Read tsotso LIVALITSWA 7 Bible Online

LIVALITSWA 7 - tsotso bible

LIVALITSWA 7

¹Khulitukhu lia Musa yali namali khusinjilitsa Liheemo Litakatifu, yalivekha na makura nu khulikhola khuva litakatifu, halala na shia shindu shiosi shiali nishili mulio, khandi vwaali nende vindu viali nivili khuvwo.

²Khulwa yako, vimilili vi tsinzu tsia vandu vi tsimbia tsia Israeli, vimilili valala vele vasinjililanga khuvalitswa khwa vandu,

³valera vihanwa viavo khu Mwami Nyasaye. Valera makaare sita nende tsihili likhomi na tsivili. Shia likaare lialerwa na vimilili vavili; khandi shia mwimilili yalera lihili indala. Lwa vali nivakhamala khuvihaana,

⁴Mwami Nyasaye yavoolela Musa,

⁵“Uhuchilile khurula khuvo vihanwa yivi, khurumishilwa khukhola muhinzilu mu Liheemo Litakatifu. Uhe vandu vu lwivulu lwa Levi, khulondokhana khu mihinzilu chia vakholanga.”

⁶Nalwo lwa Musa yavukula makaare nende tsihili, naha vandu vu lwivulu lwa Levi.

⁷Musa yavukula makaare kavili nende tsihili tsine; naha vandu vu lwivulu lwa Gerishoni;

⁸khandi navukula makaare kane nende tsihili munane, naha vandu vu lwivulu lwa Merari, khulondokhana khu muhinzilu kwa venyekhanga khukhola. Vakhola muhinzilu kwavo kwosi nivali khusinjililwa na Itsamari mwana wu musalisi Haruni.

⁹Navutswa Musa avulakhu muhinzilu kwa yahaana khu vandu vu lwivulu lwa Kohaatsi, shichila navo vasinjililanga vindu vitakatifu, via vachinjilanga khu maveeka kavo.

¹⁰Vimilili venavo valera khandi vihanwa viu khukhola vwaali khuva vutakatifu, khulitukhu lia vwavekhwa na makura. Lwa vali nivakhirechekha khuhaana vihanwa viavo khu vwaali,

¹¹Mwami Nyasaye yavoolela Musa, “Voolela shia mulala khu vimilili venavo khuhaana khu shia litukhu khumatukhu likhomi na kavili, vihanwa viu khukhola vwaali khuva vutakatifu.”

¹²Khulitukhu liu khuraanga, Nahashoni mwana wa Aminadabu warulanga mu vandu vuluhia lwa Yuda, yalera shihanwa shieshie.

¹³Khulitukhu lia khavili, Natsanieli mwana wa Zuhari warulanga mu vandu vuluhia lwa Isakari, yalera shihanwa shieshie. Yalera isahani indala yali nu vulitoho ikilo 1.5 nende ibirika indala yalombwa khu ifetsa yali nu vulitoho tsiguramu 800, khulondokhana khu shipimu shia matukhu kenako mu Liheemo Litakatifu. Isahani nende ibakuli viali via yitsulitswa vusi vunyukhu vwa tsukanywa na makura, khuva shihanwa shi imu.

¹⁴Isahani indala yalombwa khu itsahabu yali nu vulitoho tsiguramu 110, niyitsuli vubani;

¹⁵shihunwa, limiiko lilala, shimeme shisatsa shilala, shiu muhika mulala, khuva khuli shihanwa shiu khusambwa;

¹⁶limiiko lilala, khuva khuli shihanwa shiu khurulitsaho vwoni;

¹⁷khandi tsihili tsivili, mamiiko karanu, tsimbuli tsiranu, nende makondi masatsa karanu, vili nu muhika mulala, khuli shihanwa shiu khulera milembe. Nashio shihanwa shia Nahashoni, mwana wa Aminadabu yahaana.

