Read tsotso YOHANA 3 Bible Online

YOHANA 3 - tsotso bible

YOHANA 3

¹Khwaliho nu mulala khu vimilili va Vayahudi walaangwangwa Nikodemo; khandi yali mulala khu mukaanda kwa Vafarisayo.

²Litukhu lindi, Nikodemo yasimukha mu vutukhu natsia khulola Yesu, namuvoolela, “Rabbi, khwamanya ndi uli mwechitsi warula khu Nyasaye. Mundu avulakhuho unyala khukhola viloleshitsu via yivi wu kholanga, Nyasaye nakhavele naye.”

³Yesu yamuchipa, “Khuvoolelanga katoto ndi mundu nashili khwivulwa lwa khavili, shianyala khwinjila mu Vwami vwa Nyasaye tawe.”

⁴Nikodemo yamureeva, “Mundu yakhivulwa munjila shina niyahindila khale? Katoto shianyala khwinjila munda mwa mama wewe, nu khwivulwa lwa khavili tawe!”

⁵Yesu yamuchipa, “Khuvoolelanga kilikali ndi mundu nashili khwivulwa khuvirila khu matsi nende Roho, shianyala khwinjila mu Vwami vwa Nyasaye tawe.

⁶Mundu yivulwangwa nu mundu; khandi mundu wivulwi na Roho neye wa Roho.

⁷Muvuli khunjenyela lwa mbolanga munyi voosi mwivulwi khandi lwa khavili.

⁸Imbuutsa ihuutsanga havundu ha yenyi; unyala khuhulila khuli ihuutsanga; navutswa shiunyala khuvoola wa irulanga inoho wa itsitsanga tawe. Khulwa yako, nindio khandi kali kario khu mundu wivulwa na Roho.”

⁹Nikodemo yamureeva, “Kanyala khwikholekha munjila shina?”

¹⁰Yesu yamuchipa, “Uli mwechitsi mukali wa Israeli; navutswa wakorwa kambolanga yaka?

¹¹Khuvoolelanga katoto ndi khulomolomanga makhuva ka khwamanya khandi khuhaananga vushiahidi khulondokhana khu ka khwalola; navutswa khali vandu vambakhane khuhuchilila likhuva lieru lia khuvoolanga.

¹²Niiva mbele nimuvoolele makhuva khulondokhana khu vindu vikholekhanga khulilova khunu, navutswa mwambakhane khusuuvila, munyala khusuuvila ndina niiva nyala khumuvoolela makhuva khulondokhana khu vindu viu mwikulu?

¹³Mundu avulakhuho watsiakhu mwikulu, nikakhali Mwana wu Mundu wonyene, warula mwikulu.”

¹⁴Khuli Musa yachinguula ikulu inzukha yu mukasa khu musala mu shiangalangwi, nindio khandi Mwana wu Mundu aliitsa khuchinguulwa,

¹⁵khu mundu usuuvila muye anyole vulamu vwi mihika ni mihika;

¹⁶shichila Nyasaye yayaanza vandu vu mu shivala nahaana Mwana wewe mutelwa, khu mundu usuuvila muye alivula khukhutsa, navutswa anyole vulamu vwi mihika ni mihika.

¹⁷Nyasaye shiyaruma Mwana wewe mu shivala khwitsa khukhalachila vandu tawe; navutswa khuvahonyinya khuvirila khuye.

¹⁸Mundu usuuvilanga mu Mwana shianyala khukhalachilwa tawe; navutswa mundu wambakhananga khusuuvila muye wamala khukhalachilwa khale, shichila wayambakhana khusuuvila mu Mwana wa Nyasaye mutelwa.

¹⁹Nindi likhalachilwa liliitsa khwikholekha, shichila vulavu vwamala khwitsa mu shivala, navutswa vandu vayaanza shisuundi khuvira vulavu, shichila vikholwa viavo ni vitamanu.

²⁰Navutswa mundu wu kholanga vindu vitamanu wayambakhana vulavu, khandi shianyala khwitsa mu vulavu, shichila shiyenyi vikholwa vievie vimanyikhane havulavu tawe.

²¹Navutswa mundu wu kholanga katoto alolekhanga mu vulavu, khu kamanyikhane havulavu ndi vikholwa vievie vikholeshe khuhaana luyali khu Nyasaye.

²²Matukhu mati nikakhavira, Yesu nende veechi veve vasimukha nivatsia mu lusomo lwa Yudeya, ha yamenya navo khumatukhu mati, nabatisanga vandu.

²³Yohana yali nabatisanga khandi vandu havundu halaangwangwa Aenoni, himbi mu litaala lia Salimu, shichila khwaliho na matsi manyishi. Vandu vatsitsanga khuye, navabatisa. (

²⁴Vindu vienevo vikholekha Yohana nashili khuvohwa mucheela.)

²⁵Valala khu veechi va Yohana varaanga khuhingala mulilomoloma nu Muyahudi wundi khulondokhana khu mulukha ku khunihitswa.

²⁶Khulwa yako, veechi venavo vasimukha nivatsia khu Yohana, nivamuvoolela, “Mwechitsi, mundu wali nivi khuluveka luli ivukwi wu Muchela kwa Yorodani, nali woyo wa wahaana vushiahidi khulondokhanakhu, abatisanga vandu nunundi; khandi vandu voosi vatsitsanga khuye!”

²⁷Yohana yavoola, “Mundu avulakhuho unyala khunyolakhu shindu, Nyasaye nakhamuheele.

²⁸Munyi vene muli vashiahidi vaanje lwa navoola, ‘Shindi Masiha tawe, navutswa narumwa khwitsa imbeli wewe.’

²⁹Musatsa uselelanga mwiiha neye mwene mwiiha; navutswa mulina wu musatsa uselelanga mwiiha asinjilaho ahulila ka avoolanga, khandi asangalanga lwa ahulilanga musatsa uselelanga mwiiha nalomoloma. Nindi khali inzi ndi nu vuyaanzi vunyishi vwatoto.

³⁰Khutukha amanyikhane muno khuvira inzi.”

³¹Woyo uliitsa khurula mwikulu ali nu vunyali khuvira shia shindu shiosi. Mundu wivulwa mu shivala nu wu mu shivala, khandi alomolomanga khulondokhana khu vindu viu mu shivala; navutswa woyo uliitsa khurula mwikulu, ali nu vunyali khuvira shia shindu shiosi.

³²Ahaananga vushiahidi khulondokhana khu ka ye mwene yalola nikakholekhanga khandi nahulila. Navutswa mundu avulakhuho uhuchililanga makhuva keke.

³³Mundu uhuchililanga vushiahidi vwevwe, amanyinyanga toto ndi Nyasaye nu watoto.

³⁴Mundu wa Nyasaye mwene yaruma alomolomanga makhuva ka Nyasaye, shichila Nyasaye amuheetsanga mu vunyishi tsingulu tsia Roho.

³⁵Tata wayaanza Mwana wewe, khandi wamuha vunyali khusinjilila shia shindu shiosi.

³⁶Mundu usuuvilanga mu Mwana, ali nu vulamu vwi mihika ni mihika. Mundu wambakhananga khusuuvila mu Mwana, shialiitsa khunyola vulamu tawe; navutswa Nyasaye alatsililila khumulolela vurima.