Read tula 1 Tassalonika 2 Bible Online

1 Tassalonika 2 - tula bible

1 Tassalonika 2

¹Kebu a ta yim ti beki̱ mangu a di̱chi̱nengu a kabu ti̱kusi.

²A ta yim yinangu ni̱bu a ma ki̱ni ni̱n we Filibi yo yana be fi a di̱chi̱nengu n ti riye nang nwe a bwako. Ki̱ni yiko n Kwama a ni ni̱n runni wu a fwaku ya̱m bi̱li̱mi ki̱ni dukan, we tibe ni̱bu a kebu ya̱m bi̱li̱me kwang ni̱n ma nangang nangu.

³Ka ti̱da̱ngi ri̱i̱nge, nang mabu miyaki̱ku ki̱ni ti̱kwani ka muli̱ne ka ti̱kuran ti̱bwilaiye.

⁴Ni̱n fwa ya̱mu yinangu Kwama ki̱baddu nang fwadangu, di̱ne n ki̱n a ke ki̱ni ni̱n a ni ya̱m bi̱li̱m bi̱bu ni̱n mwadi̱mu. We ti̱kuran ni̱ntu ni̱n baddu nang li̱ma Kwama bwi n ke ni̱bu, n ki̱n nang wu ki̱ku chi a ni̱r nii ne.

⁵N kawure a yim nang mabi̱ nangangu ki̱ni li̱mang yiiyangu niko ke ni̱n ya dutu chi̱ntu, n Kwama a yim nang mwenbu nweki̱ti we nangi̱n ti̱tu niko ke ti̱ni ni̱n ka̱mbi̱r.

⁶Kangu ti̱kudi yangu, nang mabu ko ke ti̱dela ni̱n ka bi̱kam ni̱bu ka dela ni̱nne.

⁷N ti ki̱ku no nang madi yikongu, ni̱n bunti̱ni ki̱ni chi̱n we nangan fandu Masiya Yesuwe yinangu ne ka bunti̱nu ki̱ni bwe ki̱ka̱r ya̱ra̱ng.

⁸Ni̱n mi̱la chi̱n yinangu a dakanang, di̱ne chi ni̱n baddu nang fwa chimi̱nde n ke kana ya̱m Kwamam aya ni̱n ke nang funti̱bwi nang maka chi̱nu yinangu nang medangu.

⁹Kebi̱mi̱m, ka ta kure ni̱n ma nangangu ma ram, ko ke ti̱nwedu riye we ki̱dangu nang ma chimi̱n di̱mwar ya̱m Kwama mi̱nangu.

¹⁰N ti̱n n ti Kwama ti̱ku ki̱ni nu chi̱n ta fwa ti̱nu tiko ni̱n ma chi a li̱ma Kwama bwiye we ki̱dangu n ni̱n no we ti chi̱n ni̱bu bunti̱ki̱mangu, a ne fi wuka ka tuun ni̱ne we.

¹¹Ti̱yim n tau ka nang wuwule chi̱ne yinang Te ki̱tau bwe ko.

¹²Ni̱n kum chimi̱n ni̱ru, ni̱n li̱ma chi̱n bwiyu yinu ni̱n fwa chimi̱n ko ti̱ti we wa̱re ka li̱ma Kwama ni̱re, wu a yal chi̱n ko ke ti̱kau we bi̱bu ka chau yaa Kwamamu ti̱yati̱ ki̱ti̱me dwiyen kiye.

¹³Ti̱kantu chi ti̱tu a ne nang wana Kwamatu nang di̱ne yo ta nwe ya̱m Kwamam bi̱bu nang mwame, ti̱ yiu tiko ya̱m Kwamam n ke bi̱bu a ni̱bi̱m, ka nang chikiye ya̱m Kwamam bi̱yili̱m. ya̱m Kwamam bi̱bu ki̱ma nangangu we bwi chiyu n ti̱n ni̱bu bunti̱ki̱mu.

¹⁴Kebu mi̱m, chi a fwe n ti kwa̱l ni̱bu bunti̱ki̱mu a Yafudiya nang chi a fwe ti̱n n ti chi̱ne. Ni̱bu bi̱n chini̱mu a yo chimi̱n nwe riye yinangu ni̱bu Yafudamu ki̱yo ni̱bu ki̱bunti̱ Kwamamu mi̱ndangu.

¹⁵A ni̱bu Yafudam nang ni̱bu a chi̱u Yesu n ti bi̱kamu Fa̱kubu mu. Ti̱nti̱ne a kakati̱ chi̱ni, n chi a li̱mabi̱ Kwama mi̱nbi̱ ni̱ru, a keti̱bi̱ ki̱ni bi̱kam ni̱bu,

¹⁶ki̱funti̱ bwiyu ka yodu ne nang mwa bi̱bu n ke kuu ni̱bu Yafudamu mi̱n ya̱m bi̱li̱mu, ko ke ki̱la a yiu ya̱m bi̱li̱mu a ya swiku. Ni̱bu Yafudam a chakakku ki̱ buti̱n yikayu ki̱leti we yikayu a di ka lami̱n ki̱dangu n Kwama ka wela chiyangu. Bwa ka swanande, n Kwama we ki̱fwini ko ka mwata chimi̱nu.

¹⁷Aya kebu, a kuteng ki̱ku ni̱bu a yarka niyangu, kasi ki̱ku niyang mebu niyang sweti̱buwe warengu, we ni̱n kur chi̱nu. Yo we ni̱ru ni̱nu no ni̱n baddu nang ki̱la ti̱nu we bwa di̱ chi̱ne, nang funti̱bwi nang yadu.

¹⁸A mwintuwe ni̱n funti̱bwi ko nang ya chimi̱n siramu, m mi̱n, Bulus, aya n Setan a mwati̱ ni̱n.

¹⁹A kuteng ki̱ku, wureni a yo ni̱mi̱n yo ni̱re n ti ti̱mi̱lante, n ti chi kuki̱ku durang chi̱renge we kakku Tewuduwe Yesu a di ki̱lake ko, n ke chi̱na?

²⁰A mwintuwe n ti̱n nang ti̱mi̱lan ni̱ntu n ti ri̱kaku nangu.