¹⁸Khulitukhu lia khavili, Natsanieli mwana wa Zuhari, wali mwimilili wa vandu vuluhia lwa Isakari, yahaana shihanwa shieshie;

¹⁹Natsanieli yahaana isahani indala yalombwa khu ifetsa, yali nu vulitoho ikilo 1.5 nende ibakuli indala yali niyalombwa khu ifetsa, yali nu vulitoho tsiguramu 800, khulondokhana khu shipimu shia matukhu kenako mu Liheemo Litakatifu. Isahani nende ibakuli, viali via yitsula vusi vunyukhu, vwa tsukanywa na makura, khukhola musango kwi shihanwa shi imu;

²⁰isahani indala yalombwa khu itsahabu, yali nu vulitoho tsiguramu 110, niyitsuli vubani;

²¹shihunwa shilala, limiiko lilala, shimeme shisatsa shilala, shiu muhika mulala, khuva khuli shihanwa shiu khusambwa;

²²imbuli ikhole khuva shihanwa shiu khusambwa;

²³tsihili tsivili, mamiiko karanu, tsimbuli tsisatsa tsiranu nende makondi masatsa karanu, kali nu muhika mulala, khuva shihanwa shiu khulera milembe. Nashio shihanwa shia Natsanieli, mwana wa Zuhari yahaana.

²⁴Khulitukhu lia khavaka, Eliabu mwana wa Heloni, wali nali mwimilili wa vandu vuluhia lwa Zabuloni, yalera shihanwa shieshie;

²⁵Shihanwa shieshie shiali isahani indala yalombwa khu ifetsa yali nu vulitoho ikilo 1.5 nende ibakuli indala yalombwa khu ifetsa yali nu vulitoho tsiguramu 800, khulondokhana khu shipimu shia matukhu kenako, mu Liheemo Litakatifu. Isahani nende ibakuli, viali via yitsula vusi vunyukhu vwa tsukanywa na makura, khukhola musango kwi shihanwa shi imu;

²⁶isahani indala yalombwa khu itsahabu, yali nu vulitoho tsiguramu 110, niyitsuli vubani;

²⁷shihunwa shilala, limiiko lilala, shimeme shilala shili nu muhika mulala, khuva khuli shihanwa shiu khusambwa;

²⁸limiiko lilala khuva shihanwa shiu khurulitsaho vwoni;

²⁹tsihili tsivili, mamiiko karanu, tsimbuli tsikhole, tsiranu nende makondi masatsa karanu kali nu muhika mulala khuva shihanwa, shiu khulera milembe. Nashio shiali shihanwa shia Eliabu, mwana wa Heloni yahaana.

³⁰Khulitukhu lia khane, Elizuri mwana wa Shedehuri, wali nali mwimilili wa vandu vuluhia lwa Rubeni yalera shihanwa shieshie.

³¹Shihanwa shieshie shiali isahani indala yalombwa khu ifetsa, yali nu vulitoho ikilo indala ninusu nende ibakuli indala yalombwa khu ifetsa, yali nu vulitoho tsiguramu 800, khulondokhana khu vipimu vi Liheemo Litakatifu. Isahani nende ibakuli viali via yitsula vusi vunyukhu vwa tsukanywa na makura, khukhola musango kwi shihanwa shi imu;

³²isahani indala yalombwa khu itsahabu, yali nu vulitoho tsiguramu 110 niyitsuli vubani;

³³shihunwa shilala, limiiko lilala, shimeme shili nu muhika mulala, khuva khuli shihanwa shiu khusambwa;

³⁴limiiko lilala khuva shihanwa shiu khusambwa;

³⁵tsihili tsivili, mamiiko karanu, tsimbuli tsikhole tsiranu nende makondi masatsa karanu kali nu muhika mulala, khuva shihanwa shiu khulera milembe. Nashio shiali shihanwa shia Elizuri, mwana wa Sheduheri yahaana.

³⁶Khulitukhu lia kharanu, Shelumieli mwana wa Zurishadai, wali nali mwimilili wa vandu vuluhia lwa Simioni yalera shihanwa shieshie.

