Read tula 1 Tassalonika 1 Bible Online

1 Tassalonika 1 - tula bible

1 Tassalonika 1

¹M Bulus n ti Sila n ti Timoti a mwal ni̱bu bunti̱ki̱mu a Tasalonika mi̱n lwangi̱n di̱du. N chi bi̱bu ki̱bunti̱ Kwama Te, n ti Tewuduwe n Yesu Masiyamu.

²Ni̱n we twa̱ba̱ku di̱ne chi̱ne kwadu, ni̱n bi̱u Kwama a yo ti̱mi̱kaduwe tiku changu.

³Yinangu ni̱n fwa Kwama mi̱n ya̱mu we dur chi̱nangu, ni̱n kur ti̱nu ki̱ni nangi̱n ti̱yili chi̱ntu, nangi̱n mi̱laku changitu, n ti yinangu ti̱chakakku ti̱yam beku Tewuduwe n Yesu Masiyangu.

⁴Kebi̱ mi̱m bi̱bu Kwama ki̱mi̱ladi̱m, ni̱n yim n Kwama a sutu chi̱n ke ti̱kau ni̱bu ki̱m.

⁵Nangki̱n ki̱dangu nang be chimi̱ne ki̱ni ya̱m bi̱li̱mangu, nang bebu ki̱ni kana ti̱kwa̱li yii ti̱kusi, ni̱n bete ki̱ni dukan Kwaman n ti Fi̱ki̱m Kwamamu n ti kwari̱lle wuyile. A ta yim ki̱dangu nang swe n ti chi̱nangu ni̱n ma fiswe wu ka kau chimi̱nu ki̱ni makake.

⁶Ti̱yiu ya̱mu ki̱ni ti̱mi̱lan we Fi̱ki̱m Kwamamu, kasi ki̱ku ta nwe riye nabwenangu. We wu bale, ti̱bunti̱ nani niyu n ti yiyu a Teyu.

⁷We yiko, ti̱kau chi ni̱bu Makidoniyamu n ti bi̱bu a Akayamu ka bunti̱ne.

⁸Di̱ne ya̱m Kwamamu a yaiyawe a di̱chine, keku bi̱yili̱mang changu a yikan kasi no bwa̱le, n ke kana Makidoniya n ti Akaya chi kun. Kasi no nang fwabu n we yiko.

⁹Di̱ne ni̱bu n chifwan nang bi̱bu ki̱fwadu yinangu ta yiu ni̱nangu, n ti yinangu ta du ti̱yobitu ta ki̱la bwa di̱Kwama ke ti̱ si Kwama siine n ti wu ki̱ni ti̱kuriyengu.

¹⁰N chi ki̱fwadu yinangu ti̱yam ki̱laku bweko we bwa diyengu. N Kwama a kuku bwe we furu ka nang chikiye n Yesu wu ka chaku nidu we ki̱fwini Kwama ki̱bede.