Read tsotso YONA 4 Bible Online

YONA 4 - tsotso bible

YONA 4

¹Navutswa makhuva kenako shikayaanzitsa Yona khali hati hene tawe. Khulwa yako, yali nu vurima.

²Yona yasaala khu Mwami Nyasaye navoola, “Mwami Nyasaye, nivi wasaalakhu! Shikali nako makhuva ka navoola, lwa nali nindi mu shivala shieru. Nashio shivune shiachila ninzilukha, ninzia Tarishishi muliraanga; shichila nali namanya ndi nivi Nyasaye witsula vuyaanzi nende tsimbavasi, khandi uli mwikhutsili.

³Khulwa yako, yivi Mwami Nyasaye, khusayanga nuyaanza uvukule vulamu vwanje; shichila khulwanje, ndolanga ndi nu vulahi khukhutsa khuvira khuva mwoyo.”

⁴Mwami Nyasaye yavoola, “Ulolanga wu kholanga vulahi lwa uli nu vurima?”

⁵Nalwo lwa Yona yarula mu litaala lia Nineve, natsia khwikhala khuluveka luli ivukwi walio. Yumbakhayo mwene litiili lielie, niyikhala mushiniikha shialio, nalindililanga alole katsitsanga khwikholekha mu litaala lia Nineve.

⁶Khulwa yako, Nyasaye, uli Mwami Nyasaye yameelitsa livoono khuha Yona shiniikha shiu khwikamamu. Yona yali nu vuyaanzi vunyishi muno shichila shiraakwa shienesho.

⁷Navutswa khulitukhu lialondakhu mu mavwevwe, Nyasaye yarovola injeetso khwinjilila shiraakwa shienesho khutukha lwa shianiala.

⁸Lwa liuva liarula ivukwi, Nyasaye yahuutsa vushindu vululu, khali mbasu nu kusakha vululu khu murwi kwa Yona, khali nava himbi khushiinda. Yona yireevana navoola, “Nu vulahi khwinzi khukhutsa khuvira khuva mwoyo.”

⁹Navutswa Nyasaye yavoolela Yona, “Ulolanga nu vulahi khulolela shiraakwa yishi vurima?” Yona yavoola, “Nu vulahi khulola vurima; khali ndi nu vurima vunyishi vunyala khunziira.”

¹⁰Nalwo lwa Mwami Nyasaye yavoola, “Uvelanga tsimbavasi shiraakwa shia wali nu wakharaaka inoho shia wakhachila nishimeela tawe. Shiameela mu vutukhu vulala, ni shiniala mu vutukhu vwalondakhu.

¹¹Ulolanga ndi kholanga vutamanu lwa ndi nu vuveleli shichila litaala lia Nineve, lilimu na vaana vanyishi khuvira tsiheelefu imia indala na makhomi kavili, vavula vunyala vu khwavukhanyinya likhola lilahi khurula mu vitamanu, khali ni miruku minyishi chinyala khuvula khuvalitswa.”