³⁷Shihanwa shieshie shiali isahani indala yalombwa khu ifetsa yali nu vulitoho ikilo 1.5 nende ibakuli indala yalombwa khu ifetsa yali nu vulitoho tsiguramu 800, khulondokhana khu vipimu vi Liheemo Litakatifu. Isahani nende ibakuli viali via yitsula vusi vunyukhu, vwa tsukanywa na makura khukhola musango kwi shihanwa shi imu;

³⁸isahani indala yalombwa khu itsahabu, yali nu vulitoho tsiguramu 110 niyitsuli vubani;

³⁹shihunwa shilala, limiiko lilala, shimeme shilala, shili nu muhika mulala, khuva khuli shihanwa shiu khusambwa;

⁴⁰limiiko lilala, khuva shihanwa shiu khusambwa;

⁴¹tsihii tsivili, mamiiko karanu, tsimbuli tsikhole tsiranu nende makondi masatsa karanu, kali nu muhika mulala, khuva shihanwa shiu khulera milembe. Nashio shiali shihanwa shia Shelumieli, mwana wa Zurishadai.

⁴²Khulitukhu lia sita, Eliasafu, mwana wa Ehueli, wali nali mwimilili wa vandu vuluhia lwa Gadi yalera shihanwa shieshie.

⁴³Shihanwa shieshie shiali isahani indala yalombwa khu ifetsa, yali nu vulitoho ikilo 1.5 nende ibakuli indala yalombwa khu ifetsa, yali nu vulitoho tsiguramu 800, khulondokhana khu vipimu vi Liheemo Litakatifu. Isahani nende ibakuli viali via yitsula vusi vunyukhu, vwa tsukanywa na makura khukhola musango kwi shihanwa shi imu;

⁴⁴isahani indala yalombwa khu itsahabu, yali nu vulitoho tsiguramu 110 niyitsuli vubani;

⁴⁵shihunwa shilala, limiiko lilala, shimeme shilala shili nu muhika mulala, khuva khuli shihanwa shiu khusambwa;

⁴⁶limiiko lilala khuva shihanwa shiu khusambwa;

⁴⁷tsihili tsivili, mamiiko karanu, tsimbuli tsikhole tsiranu nende makondi masatsa karanu, kali nu muhika mulala, khuva shihanwa shiu khulera milembe. Nashio shiali shihanwa shia Eliasafu, mwana wa Dehuheli.

⁴⁸Khulitukhu lia saba, Eliashama mwana wa Amihudi, wali nali mwimilili wa vandu vuluhia lwa Efurahimu yalera shihanwa shieshie.

⁴⁹Shihanwa shieshie, shiali isahani indala yalombwa khu ifetsa yali nu vulitoho ikilo 1.5 nende ibakuli indala yalombwa khu ifetsa yali nu vulitoho tsiguramu 800, khulondokhana khu shipimu shia matukhu kenako, mu Liheemo Litakatifu. Isahani nende ibakuli, viali via yitsula vusi vunyukhu, vwa tsukanywa na makura khukhola musango kwi shihanwa shi imu;

⁵⁰isahani indala yalombwa khu itsahabu yali nu vulitoho tsiguramu 110 niyitsuli vubani;

⁵¹shihunwa shilala, limiiko lilala, shimeme shilala shili nu muhika mulala, khuva khuli shihanwa shiu khusambwa;

⁵²limiiko lilala, khuva shihanwa shiu khurulitsaho vwoni;

⁵³tsihii tsivili, mamiiko karanu, tsimbuli tsikhole tsiranu nende makondi masatsa karanu, kali nu muhika mulala, khuva shihanwa shiu khulera milembe. Nashio shiali shihanwa shia Elishama, mwana wa Amihudi.

⁵⁴Khulitukhu lia munane, Gamalieli mwana wa Pedahuzuri, wali nali mwimilili wa vandu vuluhia lwa Manaase, yalera vihanwa vievie:

⁵⁵Yahaana khandi isahani indala yali niyalombwa khu ifetsa, yali nu vulitoho tsikilo 1.5, ibakuli yali niyalombwa khu ifetsa, yali nu vulitoho tsiguramu 800, khulondokhana khu shipimu shia matukhu kenako, mu Liheemo Litakatifu. Tsiosi tsiali nitsitsuli vusi vunyukhu, vwa tsukanywa na makura, khuva khuli shihanwa shi imu.

⁵⁶Yahaana khandi isahani indala, yali niyalombwa khu itsahabu, yali nu vulitoho tsiguramu 110, niyitsuli vubani;

⁵⁷yahaana khandi shihunwa shilala, limiiko lilala nende imbuli ikhole indala, yu muhika mulala khuva khuli shihanwa shiu khusambwa.

