu maheemo ka vandu vamenyamu.”

⁴⁷Lwa inguvu ivetsanga nihaambitswi vulwale vu vuchele, tsive tsimbusi inoho tsinguvu tsindavu,

⁴⁸inoho shitonye shi inguvu indavu inoho inguvu yi tsimbusi inoho liseelo inoho shindu shiosi shialombwa khu liseelo,

⁴⁹niiva shilitsa khulolekha khuli vulimu inoho shimuuchihilu, vuliitsa khuva vulwale vu vuchele vulandanga khandi musalisi aliitsa khumanyinywa.

⁵⁰Musalisi aliitsa khuvukola; nu khurulitsaho shindu shienesho khumatukhu saba.

⁵¹Musalisi aliitsa khushikola khandi khulitukhu lia saba; khandi niiva vulwale vu vuchele, vuliitsa khulanda khu tsinguvu, khu shitonye shi inguvu indavu inoho inguvu yi tsimbusi inoho khu liseelo, khali shindu shialombwa khu liseelo, vulwale vu vuchele vwenovo, vuliitsa khuva vu khwononyinya; shindu shienesho shiliitsa khuva shioneshe.

⁵²Musalisi aliitsa khusamba shindu shienesho nu mulilu, shichila vuliitsa khuva vulwale vu vuchele vulandanga, vunyala khutivitswa nu mulilu.

⁵³Navutswa niiva musalisi aliitsa khukola, shindu shienesho, kaloleshe ndi vulwale vu vuchele vwenovo, vuliitsa khuvula khulanda khu inguvu, khu shitonye shi inguvu indavu inoho inguvu yi tsimbusi inoho khu shindu shiosi shialombwa khu liseelo,

⁵⁴musalisi aliitsa khuhaana lilako ndi shindu shienesho shiochitswi na matsi, nu khuvikhwa havundu handi khumatukhu kandi saba.

⁵⁵Musalisi aliitsa khukola khu shindu shienesho; khandi niiva shishili khukalukhana likoondo liashio, khali niiva shishili khulandakhu, shindu shienesho shiliitsa khuva shioneshe. Muliitsa khusamba shindu shienesho nu mulilu, kave shiakuunda imbeli inoho inyuma.

⁵⁶Navutswa niiva, musalisi aliitsa khukola shindu shienesho, kaloleshe ndi vulwale vu vuchele vwenovo, vukori lwa shindu shienesho shiochitswa na matsi, aliitsa khurandula shitonye shioneshe, shia havundu henaho khurula khu inguvu inoho liseelo inoho shitonye shi inguvu indavu inoho inguvu yi tsimbusi.

⁵⁷Navutswa niiva, vulwale vwenovo, vuliitsa khulolekha khandi khu inguvu, khu tsimbusi, inoho inguvu yi tsimbusi, inoho khu shindu shiosi shialombwa khu liseelo, vulandanga; khandi shia shindu shiosi shili nu vulwale vu vuchele shilitsa khutivitswa nu mulilu.

⁵⁸Niiva aliitsa khwochitsa shindu shienesho kaloleshe vulwale vu vuchele vwenovo vukori, aliitsa khwochitsa khandi shindu shienesho; mashive shinihu khulondokhana khu mulukha.

⁵⁹Yili nalio lilako khulondokhana khu vulwale vu vuchele khu tsinguvu, kave ni inguvu indavu inoho tsinguvu tsi tsimbusi inoho shindu shiosi shialombwa khu liseelo. Nindi mutsitsanga khumanya niiva shindu ni shinihu khulondokhana khu mulukha inoho shioneshe.