Read tsotso LEVI 9 Bible Online

LEVI 9 - tsotso bible

LEVI 9

¹Khulitukhu lialondanga litukhu li milukha chiu khukhola vandu khuva vasalisi, chiali nichivwele, Musa yalaanga halala Haruni nende vaana veve, halala na vimilili va Vaisraeli.

²Musa yavoolela Haruni, “Vukula shihunwa nende limiiko, vuchila imbala yosi; ma uhaane khu Mwami Nyasaye. Shihunwa nashio shiliitsa khuva shihanwa shiu khurulitsaho vwoni, khandi limiiko liliitsa khuva shihanwa shiu khusambwa.

³Uliitsa khuvoolela Vaisraeli, ‘Vukuli imbuli ikhole yi shihanwa shiu khurulitsaho vwoni, nende shimoli shiu muhika mulala nende likondi limiiko, liu muhika mulala vuchila imbala yosi, khuli shihanwa shiu khusambwa,

⁴nende shihunwa nende limiiko, li shihanwa shiu khulera milembe. Valiitsa khukholela Mwami Nyasaye, musango kwi shihanwa shi imu ya tsukanywa makura. Valiitsa khukhola kenako, shichila Mwami Nyasaye atsitsanga khulolekha khuvo nunundi.’ ”

⁵Valera shia shindu shiosi imbeli wi Liheemo Litakatifu shia Musa yali navooli valere. Vaisraeli voosi vivunjelitsa havundu henaho khusaala khu Mwami Nyasaye.

⁶Musa yavoola, “Yaka nako koosi ku Mwami Nyasaye avooli mukhole, khu vukhumi vwevwe vuloleshele munyi.”

⁷Nalwo lwa Musa yavoolela Haruni, “Simukha utsi himbi khu vwaali, uhaane shihanwa shiu khurulitsaho vwoni nende shihanwa shiu khusambwa khusemeha khurula mu vwoni vwo vwo, nende vwoni vwa vandu vandi. Muliitsa khuhaana shihanwa shiu khusemeha vandu khurula mu vwoni, khuli Mwami Nyasaye yali navooli ukhole.”

⁸Haruni yasimukha natsia himbi khu vwaali, nasinza shimoli shinunwa khuli shihanwa shiu khurulitsaho vwoni vwevwe.

⁹Vaana veve vi shiyayi vamulerela masahi, niyinikha shitere shieshie mu masahi kenako, navekha masahi malala khu misala chiasinjilitswa ikulu mu tsimbeka tsiu vwaali. Yasuundula masahi kali nikarikale khu vwalilu vu vwaali.

¹⁰Navutswa Haruni yasambila khu vwaali shivana, tsimbiko, nende luveka lulahi lwi ingurumani, khuli Mwami Nyasaye, yali navoolele Musa akhole.

¹¹Navutswa Haruni yasambila inyama nende liseelo ihale wene, khurula mu maheemo ka vandu vamenyamu.

¹²Haruni yasinza muruku kwali kwi shihanwa shiu khusambwa shieshie mwene. Vaana veve vayayi vamulerela masahi, nakamitsa mu tsimbeka tsiosi tsine tsiu vwaali.

¹³Vamuha khandi murwi nende vitonye vindi viu muruku kwenoko, navisambila khu vwaali khuli shihanwa shiu khusambwa.

¹⁴Haruni yochitsa na matsi viungu viu munda nende vilenje vinyuma, navisambila khu vwaali ikulu wi shihanwa shiu khusambwa.

¹⁵Nalwo lwa Haruni yalera shihanwa shia vandu venyanga khuhaana. Yavukula imbuli yi shihanwa shiu khurulitsaho vwoni vwa vandu, nachisinza khandi nahaana khuli shihanwa shiu khurulitsaho vwoni, khuli yali nakholele shihanwa shiali shiukhuraanga yeshio.

¹⁶Haruni yalera khandi muruku kwi shihanwa shiu khusambwa, nashihaana khulondokhana khuli kenyekhanga.

¹⁷Yalera khandi shihanwa shi imu, navukula khu lukhovi, nasambila khu vwaali, khumeeta khu shihanwa shiu khusambwa, shiali shiu mu mavwevwe.

¹⁸Haruni yasinza shihunwa nende limiiko, khuli shihanwa shiu khulera milembe. Vaana veve vi shiyayi vamulerela masahi, nakamitsa mu tsimbeka tsiosi tsiu vwaali.

¹⁹Vavikha vitonye vi shivana shi shihunwa shienesho nende limiiko lienelo,

²⁰ikulu wi tsimbele tsi miruku, nahila viosi khu vwaali. Yasambila shivana shienesho khu vwaali;

²¹khandi nahaana tsimbele nende vilenje vinyuma visatsa vi miruku, khuli shihanwa shilahi khu Mwami Nyasaye, shichila vasalisi, khulondokhana khuli Musa yali namuvoolele akhole.

²²Lwa Haruni yali namali khukhola misango chiosi, yachinguula makhono keke khu vandu navakasitsa. Yaka kikholekha, namali khukhola musango kwi shihanwa shiu khurulitsaho vwoni, shihanwa shiu khusambwa nende shihanwa shiu khulera milembe.

²³Musa nende Haruni vasimukha nivatsia khwinjila mu Liheemo Litakatifu. Lwa vali nivakhitsa ilwanyi, vakasitsa vandu; ma vukhumi vu Mwami Nyasaye, nuvulolekha khu vandu voosi.

²⁴Nonoho lwa Mwami Nyasaye yaruma mulilu, nu kulaalitsa shihanwa shiu khusambwa nende vitonye vi vivana, viali nivili khu vwaali. Lwa vandu valola mulilu kwenoko, voosi valaanjilila nu vuyaanzi, nivakwa hasi mahunama.