Read tula Nangi̱n Fandubi̱m 6 Bible Online

Nangi̱n Fandubi̱m 6 - tula bible

Nangi̱n Fandubi̱m 6

¹Yinangu ni̱bu bunti̱ki̱mu a yaki̱ bwidu we diti yikiyangu, Kungakunga a le tibe Yafudame bi̱bu ki̱nwe yii Yelenamu n ti bi̱bu ki̱nwe Aramayamu. Bi̱bu ki̱nwe yii Yelenamu a ki wii ko ni̱bu a kurbu ki̱ni nati̱m buni̱m chimu yo ni̱bu ki̱kera chabti̱te.

²Di̱ne yiko, fandububi kubchiri burabi̱mu a yal muraku ni̱bu bunti̱ki̱mi kwang a yi chi ko, “A ne ledu ni du di̱mwar Kwama di̱du we be niyang kera chabtu.

³Yinangu niyang murani yangu kebu, ti̱sutu ni̱bu bi̱bu ni weri̱mu n ti bi̱bu a ri ki̱ni Fi̱ki̱m Kwamamu n ti ni̱bu ki̱ni kasani̱mu ka ma nangang ki̱ku.

⁴N ni̱n nang ni dukanu a twa̱ba̱ku n ti yungku ya̱m Kwamamu.”

⁵Chi ni̱bu a dokane a da ni̱bu mi̱n, n chi a sutu Yistifanu we ni̱bu a rii ki̱ni Fi̱ki̱m Kwamam n ti keku bi̱yili̱mang n ti Filibu n ti Burokora n ti Timun n ti Barminas n ti Nikola naba Antakiya. N ki̱n we yikayu kuuti a leti̱ bunti̱kangu.

⁶Ni̱bu a sutu chi a be ki̱ni chi we kakku fandubangu. Bi̱ki̱mu a yo chi mi̱n delaku a twa̱ba̱ chi mi̱nti̱ bunitu.

⁷Ya̱m Kwamamu ki̱ti̱radu ki̱laan fiko. Ni̱bu bunti̱ki̱mu ki̱sukasuku we ti̱m Wurchalima yinang yinang. fansetiyu nabwen a ke bi̱yili̱mu.

⁸N Yistifanu di̱ne a rii ki̱ni Fi̱ki̱me, a ma chitu nabwen n ti chi ya̱r yiitu we tibe ni̱be.

⁹Aya wuka di ni̱bu a kan muraki̱n di̱du ni̱bu ki̱yalu ko, “Ka̱bi yiyu ni̱bu a tu we” yinangu n chi ki̱yalangu, a le ki̱kwila Yistifanu. Yafuda wu a be a Sairin n ti Aleksandiriya n ti ti̱m Ki̱likiya n ti Asiya.

¹⁰Aya n chi a ma a riwe di̱ne ki̱fwa ya̱mu ki̱ni yingki̱ku n ti Fi̱ki̱m Kwamamu a di̱ki̱nemu.

¹¹N chi a to yiko, a baran a yi bi̱kam ni̱bu ko a ya fwa ying, “Ni̱n nwe n ki̱n ki̱fwa ya̱m bi̱bu a swa̱bani̱m we dur Musanu n ti Kwama.”

¹²Di̱ne yiko, n chi a yo ni̱tu ni̱bitu a kaiyan n ti tikaketi n ti ni̱bu yungku yili̱n Musanti̱mu. N chi a tau Yistifanu a be mi̱ne kakku kwa̱l kabaki̱nu.

¹³Ni̱bu ti̱kwanim bi̱bu a be yi ko, “Naba ni wu ki̱fwa ka ya̱m bi̱kwani̱m we yili̱n Musatu n ti Kan Kwamanu.”

¹⁴Ni̱n nwe n ki̱n a fwa ko, n Yesu naba Nasa̱ret ka wur kan Kwamanu a Wurchalimanu ka suteti̱ datiyu m Musa a du nimi̱niyu.

¹⁵Ni̱bu a swe ki̱nwe ya̱mi̱mu a fi̱rti̱n kwalange we Yistifanuwe ri̱i̱ngangu, n chi a ku kabu ko a suten ki̱yiladu yinang wu a naba di̱tumbi̱re Kwama.