Read tsotso VAGALATIA 6 Bible Online

VAGALATIA 6 - tsotso bible

VAGALATIA 6

¹Vasuuvili vashianje, niiva mundu aliitsa khunyolekhane nakholanga shindu shitamanu, munyi va Roho yimililanga, muliitsa khuwi likhola liu vulunjishitsa munjila yu vuhoma. Navutswa mwiheenze vulahi, khu khali munyi muvuli khuchelitswa.

²Mukhonye vandi khuchinga misiko chiavo militoho. Niiva muliitsa khukhola ndio, muliitsa khuva numurweshitsanga lilako lia Kristo.

³Niiva mundu alikhuho ukanakananga ali nu vunyali khuvira vandi, navutswa shikali ndio tawe, mwene yikaatanga vutswa.

⁴Shia mundu wosi aliitsa khwikhalachila mwene khulondokhana khu vikholwa via akholanga. Niiva akholanga malahi, anyala khwichinjilila khulondokhana khu ka ye mwene akholanga, vuchila khwilekhanyinya khu ku mundu wundi yakhola.

⁵Shia mundu wosi aliitsa khuchinga musiko kwekwe mwene.

⁶Mundu wechitswangwa likhuva khulondokhana khu Vukristayo, aliitsa khusanga nu mwechitsi wewe shia shindu shiosi shilahi shiali nashio.

⁷Muvuli khwikaata vene. Nyasaye shianyala khukholelwa shihenye henye tawe. Mundu aliitsa khuchesa shia mwene yaraaka.

⁸Mundu uraakanga mu mulimi kwekwe shindu shilondakhananga ni liiva lielie liu mmbili liu khwikomba, aliitsa khuchesa likhutsa khurula mukwo. Mundu uraakanga mu Roho, aliitsa khuchesa vulamu vwi mihika ni mihika.

⁹Khutsililile khuva ni tsingulu tsiu khukhola malahi; shichila niiva khunyala khuvula khukhutsa mwoyo, inyinga yenyekhanga iliitsa khutukha lwa khuliitsa khuchesa.

¹⁰Khulwa yako, lwa khuli nu vwiyangu, leshi khukholele vandu voosi malahi, khushila muno yavo vi inzu yeru mu lisuuvila.

¹¹Lolikhu makhuva makali ka ndumishilanga, lwa muhandichilanga nu mukhono kwanje!

¹²Vandu vachelitsanga khumunika khushevwa, navo venyanga khwimanyinya ni valahi, khandi vichinjililanga khulondokhana khu vindu viu mu shivala. Shivune shichilanga nivakhola ndio, nu khwenya vavuli khutambitswa, shichila musalaba kwa Kristo.

¹³Shikanyala khuva vandu vashevwa, navo vonyene valondanga Malako tawe; navutswa venyanga munyi mushevwi khulu khwenya khwichinjilila, shichila mwahuchilila mulukha ku khushevwa.

¹⁴Navutswa khulwanje, shinyala khwichinjilila khulondokhana khu shindu shindi shiosi tawe; navutswa khwichinjilila shichila musalaba ku Mwami weru Yesu Kristo. Vindu viu mu shivala viosi vilolekhanga khwinzi khuli viakhutsa khuvirila khu musalaba kwekwe, khandi ndolekhanga khuli nakhutsa khulondokhana khu vindu viu mu shivala.

¹⁵Khushevwa inoho khuvula khushevwa, khuvula vukhala; navutswa shindu shikali khu viosi, nu khuva shilombe shiyia.

¹⁶Yavo voosi vamenyanga khulondokhana khu lilako yili, vamenye mu milembe nu khulolelwa tsimbavasi; khali vandu va Nyasaye voosi!

¹⁷Lukhumalilikha, mundu avuli khunyashitsakhu; shichila ndi ni tsimbala tsia Kristo khu mmbili kwanje.

¹⁸Vasuuvili vashianje, tsimbavasi tsiu Mwami weru Yesu Kristo tsive na munyi voosi. Amina.