Read tsotso LIKHUNULILWA 21 Bible Online

LIKHUNULILWA 21 - tsotso bible

LIKHUNULILWA 21

¹Nalwo lwa nalola likulu liyia nende lilova liyia. Likulu liu khuraanga nende lilova liali liu khuraanga viakora, khali inyanza nikhaama.

²Nalola Yerusalemi, nilili litaala likali liyia litakatifu, nilikhanga hasi khurula mwikulu khu Nyasaye, ni lialombwa khandi ni liarecheshitswa, khuli mwiiha niyifwali tsinguvu tsiasiaywa khwitsa khwakanila musatsa wewe.

³Nahulila mwoyo mukali nu kulaanjililanga khurula mu shisoko shiu vwami: “Nunundi Nyasaye amenyanga na vandu voosi hango havo! Aliitsa khumenya navo; navo valiitsa khuva vandu veve. Nyasaye mwene aliitsa khuva navo, naye aliitsa khuva Nyasaye wavo.

⁴Aliitsa khweya miliika chiavo chiosi, chia valilanga. Shiukhuliitsa khuvakhuho ni likhutsa inoho vuveleli mu mwoyo inoho khulila miliika inoho isalila tawe; shichila vindu vikhulu viosi vimali khurulaho.”

⁵Nalwo lwa woyo wikhalanga khu shisoko shiu vwami, yavoola, “Nombanga nunundi vindu viosi khuva viyia!” Yambolela khandi, “Handika makhuva yaka hasi, shichila ni katoto khandi kanyala khusuuvilwa.”

⁶Yavoola khandi, “Kamali khuvwa! Ninzi Alufa nende Omega, vuraanjililu nende limalilikha. Shia mundu wosi uli nu vuluhu, neye wa niitsa khuha matsi, ka aliitsa khuvula khurunga, karulanga mu isieveye ihaananga vulamu.

⁷Shia mundu wosi uliitsa khukuura, aliitsa khunyola khurula khwinzi vindu yivi viosi: Niitsa khuva Nyasaye wewe, naye aliitsa khuva mwana wanje.

⁸Navutswa vandu vavula ikholo, vandu vatsamanga vandi, vandu vakholanga shifwavi, viiranga vandi, vaheeyi, vakholanga vukhumu, vasaalanga khu vifwanani, nende vavehi voosi -- havundu ha valiitsa khuva nivali, valiitsa khuva mu inyanza yakhanga mulilu nende salufa, nilili likhutsa lia khavili.”

⁹Injelosi indala khu tsinjelosi saba, tsiavetsanga ni tsibakuli saba, nitsitsuli na matiinyu ku khumalilikha saba, yitsa khwinzi nivoola, “Hamba! Niitsa khukhumanyinya mwiiha, uli mukhali wi Shimeme shi Likondi.”

¹⁰Roho yanzimilila, ma injelosi ninjinga, khumbila ha vutoonje hene khu shikulu shiraambi muno. Yamanyinya Yerusalemi, nilili litaala likali litakatifu, nilikhanga hasi khurula mwikulu khu Nyasaye,

¹¹khandi niliang'anga nu vukhumi vwa Nyasaye. Litaala likali liang'ang'anga, khuli lichina liu vukuuli vululu, khuli lichina liang'ang'anga liu vulimu nu vumuuchi, khwang'ang'a khuli machina ki imparafu.

¹²Liali ni lisisi likali liraambi, ni vilivwa likhomi na vivili, khandi ni tsinjelosi likhomi na tsivili, tsisinjililanga vilivwa vienevo. Mira ka vandu vi tsimbia tsia Israeli likhomi na tsivili kali kahandikwa khu vilivwa vienevo.

¹³Khwali ni vilivwa vivaka khuluveka luli ivukwi, vivaka ivuluka, vivaka ikuvanda, khandi vivaka imbo.

¹⁴Lisisi li litaala likali liumbakhwa khu misinji likhomi na chivili; khandi mira ka varumwa likhomi na vavili vi Shimeme shi Likondi, kali kahandikwakhu.

¹⁵Injelosi yalomoloma ninzi yalombwa khu itsahabu yu khupimila yali ni ikavilo khupimila litaala likali, vilivwa vialio nende masisi kalio.

¹⁶Litaala likali lienelo, liali shilala mu tsimbeka tsine tsiosi, vukalamu vwali khuli vuraambi. Injelosi yapima litaala likali lienelo ni ikavilo yayo: liali nu vuraambi vwi tsikilomita 2,400, nu vukalamu khandi vuraambi khutsia ikulu, khuli liali nu vuraambi.

¹⁷Injelosi yapima khandi lisisi. Liali ni tsimita 60, khulondokhana khu shipimu shia varumishilanga mumatukhu kenako.

¹⁸Lisisi liali lialombwa khu lichina liang'ang'anga liu vulimu nu vumuuchi; khandi litaala likali lienelo, liali lialombwa khu itsahabu inyukhu, yang'ang'anga khuli shilolelo.

¹⁹Machina ku musinji kwi lisisi li litaala likali lienelo, kali kasiaywa na machina ku vukuuli vululu lukanu na lukanu. Lichina liu khuraanga liu musinji, liali liu vulimu nu vumuuchi, lia khavili liali lia bulu, lia khavaka liali liu vulimu, lia khane liali liu vulimu,

²⁰lia kharanu liali himbi limuuchi, lia sita liu vumuuchi, lia saba liali lia mayayi, lia munane liali lia bulu nu vulimu, lia tisa liali himbi lia mayayi, li likhomi liali himbi liu vulimu, li likhomi ni lilala liali khuli litohi liu mu shinoko, li likhomi na khavili liali lia sambarau.

²¹Vilivwa likhomi na vivili, viali na machina ku vukuuli vululu likhomi na kavili lukanu na lukanu; shia shilivwa, shiali shialombwa khu lichina lilala liu vukuuli vululu. Injila yinjilanga mu litaala likali lienelo, yali yalombwa khu itsahabu inyukhu, yalolekhanga khuli shilolelo.

²²Shinalolakhu litempeli mu litaala likali lienelo tawe; shichila litempeli li litaala likali lienelo nu Mwami Nyasaye, uli Nyasaye Uli Ikulu khu Viosi nende Shimeme shi Lilondi.

²³Litaala likali lienelo, livulakhu shivune liuva inoho mweli khuliashila; shichila vukhumi vwa Nyasaye vuliashilanga; khandi Shimeme shi Likondi shili khuli itaaha yalio.

²⁴Vandu vu mu shivala shiukhuva ni valiitsa khuchenda mu vulavu vwalio; khandi vami vamihanga khulilova, valiitsa khulera miandu chiavo mulio.

²⁵Vilivwa viu mu litaala likali, viliitsa khwikukha shia litukhu liosi. Viliitsa khwikalwa, shichila shisuundi shiu vutukhu shilitsa khuvula khuvaho.

²⁶Vukhumi nende miandu chia vandu vi tsimbia tsindi tsiosi, viliitsa khulerwa mu litaala likali.

²⁷Navutswa shindu shiosi shioneshe, inoho mundu wu kholanga vindu vi shifwavi inoho avoolanga vindu viu vuvehi shiviliitsa khwinjila mu litaala likali lienelo tawe. Yavo vonyene vutswa va mira kavo kahandikwa mu shitabu shi Shimeme shi Likondi, vulamu khunyola navo valiitsa khwinjila mu litaala likali lienelo.