Read tula 1 Koronti 2 Bible Online

1 Koronti 2 - tula bible

1 Koronti 2

¹Kebi̱mi̱m, yo mang be ke m ma chimi̱n di̱mwaru Kwama a yungi ne, mang fwa chimi̱nbu di̱ne mang me ya̱me ka di̱ne yingke.

²Di̱ne n yo we ni̱r mi̱nu mi ki̱dangu mang swedu ware n ti chi̱nangu, a ne mang miya chimi̱n ti̱kan chi ka n ke ya̱m Yesu Masiya wu ni̱bu a kukan a ki̱tiyang bwange.

³Ki̱dangu mang mwe mang ya bwa di̱chi̱nengu, mang yabu dukan, bwi miyu ka tayi.

⁴Di̱mwar mi̱nu a ya̱m Kwama mi̱nu, mang yungbu yingku ka mang bunti̱ chi̱ni nang wa̱ma̱nge, aya Fi̱ki̱m Kwamamu we tibe chi̱n ki̱ni dukan.

⁵Keku bi̱yili̱mang changu a bunti̱nu we yingku ni̱bang, aya ti̱bunti̱ dukan Kwaman.

⁶Ki̱ni yiko, mi̱n fwa bi̱bu a dwiyen ki̱ni keku bi̱yili̱mu mi̱n ya̱mu ki̱ni yingku, aya n ke yingku a ki̱dang ki̱kang. N keti̱duum tikaketi ni̱bu ki̱ma mati̱n ki̱dang ki̱ki̱mu, ti̱tu ki̱riduriyetu.

⁷Aya mi̱n fwa yingku Kwamang, ki̱ku a kwa̱l ni mi̱nbu feredinu, ka nang chikiye yingku Kwamangu a do feredi di̱ne chi̱niye yo ti̱ti̱nitu a tibu swede, di̱ne ke n chi̱ni ni ya dwiyenitu.

⁸We tikaketi mati̱mu ki̱ma mati̱n ki̱ka̱ngi̱mu, a ne ni a swaane we, di̱ne ka n chi a no swane, a no kukabu Tewuduwe Yesu we ki̱tiyang bwangu.

⁹Nang chi ya̱m Kwamamu ki̱yungde yo a fwa ko, “Chi Kwama a do bi̱bu n ki̱n a mi̱lani̱mu mi̱nitu, wuka a kuunbuwe, wuka a nweenbuwe wuka a kuranti̱bu we.”

¹⁰Aya n Kwama a yung ni ki̱chitu wu a Fi̱ki̱m, di̱ne Fi̱ki̱mu ki̱wuse chiti kwang. Kasi no nang nangi̱n Kwamatu a ma bwariti kwang ki̱wusedu.

¹¹N wure ka medu ka yim ti̱kurantu a ni̱r kekonitu, ka n ke Fi̱ki̱m ni wukome? We yiko, a ne nii ka swaan ti̱kuran Kwamate we, ka n ke Fi̱ki̱m Kwamame.

¹²N chi̱ni niyang yuwebu Fi̱ki̱m ti̱ti̱nim, aya Fi̱ki̱m ki̱m bi̱bu a chire a di̱Kwamam, ke ni swaan chitu n Kwama a ni chi̱ni ki̱ni ki̱kekotu.

¹³Ni̱n fwa chimi̱n bi̱bu a newe ki̱ni ti̱kwa̱liyi ti̱tu a miyaku yingku nii, aya ti̱tu a Fi̱ki̱m ke a yung bi̱bu a Fi̱ki̱mi̱mu chitu a Fi̱ki̱mitu.

¹⁴Nii wu Fi̱ki̱m Kwamam a ti ki̱mi̱nbu kakke, a yibbu chitu a Fi̱ki̱mitu. Di̱ne we di̱ki̱ne yinang di̱ttu, n ki̱n a ne swaanti̱nu, di̱ne swaanki̱ku ki̱bedu a Fi̱ki̱m Kwamam.

¹⁵Nii wu Fi̱ki̱m Kwamamu a ti ki̱mi̱n kakke, ka medu ka swe ka ti̱ti̱le chiye, aya a ne nii ka medu ka swe chidewe.

¹⁶“Wure a yim ti̱kuran Tewuduwe, yinu ka miya ki̱mi̱ti̱ chiye?” Aya n chi̱ni, ni bunti̱ chi n Masiya ki̱badde.