Read tsotso LIKHUNULILWA 17 Bible Online

LIKHUNULILWA 17 - tsotso bible

LIKHUNULILWA 17

¹Injelosi indala khu tsinjelosi saba, tsiali nitsivelenje ni tsibakuli saba, yitsa khwinzi nimbolela, “Hamba! Niitsa khukhumanyinya khuli mukhali mulaaya wamanyikhana muno, aliitsa khusalilitswa, nilili litaala likali liumbakhwa himbi khu michela minyishi.

²Vami vamihanga khulilova khunu, vakhola vuheeyi naye; ma vandu mu shivala nivatanda, lwa vang'wa idivai irulananga khu vuheeyi vwevwe.”

³Roho yanzimilila, ma injelosi nimbila mu shiangalangwi. Nalolayo mundu mukhali, niyikhale khu kunani kumuuchi, kwali na mira kahandikwa khu mmbili kwako ku khunyeka Nyasaye. Kunani kwenoko kwali ni mirwi saba nende tsinzika likhomi.

⁴Mukhali mwenoyo yali niyifwali tsinguvu, tsiasasanga sambarau nende vumuuchihilu; khandi na matongolo kali ni kalombwa khu itsahabu, khu machina ku vukuuli vululu, nende viuma. Yali ukumile mu mukhono kwekwe shikombe, shiali ni shialombwa khu itsahabu, nishitsule vindu vitamanu vi shifwavi, virulananga khu vuheeyi vwevwe.

⁵Vweni vwevwe vwali vwahandikwamu lira li shivune shiaviswa, livoolanga: “Litaala likali lia Babilonia, nilili mama wa vakhali vakholanga vulaaya voosi nende vindu vi shifwavi viosi mu shivala.”

⁶Nalola ndi mukhali mwenoyo yali utandi, shichila masahi ka vandu va Nyasaye, nikali masahi ka yavo, vali niviirwa shichila lisuuvila liavo mu Yesu. Lwa namulola, nali ni lichenya linyishi mu vunyishi muno.

⁷Injelosi yandeva, “Shichila shina uchenyi? Niitsa khukhwivaalila shivune shiaviswa khulondokhana khu mukhali mwenoyo, khandi khulondokhana khu kunani kumuchinganga, kuli ni mirwi saba nende tsinzika likhomi yuku.

⁸Kunani kwa walola, kwaliho, nunundi kuvulaho, khandi kuliitsa khurula mu shihatisi khutsia khutivitswa. Vandu vamenyanga khulilova, va mira kavo kashili khuhandikwa mu shitabu shia vandu valiitsa khunyola vulamu khurula shivala nishishili khuloongwa, valiitsa khuchenya lwa valiitsa khulola kunani; shichila kwaliho, nunundi kuvulaho, navutswa kuliitsa khwitsa.

⁹“Yaka kenyanga vusitsa nende limanya. Mirwi saba nachio vikulu saba, viu mukhali mwenoyo yikhalakhu. Navo khandi ni vami saba:

¹⁰varanu khuvo vakhutsa; mulala khuvo ashiamihanga; na wundi woyo ashili khwitsa; lwa aliitsa khwitsa, neye uliitsa khwamiha khumatukhu mati konyene vutswa.

¹¹Kunani kwaliho khumatukhu kandi, nunundi kuvulaho, nakwo mwami wa munane; nali mulala khu vami saba venavo; navutswa khali ye mwene aliitsa khutivitswa.

¹²“Tsinzika likhomi tsia uloli, navo vami likhomi vashili khuraanga khwamiha; navutswa valiitsa khuheelwa vunyali vu khwamiha nu kunani khu isaa indala yonyene vutswa.

¹³Vali ni shivune shilala vutswa; khandi valiitsa khuhaana tsingulu tsiavo nende vunyali vwavo khu kunani.

¹⁴Valiitsa khukwana Shimeme shi Likondi; navutswa Shimeme shi Likondi, halala na vandu veve valaangwa, varovolwa, khandi vasuuvilwa, valiitsa khuvakuura, shichila neye Mwami wa Vamihi voosi khandi Mwami wa Vami.”

¹⁵Injelosi yambolela khandi, “Matsi ka walola, ka mukhali mulaaya mwenoyo yali niyikhalekhu, navo vandu vi tsimbia tsindi tsiosi, vandu lukanu na lukanu, vandu vi tsinzivulu tsinyishi lukanu nende vandu vi tsinomolomo tsinyishi lukanu.

¹⁶Kunani nende tsinzika likhomi tsia uloli, viliitsa khuhima mukhali mulaaya mwenoyo. Viliitsa khumunuula shindu shiosi shiali nashio, nu khumulekha nali shekenye. Viliitsa khulia mmbili kwekwe, khandi vamusambe nu mulilu.

¹⁷Nyasaye wavikha mu mioyo chiavo, lienya liu khutsililila khukhola ka kanakananga, lwa akholanga mihinzilu navo, khandi lwa aheetsanga kunani tsingulu tsiavo khwamiha, khutukha lwa makhuva ka Nyasaye, kaliitsa khurweshitswa.

¹⁸“Mukhali wa uloli mwenoyo, ali khuli litaala likali liamihanga vami vu khulilova.”