Read tsotso MIKA 4 Bible Online

MIKA 4 - tsotso bible

MIKA 4

¹Mumatukhu kaliitsa khwitsa, shikulu shi Litempeli liu Mwami Nyasaye liumbakhwakhu shilikholwa shiraambi muno khuvira vikulu vindi viosi. Ni kilikali, shilaraambihitswa khuvira vikulu vindi viosi. Vandu vanyishi valatsia khushio.

²Vandu vi tsimbia tsinyishi valiitsa khutsiayo nivavoola, “Chendi khutikulushi khu Shikulu shiu Mwami Nyasaye, khwinjila mu Litempeli lia Nyasaye wa Yakobo, khukhwechitsa tsinjila tsietsie ma khumenye khulondokhana khu lienya lielie; shichila mivaalo kalarula Sayoni; likhuva liu Mwami Nyasaye lilarula mu Yerusalemi.”

³Nyasaye aliitsa khukhalachila vandu vi tsimbia tsinyishi, nu khuviritsa viyaalo hakari hi vivala vi tsingulu khurula ihale wene. Viliitsa khwiraanyinya vivavi viavo mu machembe ku khulimila, marimu kavo khukwa tsikhoni tsiu khutsiolela. Shivala shiliitsa khuvula khukwana shivala shindi inoho khwenya khweka khukwana.

⁴Navutswa shia shivala shiliitsa khumenya mu milembe, mu mulimi chiavo chi misabibu nende mikhuyu chiechie, vuchila mundu unyala khuvarishitsa; Mwami Nyasaye wi Mikaanda Chiliihe umali khuvoola mwene.

⁵Vivala vinyishi vilondanga tsinjila tsiavo viene, khusaala khu nyasaye wavo vene; navutswa khulalonda lira liu Mwami Nyasaye, uli Nyasaye weru lwa khusuuvilanga muye, uli Nyasaye weru, mihika ni mihika.

⁶Mwami Nyasaye avoolanga, “Khulitukhu lienelo, niitsa khulera halala vandu valema; nu khulaanga halala yavo voosi vakhunganyinywa, nende yavo va nasalilitsa.

⁷Vandu valema navo vanichila varikala mwoyo; yavo vakhungwa, navo vanikhola luhia lwi tsingulu. Inzi Mwami Nyasaye niitsa khuvamiha mu Shikulu shia Sayoni khuraanjila nunundi khandi mihika ni mihika.”

⁸Khulondokhana khu yivi shikulu shia Yerusalemi, yivi uli khuli imbinga ya Sayoni, wa Nyasaye alindilanga vandu veve, khuli mwayi alindanga makondi keke; uliitsa khuva khandi litaala likali li tsingulu khuli wavetsanga, Yerusalemi nilive khandi litaala likali lia vami.

⁹Khu, shichila shina mulilanga nu mwoyo mukali muno? Ni kilikali, mwami avulakhuho wumwamihanga? Mundu wenyu wu mukhonyanga inganakani wakora, khali kachili muhulilanga isalila khuli yu mukhali wenyanga khwivula?

¹⁰Munyi vandu va Sayoni, lili tsikhwili nu mukalaakala numulila khuli mukhali wivulanga; shichila mularula mu litaala likali yili, khutsia khumenya mu shiangalangwi; muliitsa khutsia Babilonia. Navutswa numuliyo, mulahonyinywa. Mwami Nyasaye alamuhonyinya khurula khu vatsiku venyu numumenyayo.

¹¹Navutswa vivala vinyishi vamali khwivunjelitsa khumukwana; nivivoola, “Leshi litaala likali likholwi shifwavi, chendi khulole khuli litaala likali lia Sayoni lisasanga!”

¹²Navutswa viakorwa khumanya khuli Mwami Nyasaye akanakananga; viakorwa khumanya shialoshitsanga khukhola; shichila wa valera halala khuli vivoho vi imu vilerwangwa havundu ha yihulachilwangwa.

¹³Mwami Nyasaye avoolanga, “Munyi vandu va Sayoni, sinjili mukwane vatsiku venyu! Namukhola khuva ni tsingulu khuli ichilishi yi tsinzika tsindinyu khuli tsialombwa khu shivia khandi tsimbakaywa khu mukasa. Muliitsa khutivitsa vandu khurula mu vivala vinyishi, khandi muliitsa khutakaasila inzi Mwami Nyasaye vindu via vanyola munjila indamanu, ni miandu khwinzi mwene, lwa ndi Mwami Nyasaye wamihanga shivala shiosi.”