Read tsotso LIKHUNULILWA 15 Bible Online

LIKHUNULILWA 15 - tsotso bible

LIKHUNULILWA 15

¹Nalola mwikulu shindu shindi shiu khuchenyinya, shiali shikali khandi shiu khuyaanzitsa. Tsinjelosi saba tsialiho na matiinyu saba, nikali kukhumalilikha, shichila nashio shimanyilu shiu khumalilikha shiu vurima vwa Nyasaye.

²Nalwo lwa nalola shindu shisasanga khuli inyanza nilenjeli, khuli shiiho nishitsukani nu mulilu. Nalola khandi yavo vali nivakuura kunani nende shifwanani shieshie, khandi woyo wali ni inamba yisinjililanga lira lielie. Vali nivasinjile himbi ha inyanza yali nilenjeli, nivakumile vukhana vwa Nyasaye, yali navaheele

³khandi nivimbanga lwimbo lwa Musa, wali murumishi wa Nyasaye, khandi lwimbo lwi Shimeme shi Likondi: “Mwami Nyasaye, vikholwa viovio vili ni tsingulu khandi ni viu khuchenyinya! Mwami wamihanga vandu vi tsimbia tsiosi, likhola liolio ni liu vulunji khandi liatoto!

⁴Mwami, ni viina ukhanyala khukhuha luyali nu khulekha khwitsominya lira liolio? Nivi wonyene vutswa mutakatifu. Vandu vi tsimbia tsindi tsiosi valiitsa khusaala khu yivi, shichila vandu voosi vamanya ni kilikali likhola liolio ni liu vulunji.”

⁵Yaka nikamali khwikholekha, naheenza nindola litempeli liu mwikulu, nilimali khwikukha, Liheemo Litakatifu liu Mwami Nyasaye nililimu.

⁶Tsinjelosi saba, tsiali nitsili na matiinyu saba, tsiarula mu litempeli mwenomo, nitsifwali tsinguvu tsialombwa khu machoro malahi ni tsiang'ang'anga khandi ni tsivohi tsikhanda tsilombwa khu itsahabu vushiama mu viliru viatsio.

⁷Shilala khu vilombe vili mwoyo vienevo tsibakuli saba tsialombwa yahaana khu itsahabu nitsitsuli nu vurima vwa Nyasaye, uli mwoyo mihika ni mihika.

⁸Litempeli litsula mwooshi kwarulanga khu vukhumi vwa Nyasaye khu tsinjelosi saba khandi khu tsingulu tsietsie. Mundu avulakhuho, wali unyala khwinjila mu litempeli mwenomo, matiinyu saba kalerwa ni tsinjelosi saba nikashili khuvwa.