⁵⁸Yahaana khandi imbuli ikhole khuva khuli shihanwa shiu khurulitsaho vwoni.

⁵⁹Yahaana khandi tsihili tsivili, mamiiko karanu, tsimbuli tsikhole tsiranu, tsiu muhika mulala, khuva khuli shihanwa shiu khulera milembe. Navio vihanwa via Gamalieli, mwana wa Pedazuri yahaana.

⁶⁰Khulitukhu lia tisa, Abidani wali nali mwana wa Gidioni, wali nali mwimilili wa vandu vuluhia lwa Benyamini yahaana:

⁶¹shihanwa shi imu, khulondokhana khu shipimu shia matukhu kenako, mu Liheemo Litakatifu; isahani indala yalombwa khu ifetsa, yali nu vulitoho tsikilo 110, niyitsulikhu vubani. Yahaana khandi shihunwa shilala, limiiko lilala, khuhaanwa khuli shihanwa shiu khusambwa, imbuli indala yu khuhaana khuli shihanwa shiu khurulitsaho vwoni;

⁶²halala ni tsihili tsivili, mamiiko karanu, tsimbuli tsiranu, nende makondi karanu, ku muhika mulala, ku khuhaanwa khuli shihanwa shiu khulera milembe.

⁶³Yahaana ichilishi indala, limiiko lilala nende shimeme shi likondi lisatsa, shiu muhika mulala, khuva khuli shihanwa shiu khusambwa.

⁶⁴Yahaana khandi imbuli isatsa khuva khuli shihanwa shiu khurulitsaho vwoni;

⁶⁵Yahaana khandi tsichilishi tsivili, mamiiko karanu, nende tsimbuli tsikhole tsiranu, tsiu muhika mulala. Navio vihanwa via Abidani mwana wa Gidioni yahaana.

⁶⁶Khulitukhu li likhomi, Ahiezeri mwana wa Amishadai, wali nali mwimilili wa vandu vuluhia lwa Dani yahaana:

⁶⁷isahani indala, yali niyalombwa khu ifetsa, yali nu vulitoho tsikilo 1.5, nende ibakuli indala, yali niyalombwa khu ifetsa yali nu vulitoho tsiguramu 800, khulondokhana khu shipimu shia matukhu kenako, mu Liheemo Litakatifu. Isahani nende ibakuli, viali via yitsulitswakhu vusi vunyukhu vwali nu vwatsukanywa na makura khuhaanwa, khuli shihanwa shi imu;

⁶⁸yahaana khandi ibakuli indala, yali niyalombwa khu itsahabu, yali nu vulitoho tsiguramu 110 niyitsuli vubani vuhuunyanga mwayu mulahi;

⁶⁹yahaana khandi shihuunwa shilala, limiiko lilala nende ikhole indala, yu muhika mulala khuva khuli shihanwa shiu khusambwa;

⁷⁰yahaana khandi limiiko lilala, khuva khuli shihanwa shiu khurulitsaho vwoni;

⁷¹tsihili tsivili, mamiiko karanu, tsimbuli tsikhole tsiranu tsiu muhika mulala, khuva khuli shihanwa shiu khulera milembe. Navio vihanwa via Ahiezeri mwana wa Amishadai yahaana.

⁷²Khulitukhu li likhomi ni lilala, Pagieli mwana wa Okurani, wali nali mwimilili wa vandu vuluhia lwa Asheri, yahaana shihanwa shieshie.

⁷³Yahaana isahani indala, yalombwa khu ifetsa, yali nu vulitoho tsikilo 1.5, ibakuli yali niyalombwa khu ifetsa, yali nu vulitoho tsiguramu 800, khulondokhana khu shipimu shia matukhu kenako, mu Liheemo Litakatifu. Tsiosi tsivili, tsiali nitsitsuli vusi vunyukhu, vwa tsukanywa na makura, khuva khuli shihanwa shi imu.

⁷⁴Yahaana khandi isahani indala yali niyalombwa khu itsahabu, yali nu vulitoho tsiguramu 110, yali niyitsuli vubani vuhuunyanga mwayu mulahi;

⁷⁵shihunwa shilala, limiiko lilala, likondi lisatsa lilala, liu muhika mulala, khuva khuli shihanwa shiu khusambwa.

