Read tsotso HOSEHA 12 Bible Online

HOSEHA 12 - tsotso bible

HOSEHA 12

¹Shia shindu shiosi shia Vaefurahimu vakholanga khuraanjila mu mavwevwe khutukha mu vutukhu ni shikhaya vutswa khandi ni shiu khutivitsa. Vamenya nivavoolanga vuvehi nu khukhola vutamanu; vakholanga lilakano na Ashuria; nivakhola vukhala vu khukuulanyinya makura na Misri.”

²Mwami Nyasaye yenyanga khuyaala vandu va Yuda; khandi khusalilitsa Yakobo shichila vindu vievie viakholanga, nu khumurunga khurulana khu vikholwa vievie.

³Nashili munda mwa mama wewe yakumila khundekeye ya amwavo wewe; niyakhahindila yarulana minyikha na Nyasaye.

⁴Yakwana ni injelosi nakuura; yalila nareeva akasitswi. Yakana na Nyasaye mu litaala lia Betseli, nalomoloma na Nyasaye mwenoyo --

⁵Mwami Nyasaye wi Mikaanda Chiliihe -- Mwami Nyasaye nalio lira lielie.

⁶Khulwa yako, munyi vitsukhulu va Yakobo, kalushi khu Nyasaye wenyu, londeleli vuyaanzi khandi vwatoto. Mumenye mu lisuuvilitswa mu Nyasaye wenyu.

⁷Mwami Nyasaye avoolanga, “Mundu ukuulanga nakuulitsa vindu ali ni vipimu viu vuvehi, khandi wayaanza khutambitsa vandu.

⁸Vandu vuluhia lwa Efurahimu vavoola, ‘Lolikhu! Khuli vahinda! Khwayinyolela miandu chieru vene’; navutswa miandu chiechie chiosi chivula vunyali vu khurulitsaho vutamanu vwevwe vwa yakhola.

⁹Navutswa Mwami Nyasaye avoolanga, ‘Ninzi Mwami Nyasaye, uli Nyasaye wenyu; ninzi wamurulitsa mu shivala shia Misri! Niitsa khumukhola mumenye khandi mu maheemo, khuli mwamenyamu lwa namulola numuli mu shiangalangwi.’

¹⁰“Ninzi walomoloma khu vaprofeti; ninzi wachila nivalola malolo manyishi nimbolela vandu tsinganu khuvirila khu vaprofeti venavo.

¹¹Vutamanu vukholekhanga mu lusomo lwa Gileadi, ni kilikali, vandu vakholanga vutamanu valiitsa khukhutsa; khali vasinzanga vihuunwa viu khukholela misango mu Gilugali, khulwa yako, vwaali vwavo vuliitsa khuva khuli shituma shia machina kasalanyinywa mu milimi.”

¹²Kuuka weru Yakobo yilukha natsia mu shivala shia Siria, naliyo yakhola muhinzilu anyole mukhali wahila; mukhali neye wachila niyaayitsa makondi.

¹³Mwami Nyasaye yarulitsa Vaisraeli mu shivala shia Misri khuvirila khu muprofeti, khali navalinda khuvirila khu muprofeti.

¹⁴Vaefurahimu valomba Mwami Nyasaye khuvalolela vurima; navutswa Mwami Nyasaye alavanza vutamanu khu vutamanu vwavo. Aliitsa khuvasalilitsa shichila vakhola vindu vitamanu.