Read tsotso HOSEHA 11 Bible Online

HOSEHA 11 - tsotso bible

HOSEHA 11

¹Mwami Nyasaye avoolanga, “Lwa Israeli yali mwana, nali namuyaanza, nimulaanga khurula mu shivala shia Misri khuva mwana wanje.

²Navutswa lwa natsililila khuvalaanga, nalwo lwa vatsililila khunzilukha. Vandu vaanje vakhola misango khu musambwa kwa Baali; nivasamba vubani khu misambwa.

³Khali ndio, ninzi wechitsa Efurahimu khuchenda, namukumila mu makhono kaanje; navutswa wakorwa khumanya ninzi wamuhonyinya.

⁴Namwimilila nu mwoyo kwi tsimbavasi nende vuyaanzi, nimuchinguula nimukhumbelela; nakokhoma khumuha shiukhulia.

⁵“Valiitsa khukalukha mu shivala shia Misri; Mwami wa Ashuria aliitsa khuvamiha, shichila wayambakhana khukalukha khwinzi.

⁶“Liihe liliitsa khulanda mu mataala kavo, milondi chi vilivwa viako chilativitswa; nu khutivitswa mu tsimbinga tsiavo.

⁷Vandu vaanje vali ni lienya liu khunzambakhana; valiitsa khulila shichila musiko kwa vatiukhwa, khali mundu avulakhuho uliitsa khuvarula.

⁸“Efurahimu, nyala khukhwambakhana munjila shina? Israeli, nyala khukhulekha munjila shina? Nyala khukhutivitsa munjila shina, khuli nativitsa litaala lia Adima, inoho khukhole ka nakhola litaala lia Zebohimu? Shinganakananga nyala khukhola ndio tawe! Vuyaanzi vwanje khu yivi nu vwatoto mbirilila.

⁹Shinzitsanga khukhusalilitsa mu vurima vwanje vululu; shinzitsanga khusalilitsa khandi Efurahimu tawe; shichila ninzi Nyasaye, navutswa mundu tawe. Ninzi Nyasaye, uli Mutakatifu wonyene mu munyi. Shinyala khwitsa khukhutivitsa tawe.

¹⁰“Vandu vaanje valanonda inzi Mwami Nyasaye, uli Nyasaye wavo lwa niitsa khuhuma huma khuli isimba; ni kilikali, niitsa khuhuma huma; muliitsa khwitsa khwinzi numutechelanga khurula imbo.

¹¹Valiitsa khurula mu shivala shia Misri nivatechelanga khuli manyonyi, khurula mu shivala shia Ashuria khuli vituti; niitsa khuvakalushitsa mu tsingo tsiavo. Inzi Mwami Nyasaye mali khuvoola.”

¹²Mwami Nyasaye avoolanga, “Efurahimu wambotokhana nu vuvehi, khandi Vaisraeli vangatanga. Navutswa vandu va Yuda vambinganyinya inzi Nyasaye, khali niiva ninzi musuuvilwa khandi uli Mutakatifu wonyene.