Read turkana Akisiakinet 33 Bible Online

Akisiakinet 33 - turkana bible

Akisiakinet 33

¹Kingolia Yakobo sodi taanyunga Esau ebunit, erukito ka ngitunga ngamiae ngoomwon. Totiak ngesi ngide totiakak Lea, ka Rael ta ngakasubak etich naarei.

²Kiwaak ngakasubak etich ka ngide kech ngaren, ani erumor totupakis Lea ka ngide keng. Ani esal kadaang, totupuut Rael ka lokookeng Yosep anaabor.

³Kingarenik Yakobo elope kesi daang. Tolot toriedik ngariediket ngakan-kaarei, tanang ni aapiyarea diyete lokaatokeng.

⁴Abu Esau tamatar akisiriamiar Yakobo, kilogak ngakan keng lomosiring a Yakobo, tonuak. Kikalout kesi daang kotere alakara.

⁵Ani ingoliari Esau, taanyunga ngaberu ka ngide, kingit ngesi tama, “Tangae lugu irukito ka iyong?” Tatachak Yakobo tama, “Eraakasi lugu ngide lu kainaki ayong Akuj kotere ajokis keng.”

⁶Ani erumor taapuut ngakasubak etich diyete ka ngide kech, toriediko.

⁷Taapuut tani Lea ka ngide keng sodi toriediko. Ani ekisidi, taapuut Rael ka lokookeng Yosep, sodi toriediko.

⁸Abu Esau kingis tama, “Aka inyo ajore nakiriamun ka ayong lorot?” Tatachak Yakobo tama, “Asaki atamar kesisil iyong kitachamunea ayong, ekapolon kang.”

⁹Nakaneni tolim Esau tama, “Elalak ayong ngibaren lokaatokang. Kiratak iyong lu imeat.”

¹⁰Tolimok Yakobo ngesi tama “Meere kongina, kemaimai ayong iyong atamar ani kichamunit akipeyoun, tacham ibore nikalemikinit ayong iyong. Iteni dir ikoni aanyungar ereet kon, ikoni aanyungar ereet a Akuj.

¹¹Kemaimai atamar tacham kare ibore nikainunit ayong iyong kainyo kasubea ayong dang Akuj naajokak, nakaneni abarit ayong noi.” Sodi kimaima Yakobo Esau, tacham Esau alemar.

¹²Tolim Esau tama, “Potu robo apana, kengarenikini ayong esi.”

¹³Nakaneni tolimok Yakobo ngesi tama, “Iyeni iyong ekapolon kang atamar edisiak ngide, nabo ejoikinit ayong achoikini ngibaren lu itanakete. Ani kipuk kesi a akolongit a apei, etoakete daang.

¹⁴Kingarenik kare cha iyong, sodi eapunos ayong ka ngibaren ta ngide, tanang abuni ayong ni iyei iyong alo Edom.”

¹⁵Tolim Esau tama, “Kimiek robo katoisikinea ngitunga lu kirukitor ayong ngiche.” Nakaneni tolim Yakobo tama, “Anukiro echamit iyong isubea kongina? Ibore ni asaki ayong ngesi atamar esila ngoni.”

¹⁶Sodi tonyou Esau akolongit ngina tolot Edom.

¹⁷Nakaneni tonyou Yakobo tolot Sukos, sodi toduk ngesi akai keng ka nganokin a ngibaren keng. Ngakiro nguna kesi alimokinere neni ekiro be Sukos.[76]

¹⁸Bu Yakobo alo Mesopotamia tanangu lore a Chekem lo ayei nakwap a Kanaan niajokon. Tolom ngesi diyete ere ngolo.

¹⁹Agieli ngesi ni alomi analesea a Amor, alo erai apakeng a Chekem, togiel a ngaropiyae a amiat a apei.

²⁰ Tosubak ngesi ekeno a ngakipeyos neni, tolimok ekiro be El-Eloe-Isirael.[77]