Read tula 1 Koronti 13 Bible Online

1 Koronti 13 - tula bible

1 Koronti 13

¹Kasi no m me fwaku ya̱ma̱ngu ki̱ni yiini ni̱biyu n ti yiini ni̱bu ti̱tumbi̱ri Kwamamu, aya ka m mi̱n n newe ki̱ni mi̱lake, n kau yinang sum wu ki̱ni ka ker ka ki̱ka̱ngang ki̱ku ki̱ni ka nabwe dire.

²Kasi no mi̱n ma fa̱kui mi̱n swaanti̱ kasi no ti̱ti̱le chi ti̱lairi, yinu m mi̱n ki̱ni yingki̱ki kwang, kasi no mi̱n ki̱ni keku bi̱yili̱mangu yinang yinang, wu kasi kunni mang yidu mi a chimi̱ne, ka a mwintuwe n ne mi̱laku wenge, m mi̱n n ke chi.

³Ko no mang ni kasi no ti̱ti̱le ti̱tu mi̱ni ki̱niti kwang, kasi no mang ni bwi miyu ni̱bu ka twidu a ki̱rang, a ne kaang ta̱ma̱ng we ka mi̱n n newe ki̱ni mi̱lake.

⁴Mi̱laku ki̱yo bwanu n ti kwa̱mbi̱r, a ne ki̱fwini we mi̱laki̱ku. Mi̱laki̱ku a ne ki̱duli we, a ne kuki̱ku durang we.

⁵Mi̱laki̱ku a kebu kulangkulange, ki̱nwe ki̱bune, a kebu wu ki̱mi̱la ka yikiye, a kebu chi ti̱yingeri, a kebu takku ni a ni̱rangu.

⁶Mi̱laku a kebu muli̱nu, aya a ke ka bi̱yili̱m.

⁷Mi̱laki̱ku ki̱ tau bwanu we yotiyu a li̱mbiyu, ki̱yo keku bi̱yili̱mang, ki̱yo yoni̱re we kasi no ti̱ti̱le, ki̱yo muku ni̱rang kasi no yire.

⁸Mi̱laki̱ku a riburiye ki̱diya kwadu. Aya fa̱kutu ka riduriye, fwaku yiiniyangu be ka sudu, yingki̱ku ka ridu.

⁹Ki̱ka̱ngu yingku chirengu a newe nabwe, fa̱kuitu ti̱n a newe nabwen.

¹⁰Yo di swan kute ka bede, ki̱ti̱nti yi kwang ka twiyadu.

¹¹Ki̱dangu m mi̱n a no bwesi̱nangu, mi̱n fwa ya̱mu, mi̱n mati̱ ti̱kurantu yinang bweti̱re. Aya yo mang dwiyene, n du da bwesi̱me.

¹²Chitu ni̱n kudu ki̱ka̱ngitu yinang ki̱wulang ki̱ku ni̱n dang ka̱beko a mwe. We diko be ni kudu kabu n ti kabu. Ki̱ka̱ngu yingki̱ mangu a newe di̱bi̱l. Aya we diko mang swaani siin yinangu n Kwama ki̱swaan mi̱nangu.

¹³Ki̱ka̱ngu kwa̱li̱n chi̱n di̱di yittanu a swe. Kanang chikiye, keku bi̱yili̱mang, yo ni̱re, n ti mi̱laku, aya mi̱laku a la chiti kwang.