Read turkana Akisiakinet 36 Bible Online

Akisiakinet 36 - turkana bible

Akisiakinet 36

¹Eraakasi lugu ngalesea a Esau, alo arai ekiro eche Edom.

²Eusi Esau ngapesur alotunga a akwap a Kanaan na araakasi Ada nakookeng a Elon lo arai itwaan a Ngiiti, ka Olibama nakookeng a Ana alo arai ales a Sibeon, alo arai Eipit.

³Anyaritae aberu keng na a ngauni Basemas, na arai nakookeng a Ichimael, na arai nakaatokeng a Nebayos.

⁴Kidou aberu a Esau na anyaritae Ada ikoku ni anyaritae Elipas. Kidou na anyaritae Basemas ikoku ni anyaritae Reuel.

⁵ Kidou na anyaritae Olibama ngide lu anyaritae Yeuch, ka Yalam, ta Kora. Eraakasi lugu talokookeng a Esau lu edounete ngaberu keng na alomitor ngesi nakwap a Kanaan.

⁶Ani erumor, torik Esau ngaberu keng, ka ngide keng, ta ngitunga daang a awi keng. Toruja ngaatuk keng ka ngibaren luche daang, tolema ibore keng daang nikolong aanyuni ngesi anakwap a Kanaan. Towot ngesi nakwap ache na elona ani ayei lokaatokeng Yakobo.

⁷Awosi ngesi ani adidingea akwap na alomito ngesi ka Yakobo, tongop kesi kona elomete wapei kainyo alalak ngibaren kech noi.

⁸Sodi tolom Esau nakwap na ngimukur na anyaritae Edom. Erai ekiro a Esau eche Edom.

⁹Eraakasi lugu ngirora a ngalesea a Esau, alo arai apaakech a ngitunga alu enyaritae Ngiedomae.

¹⁰Ngirora a talokookeng a Esau kesi Elipas, lo edouni aberu keng na anyaritae Ada, ka Reuel, lo edouni aberu keng nache anyaritae Basemas.

¹¹Talokookeng a Elipas kesi ta Teman, ka Omar, ka Sepo, ka Gatam, ta Kenas. Edouni aberu a Esau na anyaritae Ada kidou Elipas.

¹²Arikit Elipas apese a ngabwes na anyaritae Timuna, kidou Timuna ikoku a Elipas ni anyaritae Amalek.

¹³Kidou aberu a Esau na anyaritae Basemas ikoku ni anyaritae Reuel. Anyaritae talokookeng a Reuel Naas, ka Sera, ka Chama, ta Misa.

¹⁴Kidou aberu a Esau na anyaritae Olibama, na arai nakookeng a Ana alo arai ales a Sibeon, kidou talokookeng a Esau nguuni lu anyaritae Yeuch, ka Yalam, ta Kora.

¹⁵Eraakasi lugu ngirora a ngikapolok a ngitela alu etorunete nia Esau. Elipas lo arai lokookeng a Esau loapolon auriuni Teman, ka Omar, ka Sepo, ka Kenas,

¹⁶ka Kora, ka Gatam, ta Amalek. Apolokinit epei kech daang ekitela keng. Eraakasi ngulu daang talokookeng a Elipas lu edounio anakwap a Edom, kidou aberu a Esau na anyaritae Ada.

¹⁷Touriu lokookeng a Esau lo anyaritae Reuel, talokookeng lu anyaritae Naas, ka Sera, ka Chama, ta Misa. Apolokinit epei kech daang ekitela keng. Eraakasi ngulu daang talokookeng a Reuel lu edounio anakwap a Edom, kidou kesi daang aberu a Esau na anyaritae Basemas.

¹⁸Talokookeng a aberu a Esau ana anyaritae Olibama kesi Yeuch, ka Yalam, ta Kora. Apolokinit epei kech daang ekitela keng. Eraakasi ngulu daang talokookeng a aberu a Esau ana anyaritae Olibama na arai nakookeng a Ana.

¹⁹Eraakasi lugu daang ngalesea a Esau, alo erai ekiro eche Edom, apolokinit epei kech daang ekitela keng.

²⁰Eraakasi lugu ngalesea a Seir, alo arai Eorit, itwaan a akwap kangina. Anyaritae kesi Lotan, ka Chobal, ka Sibeon, ka Ana,

²¹ka Dichon, ka Eser, ta Dichan. Apolokinit epei kech daang ekitela keng ani ayakasi Ngiori lu eraakasi ngalesea a Seir, anakwap a Edom.

²²Talokookeng a Lotan kesi Ori ka Eman. Anyaritae nakaatokeng a Lotan Timuna.

²³Talokookeng a Chobal kesi Aliwan, ka Manaas, ka Ebal, ka Chepo, ta Onam.

²⁴Talokookeng a Sibeon kesi Aia ka Ana. Ana ngesi lokolong aanyungari ngichwae lukamonak a ngakipi anariet, na eyokio ngisikiria a apakeng alo anyaritae Sibeon.

²⁵Ngide a Ana kesi Dichon ka ikoku nipese ipei anyaritae Olibama.

²⁶Talokookeng a Dichon kesi Emidan, ka Echiban, ka Isiran, ta Keran.

²⁷Talokookeng a Eser kesi Bilian, ka Saawan, ta Akan.

²⁸Arai Dichan apakeng a Us ka Aran.

²⁹Ngirora a ngikapolok a Ngiori kesi ta Lotan, ka Chobal, ka Sibeon, ka Ana,

³⁰ka Dichon, ka Eser, ta Dichan. Apolokinit epei kech daang emachar keng anakwap a Edom.

³¹Lugu kesi eraakasi ngikapolok lu apolokinito akwap enyaritae Edom, eringa Ngisirael nyemino ekapolon lo apolokinit.

³²Arai Bela lokookeng a Beor ekapolon a akwap a Edom, ayei ere keng loapolon ni anyaritae Diniaba

³³Ani etoani Bela, toliwor Yobab lokookeng a Sera ekapolon. Arai Yobab eka ere enyaritae Bosira.

³⁴Ani etoani Yobab, toliwor Ucham loa akwap a Ngiteman ekapolon

³⁵Ani etoani Ucham, toliwor Adad lokookeng a Bedad ekapolon. Anyaritae ere keng loapolon Apis. Adad ngesi kolong etiji Ngimidian anakwap a Moab kidwang.

³⁶Ani etoani Adad, toliwor Samula loa ere a Masireka ekapolon.

³⁷Ani etoani Samula, toliwor Chaul lo abunit alore anyaritae Reobos, lo ayei lowae a angolol, toliwor ekapolon.

³⁸Ani etoani Chaul, toliwor Baalinan lokookeng a Akibo ekapolon.

³⁹Ani etoani Baalinan lokookeng a Akibor, toliwor Adad ekapolon. Anyaritae ere keng loapolon Pau. Anyaritae ekiro a aberu a Adad Meetabel.

⁴⁰Ngikapolok a ngitela alu apote ani a Esau, imarunitae a ekitela kech ka nia alomito kesi, eraakasi Timuna, ka Aliwa, ka Yesesi,

⁴¹ka Olibama, ka Ela, ka Pinon,

⁴²ka Kenas, ka Teman, ka Mibisar,

⁴³ka Magidiel, ta Iram. Lugu kesi eraakasi ngikapolok a ngitela alu apote ani a Edom, alo arai ekiro keng eche Esau. Elimokinitae kesi ngirora ani kolong alomito kesi ka nikolong apolokinito kesi.