Read tsotso HOSEHA 7 Bible Online

HOSEHA 7 - tsotso bible

HOSEHA 7

¹“Lwa ndi ninganakani yu khuhonyinya Vaisraeli, vukoyanu vwa Vaefurahimu vulolekhanga havulavu, vikholwa vitamanu via Samaria vilolekhanga; shichila vakholanga vindu viu vuvehi, vihuuvi vinjililanga vandu ni va vahuuvila; khandi vanuuli vanuulanga vandu vindu viavo khu mihaanda.

²Navutswa vavula inganakani yukhulola ndi namanya mihinzilu chiavo mitamanu chiosi. Vwoni vwavo vumali khuvanyolishitsa; shia shindu shiosi shia vakhola shilolekhanga imbeli wanje.”

³Mwami Nyasaye avoolanga, “Vutamanu vwavo vuchilanga mwami nasangala, khandi vayaanzitsa vimilili khuvirila mu vindu viu vuvehi vwavo.

⁴Voosi vakwa vaheeyi; vali khuli lijiko liashitswa mulilu, kwa mundu ukandanga mikati anyala khuvula khumeetamu mandaa, khuli shinokho nishishili khuvimba.

⁵Khulitukhu liu mulukha ku khwikhoyela ku mwami weru vimilili vatanda idivai khuvirana, khandi mwami nasanga mu shihenye henye na vandu vakholanga shihenye henye.

⁶Vahulilanga mulilu khuli kwi lijiko; visuunda khuye nu vwikhola kholitsi. Vali nu vurima vutukhu vwosi; vulolekhanga mu mavwevwe khuli tsimemo tsiu mulilu.

⁷“Voosi ni valulu khuli lijiko liu mulilu; vativitsa vamihi vavo. Vami vavo voosi vativitswa; khali mulala khuvo avulakhuho ureevanga vukhonyi khwinzi.”

⁸Mwami Nyasaye avoolanga, Vaefurahimu vatsukana na vandu vi tsimbia tsindi. Vaefurahimu vali khuli mukati kwa vakanda luveka lulala.

⁹Vandu vi tsimbia tsindi va vamala tsingulu, khali vavulakhu shia vamanya. Matukhu kavo kahimbihitswa, navutswa vakorwa shindu shiosi.

¹⁰Vwiloli vwa Vaisraeli vuhaananga vushiahidi khuvo vene; khali ndio, vayambakhana khukalukha khwinzi Mwami Nyasaye, uli Nyasaye wavo, inoho khukhava inzi khulondokhana khu kenako koosi.

¹¹Efurahimu ali khuli shituti, alolekhanga khuva musilo khandi muyiingwa, tsisaa tsindala yenyanga Misri amukhonye, tsisaa tsindi yenyanga Ashuria amukhonye.

¹²Lwa valiitsa khuva nivatsitsanga, nalwo lwa vasiuvila ineti yanje khuvareeka, niitsa khuvakumila khuli manyonyi; niitsa khuvasalilitsa shichila vikhola vitamanu viavo.

¹³“Wooyi! Vali khuvutiinyu, shichila valekhana ninzi! Nu vulahi khutivitswa shichila vambinganyinya! Mbele ninganakani yu khuvahonyinya, navutswa valomolomanga vuvehi khulondokhana khwinzi.

¹⁴Vayambakhana khusaala nu mwoyo kwatoto khwinzi, navutswa vahiliraanga nivakoni tsindolo; visalaakanga mivili chiavo khu vanyole imu nende idivai, navutswa vambinganyinyanga.

¹⁵Khali niiva naveechitsa khandi nivatinyilitsa, navutswa vanganakanilanga vindu vitamanu.

¹⁶Vasaalanga khu musambwa kwa Baali; vakwa khuli vura vuvula vukhonyi. Vimilili vavo valiitsa khwiirwa ni shivavi, shichila valomolomanga makhuva ku vusilo. Khulwa yako, Vamisri valiitsa khuvachaya.”