Read tsotso LITSUSHITSWA 34 Bible Online

LITSUSHITSWA 34 - tsotso bible

LITSUSHITSWA 34

¹Nalwo lwa Musa yanina khu Shikulu shia Nebo, lwa yali niyakharula mu lwomera lwi shivala shia Moabu, natukha khu vutoonje vwi Shikulu shia Pisiga, khuluveka luli ivukwi wi litaala lia Yeriko. Mwami Nyasaye yamumanyinyilaho shivala shiosi, khuraanjila khu lusomo lwa Gileadi, khutukha mu litaala lia Dani;

²lusomo lwa Nafutali lwosi, tsisomo tsia Efurahimu nende Manaase, lusomo lwa Yuda khutukha khuluveka luli imbo wi Inyanza ya Meditarenia,

³khuluveka luli ikuvanda wu lusomo lwa Yuda, khandi luhoongo luraanjilanga mu litaala lia Zohari, khutukha mu litaala lia Yeriko, litaala li misala chia mashindu.

⁴Mwami Nyasaye yavoolela Musa, “Yishi nashio shivala, shia nalaaka Aburahamu, Isaka, nende Yakobo ndi naha vitsukhulu vavo. Khumanyinyi ushilole; navutswa shiuliitsa khwinjilamu tawe.”

⁵Nalwo lwa Musa wali murumishi wu Mwami Nyasaye yakhutsilayo mu shivala shia Moabu, khuli Mwami Nyasaye yali niyavoola.

⁶Mwami Nyasaye yayeveela mmbili kwkwe mu luhoongo, luli mu shivala shia Moabu, injelekha wundi wi litaala lia Betsi-pehori; navutswa mundu avulakhuho wamanya ha mmbili kwenoko kwayeveelwa khali nunundi.

⁷Musa yakhutsa namali mihika imia indala na makhomi kavili. Yatsililila khuva ni tsingulu, khali tsimoni tsietsie nitsitsililila khulola vulahi vwene.

⁸Vaisraeli valila tsikhwili nivamwikhula khumatukhu makhomi kavaka, mu lwomera lwi shivala shia Moabu.

⁹Yoshwa mwana wa Nuni yali wayitsula vusitsa vunyishi, shichila Musa yali wamurovola khuva mwimilili havukono hehe. Nalwo lwa Vaisraeli valonda makhuva ka Yoshwa manivakhola ku Mwami Nyasaye yali niyavoola khuvirila khu Musa.

¹⁰Khali muprofeti khuli Musa ashili khulolekhakhu mu shivala shia Israeli, wu Mwami Nyasaye yalomoloma naye mumoni namoni.

¹¹Muprofeti avulakhuho, wakholakhu viloleshitsu nende vindu viu khuchenyinya khuli vienevo, viu Mwami Nyasaye yaruma Musa khukhola imbeli wu Mwami wa Misri, khu varumishi veve khandi khu vandu vamenyanga mu shivala shieshie voosi.

¹²Muprofeti wundi avulakhuho, wakholakhu vindu viu khuchenyinya khandi viu khurishitsa, via Musa yakhola imbeli wa Vaisraeli voosi.