Read tula Yibraniyam 5 Bible Online

Yibraniyam 5 - tula bible

Yibraniyam 5

¹Ka nang wuwule tikake Fanseti nang ni ni̱bu a sutu ke a ti kakku we nangang Kwamangu di̱ne ni̱bi kwange. N ki̱n ki̱yiu ki̱li̱mang chiyangu ki̱ni Kwama ki̱ma chimi̱nti̱ niku ki̱tuumangu di̱ne ki̱leti chiye.

²Yade n ki̱n yinang niye, a me ki̱bunti̱nu ki̱ni ni̱bu bi̱bu a swaanbu ki̱taku changu n ti bi̱bu a du wa̱re yilemu daan.

³Nang chi a yo n ki̱n ki̱ma niku ki̱tuumang di̱ne ki̱leti chiyu n ti yikiyu.

⁴A ne nii ka da̱u dwiyen ti̱tu a dur ki̱n, a mwintuwe n Kwama ka yal ki̱nu yinanaga yal Harunangu.

⁵We yiko, n Yesu Masiya a kukubu dur ki̱nu ko ki̱baddu ka kau tikake Fansetiyu ko bayim. N Kwama a sutu ki̱n, a yi ki̱n ko, “M mun bwemi, M mi̱n n kau temun.”

⁶Ti̱nti̱ne n ki̱n a fwa a di̱kan di̱tin ya̱mi̱n ko, “M mun mwan kau fanse ki̱diya kwadu, yinangu m Melkisedek a ma fansetingu.”

⁷Ki̱dangu n Yesu a no we ti̱ti̱nitangu, a twa̱ba̱ bunitu ki̱ni di̱bi̱du ki̱ni wii wuduwe ki̱ni ti̱mweni. N ki̱n a twa̱ba̱ bunitu a di̱Kwama wu a lwe ka yu ki̱nu we bwa. Di̱ne n ki̱n ki̱bunti̱ Kwama ki̱ni tayi. N Kwama a yiu twa̱ba̱ bune ko.

⁸Kasi ki̱ku n Yesu Bwengu, we riye n ki̱n a nwe a miya maku kwa̱mbi̱rangu nabwen.

⁹Yo n ki̱n a lwe ka kau Fanse wuduwe, a kau dur yuki̱n di̱du ki̱diya kwadi̱n we ni ki̱ bung ki̱mi̱n ti̱ne.

¹⁰We yiko n Kwama a yo ki̱n a kau tikake Fanseti, yinangu m Melkisedek a maminengu.

¹¹Chitu we nabwen ti̱tu a daka fwakitu we bi̱bu ya̱m, aya a ma bwar yinangu nang yung chi̱nangu di̱ne swaanku changu a ma bayim.

¹²Ti̱tau bunti̱ki̱ku a ma ke, a no dakan ki̱ka̱ngu ti̱miya ni̱bu mi̱nu. A ki̱la ti̱bau ni ka miya chimi̱n ti̱tu a no dakan ta yinditu we ya̱m Kwamamu. N ti̱n yinang bwesi̱mu ki̱ka̱r ka ya̱ri̱m bi̱bu a mwebu chaku chabtumu.

¹³Aya ni wu yinang bwe ki̱lwiye, a tibu rudu we ya̱m Kwamam bi̱bu a tungku yilemu.

¹⁴Chabtu ti̱tu a newe ki̱ngki̱gitu n ti̱u bi̱bu a rubi̱m. N chi nang bi̱bu ki̱ma nangangu ki̱ni ti̱kuran chitu diti ki̱dangi̱mu, bi̱bu ki̱swaan chi a leletu n ti ti̱tu a lebitu.