⁷⁶Yahaana khandi limiiko lilala, khuva khuli shihanwa shiu khurulitsaho vwoni;

⁷⁷yahaana khandi tsihili tsivili, mamiiko karanu, tsimbuli tsikhole tsiranu, tsiu muhika mulala, khuva khuli shihanwa shiu khulera milembe. Navio vihanwa via Pagieli mwana wa Okurani yahaana.

⁷⁸Khulitukhu li likhomi lilala na kavili, Ahira mwana wa Enani, wali nali mwimilili wa vandu vuluhia lwa Nafutali, yahaana vihanwa vievie.

⁷⁹Yahaana isahani indala yalombwa khu ifetsa, yali nu vulitoho tsikilo 1.5, ibakuli yali niyalombwa khu ifetsa yali nu vulitoho tsiguramu 800, khulondokhana khu shipimu shia matukhu kenako mu Liheemo Litakatifu. Tsiosi tsivili, tsiali nitsitsuli vusi vunyukhu, vwa tsukanywa na makura, khuva khuli shihanwa shi imu.

⁸⁰Yahaana khandi isahani indala yali niyalombwa khu itsahabu, yali nu vulitoho tsiguramu 110, yali niyitsuli vubani vuhuunyanga mwayu mulahi;

⁸¹yahaana khandi shihunwa shilala, limiiko lilala likondi lisatsa liu muhika mulala, khuva khuli shihanwa shiu khusambwa;

⁸²yahaana khandi imbuli ikhole, khuva khuli shihanwa shiu khurulitsaho vwoni;

⁸³yahaana khandi tsihili tsivili, mamiiko karanu, tsimbuli tsikhole tsiranu, tsiu muhika mulala, khuva khuli shihanwa shiu khulera milembe. Navio vihanwa via Ahira mwana wa Enani yahaana.

⁸⁴Vihanwa viosi, via vimilili likhomi na vavili, va vandu vi tsimbia tsia Israeli vahaana, khukhola vwaali khuva vutakatifu, khulitukhu lia vwavekhwa makura, viali: tsisani likhomi na tsivili tsiali nitsialombwa khu ifetsa, tsingalayi likhomi na tsivili, tsiali nitsialombwa khu ifetsa, nende tsibakuli likhomi na tsivili tsiali nitsialombwa khu itsahabu.

⁸⁵Shia ibakuli yali niyalombwa khu ifetsa yali nu vulitoho tsikilo 1.5, khandi shia ibakuli, yali nu vulitoho tsiguramu 800, khulondokhana khu shipimu shia matukhu kenako mu Liheemo Litakatifu.

⁸⁶Shia ibakuli yali niyalombwa khu itsahabu, niyitsuli vubani, yali nu vulitoho tsiguramu 110, khulondokhana khu shipimu shia matukhu kenako, mu Liheemo Litakatifu. Tsisahani tsiosi tsiali nitsialombwa khu itsahabu, shia isahani yali nu vulitoho tsikilo 1.5.

⁸⁷Vihuunwa viosi viu khukholela shihanwa shiu khusambwa, viali vihuunwa likhomi na vivili, mamiiko likhomi na kavili, makondi masatsa likhomi na kavili, kali nu muhika mulala, halala ni shihanwa shi imu. Vahaana khandi makondi masatsa likhomi na kavili khuva khuli shihanwa shiu khurulitsaho vwoni.

⁸⁸Miruku chiosi chiahaanwa khukholelwa shihanwa shiu khulera milembe, chiali tsichilishi makhomi kavili na tsine, mamiiko makhomi sita, tsimbuli tsikhole makhomi sita, nende vimeme visatsa via makondi makhomi sita, vili nu muhika mulala. Navio vihanwa viahaanwa, khukhola vwaali khuva vutakatifu, nuvumali khuvekhwa makura.

⁸⁹Lwa Musa yinjila mu Liheemo Litakatifu khulomoloma nu Mwami Nyasaye, yahulila mwoyo ku Mwami Nyasaye, khurula ikulu wi shindu shiu khukhunikha Lisanduku li Lilakano, nu kuhulilikhananga hakari hi vilombe vi tsimbaha.