Read tsotso YEREMIA 21 Bible Online

YEREMIA 21 - tsotso bible

YEREMIA 21

¹Mwami Nyasaye yambolela likhuva yili lwa Mwami Zedekia yaruma khwinzi Pashuri mwana wa Malikia nende musalisi Zefania mwana wa Maseya. Vavoola,

²“Khureevele khu Mwami Nyasaye, shichila Mwami Nebukadineza wa Babilonia yitsanga khukhukwana. Haundi Mwami Nyasaye aliitsa khukhuvela tsimbavasi khurulana khu vikholwa vievie viu khuchenyinya, khu Mwami Nebukadineza akhuleshe vutswa.”

³Nalwo lwa Yeremia yavavoolela

⁴vatsi khuvoolela Zedekia, “Mwami Nyasaye, uli Nyasaye wa Israeli avoolanga: Niitsa khukhukalukhana ni viuchi viovio, via ukwanilanga Mwami wa Babilonia nende vandu veve, vavotokhananga masisi kali ilwanyi wi litaala likali. Nzitsanga khuvalera halala mu litaala likali linu.

⁵Inzi mwene niitsa khukhukwana nu vunyali vwanje vwosi, vurima vwanje, vululu vwanje nende vurima vwanje vu khusalilitsa vululu.

⁶Niitsa khumulula shia shindu shiosi mu litaala likali yili, kave ni vandu inoho tsinyama tsiumbulimu. Vave vandu inoho tsinyama tsiumbulimu viliitsa khukhutsa shichila lukhutsu lutamanu muno.

⁷Navutswa nikamali khwikholekha, niitsa khukhola Mwami Nebukadineza nende vatsiku venyu, vakhavanga khuli vanyala khumwiira, khukhukumila yivi Mwami Zedekia wa Yuda, varumishi vovo, nende vandu vi litaala likali yili, valiitsa khwihonolokha khurula khu lukhutsu, liihe, nende inzala. Mwami Nebukadineza aliitsa khumwiira ni shivavi, vuchila khumulekha mutsililile khuva mwoyo, inoho khumulolela tsimbavasi. Inzi Mwami Nyasaye mali khuvoola.”

⁸Mwami Nyasaye yali nambolele mbolele vandu, “Munyi vandu va Yerusalemi, muhushitsi! Loli! Muheetsanga vindu vivili murovolekhu shilala, Injila ichilanga vandu nivanyola vulamu inoho Injila ichilanga likhutsa nilivaho.

⁹Mundu uliitsa khurikala mu litaala likali yili aliitsa khwiirwa ni shivavi, inzala inoho lukhutsu. Navutswa mundu uliitsa khurulamu nu khwiyunga na Vababilonia vamuvotokhananga, aliitsa khutsililila khuva mwoyo; aliitsa khwihonoloshitsa vulamu vwevwe.

¹⁰Mali khuviritsa khutivitsa litaala likali yili, navutswa khuvula khulikholela shindu shilahi. Inzi Mwami Nyasaye mali khuvoola. Niitsa khuchila Mwami Nebukadineza khulivukula ni tsingulu, nu khulilaalitsa nu mulilu.

¹¹“Nikhali, uliitsa khuvoolela vandu vi inzu yu vwami ya Yuda: Hulishitsi likhuva liu Mwami Nyasaye avoolanga,

¹²munyi vitsukhulu va Daudi! Inzi Mwami Nyasaye mbolanga, ‘Rweshitsi katoto shia mu mavwevwe; nuvahonyinya khurula khu vandu vatambitsanga vandi, shia mundu wosi unyala khuva wanuulwakhu shindu; nikakhavele kario, niitsa khuva nu vurima vululu khuli mulilu, nilisamba, vuchila mundu unyala khukutsiminya, shichila mukholanga vindu vitamanu.

¹³Loli! Ngwananga munyi vamwamenya mu luhoongo, munyi vamwamenya mu lwomera.’ Munyi vamuvoolanga, ‘Ni viina unyala khuchelitsa khukhukwana? Ni viina unyala khwinjila havundu ha khwamenya?’

¹⁴Niitsa khumusalilitsa khurulana khu vikholwa vienyu. Inzi Mwami Nyasaye mali khuvoola. Niitsa khuvwanyinya mulilu mu muliru kwenyu, nakwo kuliitsa khulaalitsa shia shindu shiosi himbi khu muliru kwenoko.”