Read tsotso EZEKIELI 30 Bible Online

EZEKIELI 30 - tsotso bible

EZEKIELI 30

¹Mwami Nyasaye yambolela,

²“Yivi mwana wu mundu, rulitsa vuprofeti nuvoolela vandu makhuva kaanje. Uliitsa khulaanjilila nuvoola, ‘Litukhu liu khurishitsa lili himbi khutukha!’

³Litukhu lienelo lili himbi, litukhu liu Mwami Nyasaye lili himbi khutukha; liliitsa khuva litukhu lia malesi, lwa vandu vi tsimbia tsindi valiitsa khutivitswa.

⁴Liihe liliitsa khuva mu shivala shia Misri, liheenda mwoyo liliisa khukwila shivala shia Etsopia, lwa vandu vanyishi valiitsa khwiirwa mu shivala shia Misri, khali nivavukula miandu chiavo, khandi misinji chia mataala kavo nichisambulwa.

⁵“Vandu voosi viyunga na Misri, yavo varulanga Etsopia, Libya, Lidia, Arebia, nende Kubu, khali yavo varulanga mu vandu vaanje, valiitsa khutivitswa navo.”

⁶Mwami Nyasaye avoolanga, “Vandu voosi viyunga na Misri valiitsa khutivitswa, khali vasikali veve vilola vu vunyali valiitsa khutivitswa, khuraanjila havundu halaangwangwa Migidoli khutukha Siyene ha vandu valiitsa khwiirilwa muliihe. Inzi Mwami Nyasaye mali khuvoola.

⁷Shivala shia Misri shiliitsa khukwa shiangalangwi khuli vivala viakwa viangalangwi, khandi mataala keke kaliitsa khuva khuli mataala kativitswa.

⁸Nalwo lwa muliitsa khumanya ndi ninzi Mwami Nyasaye, lwa niitsa khuhaambitsa mulilu khu shivala shia Misri, nu khutivitsa vandu va vakhonyanga.

⁹“Khulitukhu lienelo, niitsa khuruma varumwa khutsia khurishitsa Vaetsopia vikhola kholitsanga, valiitsa khuheenda mwoyo khulitukhu lia valiitsa khulola shivala shia Misri nishimali khutivitswa; ni kilikali, litukhu lienelo lili himbi khutukha!

¹⁰“Inzi Mwami Nyasaye mbolanga, ‘Niitsa khumurumila Mwami Nebukadineza wa Babilonia, khwitsa khutivitsa miandu chia Misri.

¹¹Ye mwene nende vandu veve, shivala shiu khurishitsa muno khuvira vindi, valiitsa khurumwa khwitsa khutivitsa shivala shia Misri. Valiitsa khwiyavaala vivavi viavo khukwana Misri nu khwitsulitsa mu shivala shienesho vandu viirwa voosi.

¹²Niitsa khukhaaminya Muchela kwa Naili, khandi ngulitsile vandu vatamanu shivala shienesho; niitsa khuchila vandu vi tsimbia tsindi vononyinyi shivala shienesho khutukha lwa shiliitsa khukwa shiangalangwi nende vindu viosi vilimu; Inzi Mwami Nyasaye mali khuvoola.’

¹³“Inzi Mwami Nyasaye mbolanga: Niitsa khutivitsa misambwa, nende vanyasaye va havundu halaangwangwa Mefisi. Mwimilili aliitsa khuvula khuva mu shivala shia Misri; Niitsa khurishitsa vandu shia havundu hosi mu shivala shia Misri.

¹⁴Niitsa khukhola litaala lia Patsurosi khuva shiangalangwi, nu khuhaambitsa mulilu mu litaala lia Zohani; nu khusalilitsa litaala lia Tsebesi.

¹⁵Niitsa khumalila vurima vwanje mu litaala lia Pelusiumu, imbinga yi tsingulu ya Misri. Niitsa khutivitsa vandu vamenyanga Tsebesi.

¹⁶Niitsa khuhaambitsa mulilu mu shivala shia Misri; litaala lia Pelusiumu liliitsa khuvelelitswa mu mwoyo; litaala lia Tsebesi liliitsa khuheenda mwoyo khandi lisisi lialio liliitsa khupomolanyinywa.

¹⁷Vasatsa vavukha vali mu mataala ka Oni nende Pi-besetsi valiitsa khwiirwa ni shivavi; vandu vakhali khuhilwa mu vuhaambe.

¹⁸Shivala shiliitsa khumwamila mu litaala lia Tapanihesi lwa niitsa khuva nindivitsanga vwamihi vwa Misri halala nu vwiloli vwa Vamisri. Shiliitsa khukhunikhwa na malesi, khali vandu vamenyanga mushio valihilwa mu vuhaambe.

¹⁹Nindio niitsa khusalilitsa Vamisri. Nalwo lwa valiitsa khumanya ndi ninzi Mwami Nyasaye.”

²⁰Khulitukhu lia saba liu mweli kukhuraanga khumuhika kwi likhomi nu kuli muhika kwa khwali nu khumenyanga mu vuhaambe, Mwami Nyasaye yambolela,

²¹“Yivi mwana wu mundu, Mali khutong'ola mukhono ku Mwami wa Misri. Mukhono kwenoko shiukwavohwa khu kuhoone, inoho khuva ni tsingulu tsiu khukumila shivavi tawe.

²²Khulwa yako, inzi Mwami Nyasaye mbolanga: Lola, niitsa khukwana Mwami wa Misri khandi mutong'ole mikhono chiechie, mukhono kushili ni tsingulu halala nu mukhono kwatong'olwa. Niitsa khuchila avuli khukwana ni shivavi.

²³Niitsa khusalanyinya Vamisri mu vandu vi tsimbia tsindi, khandi vasalanyinye mu vivala vindi.

²⁴Niitsa khumeeta tsingulu Mwami wa Babilonia; niitsa khumuha tsingulu tsiu khukwana ni shivavi; navutswa niitsa khutong'ola mikhono chiu Mwami wa Misri khali aliitsa khulila imbeli wu Mwami wa Babilonia khuli mundu wasalilitswa vululu muno.

²⁵Niitsa khumeeta tsingulu Mwami wa Babilonia, navutswa Mwami wa Misri aliitsa khuvwa tsingulu mu mikhono chiechie. Nalwo lwa aliitsa khumanya ndi ninzi Mwami Nyasaye. Lwa niitsa khuha Mwami wa Babilonia tsingulu tsianje tsiu khukwanila shivavi shianje, nalwo lwa aliitsa khushirumishila khukwana shivala shia Misri.

²⁶Nalwo lwa niitsa khusalanyinya Vamisri mu vandu vi tsimbia tsindi, khandi vasalane mu vivala viosi. Nalwo lwa valiitsa khumanya ndi ninzi Mwami Nyasaye.”