Read tsotso EZEKIELI 10 Bible Online

EZEKIELI 10 - tsotso bible

EZEKIELI 10

¹Nalwo lwa naheenza, nindola ndi hikulu hi mirwi chi vilombe vi tsimbaha, khwaliho ni shindu shiasasanga ilaanji ya sambarau, shialolekhanga khuli ni shisoko shiu vwami.

²Nyasaye yavoolela mundu wali niyifwali tsinguvu tsia machioro malahi, “Tsia winjile hakari ha makurutumu kali hasi hi vilombe vi tsimbaha. Vukula mandaa khurula mu mulilu kuli hakari hi vilombe vi tsimbaha, ukitsulitse mu makhono koko, utsi khukasalanyinya mu litaala likali.” Namulola natsitsanga.

³Isaa yeneyo, vilombe vi tsimbaha viali nivisinjile khuluveka luli ikuvanda wi Litempeli, lwa mundu mwenoyo yali niyakhinjilamu. Malesi kitsula mu lwanyi lu mukari.

⁴Vukhumi vu Mwami Nyasaye vwarula khu vilombe vi tsimbaha, nuvutsia ikulu khwi shisechese shi Litempeli, manuvusinjila mu vwinjililu vwi Litempeli. Litempeli litsula malesi, khandi vukhumi vu Mwami Nyasaye nuvwang'ang'ila mu lwanyi mwi Litempeli.

⁵Liyooko li tsimbaha tsi vilombe vi tsimbaha liahulilikhana, khali khutsia khutukha mu lwanyi hakari, manya khuli nu mwoyo kwa Nyasaye Uli Ikulu khu Viosi, lwa alomolomanga.

⁶Lwa Mwami Nyasaye yavoolela mundu wali niyifwali tsinguvu tsia machioro malahi, “Vukula mulilu khurula hakari wa makurutumu kali nikali hasi hi vilombe vi tsimbaha,” mundu mwenoyo yinjilamu nasinjila himbi khu lilala khu makurutumu kenako.

⁷Shilala khu vilombe vi tsimbaha vienevo shianyiila mukhono kwashio, manishitiila mu mulilu kwali nu kuli hakari hi vilombe vi tsimbaha vienevo. Shiavukula mulilu nakuvikha mu makhono ku mundu wali niyifwali tsinguvu tsia machioro malahi. Mundu mwenoyo yavukula mulilu kwenoko, natsia ilwanyi.

⁸Shia shilombe shiosi shi tsimbaha shialolekhanga khuli shili nu mukhono ku mundu hasi hi tsimbaha tsiashio.

⁹Naheenza, nindolaho makurutumu kane khu shia luveka lwi vilombe vi tsimbaha; makurutumu kang'ang'anga khuli ni lichina liu vukuuli vululu muno.

¹⁰Makurutumu kenako kalolekhanga khuli ni shilala, khandi shia likurutumu lialolekhanga khuli lili mu likurutumu lindi.

¹¹Lwa vilombe vi tsimbaha visuundanga, viatsitsanga mu tsimbeka tsiosi tsine, vuchila khushiamakanakhu khu injila lwa viatsitsanga; shia luveka lwi lukurutumu li imbeli liatsitsamu, namwo mwa makurutumu kandi katsitsanga, vuchila khushiamakanakhu khu injila.

¹²Mivili chi vilombe vi tsimbaha vienetso vialikhu ni vibiochi, mikhono, tsimbaha, nende makurutumu; makurutumu kenako kali ni tsimoni khundulu khwako khwosi.

¹³Nahulila mwoyo nu kulaanganga makurutumu kenako, nu kuvoola, “Makurutumu kakolongomanga.”

¹⁴Shia shilombe shiosi shiali ni tsimbeka tsine. Luveka lukhuraanga lwalolekhanga khuli vilombe vi tsimbaha, lwa khavili khuli mundu, lwa khavaka nululolekha khuli ni isimba, khandi lwa khane nululolekha khuli ni shilitsa.

¹⁵Vilombe vi tsimbaha viapulukha nivirulaho. Navio vilombe vili mwoyo via nalola himbi ha Muchela kwa Kebara.

¹⁶Lwa vilombe vi tsimbaha visuundanga, nalwo lwa makurutumu kakolongomanga khandi navio. Lwa vilombe vi tsimbaha viachingulanga tsimbaha tsiavio khurula hasi, makurutumu katsitsanga navio.

¹⁷Lwa vilombe vi tsimbaha viasinjilanga, makurutumu kasinjilanga; lwa vilombe vi tsimbaha viapulukhanga, makurutumu katsitsanga navio, shichila vilombe vienevo navio via vimililanga.

¹⁸Nalwo lwa vukhumi vu Mwami Nyasaye vwarula mu vwinjililu vwi Litempeli, nuvutsia khusinjila ikulu wi vilombe vi tsimbaha.

¹⁹Vilombe vi tsimbaha viachinguula tsimbaha tsiavio, nivipulukha na makurutumu, lwa nali nishiheenzanga. Viasinjila mu vwinjililu khuluveka luli ivukwi wi Litempeli liu Mwami Nyasaye. Vukhumi vu Mwami Nyasaye wa Israeli vwali ikulu wavio.

²⁰Navio vilombe viali mwoyo, via nalola nivili hasi ha Nyasaye wa Israeli himbi ha Muchela kwa Kebara. Nali nimanyi ndi navio vilombe vi tsimbaha.

²¹Shia shilombe shiosi shiali ni tsimbeka tsine, shia shilombe shiosi ni tsimbaha tsine; hasi hi tsimbaha tsienetso, khwaliho ni shindu shiasasanga makhono ku mundu.

²²Tsimbeka tsienetso, tsialolekhanga khuli tsia nali nindolikhu himbi ha Muchela kwa Kebara. Shia shilombe shiosi shiaroonjela nishitsia vulunji.