Read tula Dwakam 4 Bible Online

Dwakam 4 - tula bible

Dwakam 4

¹A kuteng ki̱ku, n kuti̱ ti̱kan chi ti̱tu yaka fwedi, n ku kwa̱r a wuden we bwadi. Di̱kan ker di̱du ki̱chiredu yinang sumi̱n, di̱du mang wi man nwe ki̱fwamidu ko, “Fi̱le fi, mang yungi̱n chitu yaka fwedu a kuteng ki̱kitu.”

²Bi̱nabi̱na, m mi̱na Fi̱ki̱m Kwamam, n ku we bwa diye kaang ki̱di̱ng we ki̱ni wuka nii a swe we.

³Wu a swe we fiko ki̱yiladu yinang makka wu ni̱bu ki̱yalu ko chasfa n ti karneliya. Ki̱di̱ng kangu a kanani ki̱ni ki̱yang ki̱ku ki̱yiladu yinang kale ni̱bu ki̱yalu ko sumurdu.

⁴We ki̱di̱ng mati̱nangu, ti̱kan ti̱di̱ngri mati̱ni we wan turau chiri yana, ka nang ki̱kli̱le ki̱di̱nge we ti̱di̱ngri ti̱tu, seli̱bu nangam wan turau chiri baana a swe we ki̱ni kuli̱niti tweng n kawure ki̱ni di̱ki̱ri̱n si̱nariyan.

⁵We ki̱di̱ng mati̱nang ki̱ku, ki̱yileti ki̱chireduwe n ti ki̱yale, fiti̱lati yidibiin ki̱taddu. Bi̱bu nang Fi̱ki̱m Kwamami bi̱dibiin bi̱bu ki̱ma Kwama mi̱n nanganmu.

⁶Ti̱nti̱ne we kakku ki̱di̱ng mati̱nangu bi̱kuri̱m we ki̱ni kwalangi kakku n ti kuten, ti̱kan chi we ti̱tu yinang far di̱dun ki̱lasi̱n, ki̱yiladu yinang beti̱ kali yilli.

⁷We bi̱kuri̱m mu wukakke a yo bwiyu yinang turum, wurobe yinang betanka, wutare ko kabu yinang wu a niye, wunare yinang ki̱sung ki̱ku ki̱yada diyang.

⁸Kanang wuwule we bi̱kuri̱m bi̱bi baanamu, ki̱ni la̱biyi yurukun, bwiyu ki̱ni kwang ka nuyi a lanta mure labiye. Kum n ti kuko ki̱kau teni delaki ko, “Wu wauwade, wu wauwade, wu wauwade, Kwama Tewuduwe, naba dukane kwang wu a dilewe, wu ki̱ka̱nge, nanti̱ wu ka bede.”

⁹Fi̱ki̱m bi̱kuri̱m bi̱bi baanamu ki̱kau teni dwiyeni n ti yiyu a ri̱kaki n ti di̱wan a wu a swe a ki̱di̱ng mati̱nange, wu we feredi ki̱diya kwade. A kuteng ki̱ku,

¹⁰Seli̱bu nanganmu wan turau chiri baanamu a sung kukus we kakku wu a swe a ki̱di̱ng mati̱nange, a sii ki̱n wu ki̱ni ti̱kuri ki̱diya kwadite. N chi a fwal ti̱ki̱ri̱ni chitu we kakku ki̱di̱ng mati̱nagu ki̱kau tee ko,

¹¹“N lwe Tewuduwe ni̱n n ti Kwama ni̱n! mwang yiu dwiyentu, ri̱kaki̱ku n ti dukanu. M mun nang wu mwang yo chiti kwange, yinu a ki̱kemo, n chi kwang mun yo chi.”