Read tsotso 1 VATESALONIKE 4 Bible Online

1 VATESALONIKE 4 - tsotso bible

1 VATESALONIKE 4

¹Mulimalila, vasuuvili vashieru, khwamuvoolela makhuva khulondokhana khuli munyala khumenya khulu khuyaanzitsa Nyasaye, khuli mumenyanga nunundi. Khumusayanga numuyaanza nunundi khuvirila mu lira liu Mwami Yesu, mutsililile khumeeta khukhola kenako khuvira hawenaho.

²Munyi vene mwamanya mivaalo ka khwamuvoolela khuvirila mu vunyali vu Mwami Yesu.

³Nyasaye yenyanga muve vatakatifu khandi mulekhane nu mwiima kwa vandu vasatsa nende vakhali khukona halala nivashili khuhilana khuli musatsa nu mukhali.

⁴Shia mulala khu munyi khutukha amanye khuli anyala khumenya nu mukhali wewe munjila yu vutakatifu khandi yu luyali.

⁵Muvuli khumenya khulondokhana khu likomba liu mmbili, khuli lia vandu vi tsimbia tsindi vatamanu vakorwa Nyasaye vamenyanga.

⁶Khulwa yako, khulondokhana khu makhuva kenako, mundu avuli khukholelakhu musuuvili weshie shindu shitamanu inoho khumwihonela. Mwami aliitsa khusalilitsa vandu, shichila vwoni khuli vwenovo, khuli lwa khwamuvoolela khale, nu khumuchelihitsa.

⁷Nyasaye shikanyala khuva wakhulaanga khumenye limenya liu khukhola shifwavi tawe; navutswa khumenya mu vutakatifu.

⁸Khulwa yako, shia mundu wosi wambakhananga khulonda mivaalo yaka, shikanyala khuva yambakhananga vunyali vu mundu tawe; navutswa yambakhananga Nyasaye, umuheetsanga munyi Roho Mutakatifu wewe.

⁹Muvulakhu shivune shiosi shinyala khuchila muhandichilwi makhuva khulondokhana khu vuyaanzi vwa muli navwo khu vasuuvili veshie. Munyi vene mwayechitswa na Nyasaye, khuli munyala khuyaanzana vene khuvene.

¹⁰Ni kilikali, mwayaanza vasuuvili voosi shia havundu hosi mu lusomo lwa Mekadonia. Khali ndio, vasuuvili vashieru, khumusayanga numuyaanza, mutsililile khumeeta khukhola kenako.

¹¹Chelitsi khuli munyala mumenye limenya liu khuvula khuyookana. Shia mundu wosi akhole makhuva keke mwene, nu khukhola mihinzilu ni tsingulu tsietsie, khuli khwamuvoolela khale.

¹²Numukhola ndio, vandu vambakhananga khusuuvila vanyala khumuha luyali. Uvuli khuheenza khu mundu wundi amuhe shia mwenyanga.

¹³Vasuuvili Vashieru, khwenyanga mumanye shindu khulondokhana khu yavo vakhutsa khale, nikanyalikha muleshe khuva nu vuveleli mu mwoyo, khuli vandu vavula lisuuvilitswa vakholanga.

¹⁴Khuli ni lisuuvila ndi Yesu yakhutsa khandi niyisimukha khurula mu likhutsa. Khuli ni lisuuvila khandi ndi Nyasaye, aliitsa khulera halala na Yesu vandu voosi vali nivakhutsa, nivasuuvila muye.

¹⁵Makhuva ka khumwechitsanga nunundi ni liechitso liu Mwami: khutsi va khushili mwoyo, khuliitsa khuvula khuva vu khuraanga khwimila imbeli wa yavo vakhutsa khulitukhu liu Mwami aliitsa khukalukha.

¹⁶Mwami aliitsa khurula mwikulu ni liyooko liu vunyali, mwoyo kwi injelosi ingali, nende muhumu kwi shisiliva shia Nyasaye. Nalwo lwa yavo vakhutsa ni vasuuvila mu Kristo, valiitsa khuraanga khwisimukha khurula mu likhutsa.

¹⁷Nikamali khwikholekha kario, khutsi va khushili mwoyo, va khushili mu shivala, khuliitsa khulerwa navo mu malesi khwakanila Mwami mu vushindu. Nalwo lwa khuliitsa khuvetsanga nu Mwami mihika ni mihika.

¹⁸Khulwa yako, mutinyilitsane vene khuvene na makhuva kenako.