Read tsotso VAGALATIA 1 Bible Online

VAGALATIA 1 - tsotso bible

VAGALATIA 1

¹Inzi Paulu, shikali nalaangwa khuva murumwa khuvirila khu vunyali vwa vandu inoho tsingulu tsiu mundu tawe; navutswa khuvirila khu vunyali vwa Yesu Kristo khandi Nyasaye, uli Tata wisimushitsa Yesu Kristo khurula mu likhutsa.

²Vasuuvili voosi vandi navo hanu, khuhaananga milembe chieru khu makanisa koosi mu litaala lia Galatia.

³Nyasaye, uli Tata nende Mwami weru Yesu Kristo vamulolele tsimbavasi nu khumuha milembe.

⁴Kristo yihaana mwene khukhutsa, shichila vwoni vweru khulondokhana khu lienya lia Nyasaye, uli Tata weru, khu akhuvoholole khurula mu vindu vitamanu vikholekhanga mumatukhu kanu.

⁵Vukhumi vuve khu Nyasaye mihika ni mihika! Amina.

⁶Ndi ni lichenya khuli mwambakhane vwangu woyo wamulaanga khuvirila mu tsimbavasi tsia Kristo, khandi mulondanga Ivanjeli yu lukanu lundi.

⁷Shikanyala khuva khuliho ni Ivanjeli yu lukanu lundi tawe; navutswa khuliho na vandu valala mu munyi vamunyashitsanga, nivenya khukoyanyinya Ivanjeli ya Kristo.

⁸Navutswa, khali niiva ni vanga khutsi inoho indala khu tsinjelosi khurula mwikulu, inyala khumwilwatsila Ivanjeli yu lukanu lundi khuvira ya khwilwatsa khu munyi, nu vulahi nalaamilwi!

⁹Khuli lwa khumali khuvoola, nunundi ngalushilanga khuvoola ndi, niiva mundu aliitsa khumwilwatsila Ivanjeli yu lukanu lundi khuvira ya mwahuchilila; nu vulahi nalaamilwi!

¹⁰Nyala khuva nyenyanga vandu vambukuli khuva mulahi, inoho Nyasaye khumbukula khuva mulahi? Inoho nyala khuva njelitsanga khuyaanzitsa vandu? Niiva nzilililanga khwenya vandu vanyanze, shinyala khuva murumishi wa Kristo tawe.

¹¹Vasuuvili vashianje, nakhayaanzi mumanye ndi Ivanjeli ya namwilwatsila, shiyarula khu vandu tawe.

¹²Shinachinyola khurula khu mundu, inoho khwechitswa nu mundu tawe; navutswa nachinyola lwa Yesu Kristo yamanyinya.

¹³Mwahulila khale makhuva khulondokhana khuli namenyanga nindi mu idini ya Vayahudi, khuli natambitsa vululu likanisa lia Nyasaye, khandi khuli nachelitsa khwenya khulitivitsa.

¹⁴Nali namanya makhuva khulondokhana khu idini ya Vayahudi khuvira Vayahudi vi likhula lianje, mu vandu vaanje va nali nivulwamu. Nali nu vuha vukali khushila muno khulonda mechitso ka vakuuka veru.

¹⁵Navutswa Nyasaye, wali niyandovola nishili khwivula, khandi wali niyanaanga khuvirila mu tsimbavasi tsietsie;

¹⁶yayaanzitswa muno khumanyinya Mwana wewe, khu nzilwatse Ivanjeli khulondokhana khuye khu vandu vi tsimbia tsindi. Shinali natsiakhu khureeva mundu wundi wosi likhuva lianyala khukhola tawe.

¹⁷Khali nali nishili khutsiakhu Yerusalemi khulola vandu vali vu khuraanga khuva varumwa imbeli wanje inzi nishili. Navutswa naroonjela ninzia mu shivala shia Arebia, khandi ningalukha mu litaala lia Damasika.

¹⁸Mihika chivaka nichiakhavira, natikulukha ninzia Yerusalemi khuchendelela Kefa. Namenya naye khumatukhu likhomi na karanu.

¹⁹Navutswa avulakhuho murumwa wundi wa nalolayo, nikakhali Yakobo, amwavo wu Mwami.

²⁰Musuuvilitsanga imbeli wa Nyasaye ndi ka muhandichilanga ni katoto, shikanyala khuva ku vuvehi tawe.

²¹Matukhu mati nikakhavira, nasimukha ninzia khuchendelela tsisomo tsia Siria nende Kilikia.

²²Mumatukhu kenako, vandu va makanisa mu lusomo lwa Yudeya, vali nivashili khumanya vulahi vwene.

²³Vali vahulilakhu vutswa makhuva ka vandu vavoolanga, “Mundu wa khutambitsanga yilwatsanga lisuuvila lia yachelitsanga khutivitsa!”

²⁴Vandu venavo vahaana vukhumi khu Nyasaye shichila inzi.