Read turkana Akisiakinet 42 Bible Online

Akisiakinet 42 - turkana bible

Akisiakinet 42

¹Ani iirari Yakobo atamar eyei akimuj nakwap a Misiri, tolimok talokookeng tama, “Nyo ibooyoto esi ikienyanakinotor?

²Eira ayong atamar eyei akimuj Misiri. Kapesi togiela akimuj kaina nyikimunya akoro.”

³Sodi toloto talokaatokeng a Yosep ngitomon akigiel akimuj alo Misiri.

⁴Nakaneni kiratak Yakobo Benjamen, lo edounitoe ka Yosep anakook a apei nyiirukosi ka talokaatokeng. Akerit ngesi atamar epedori Benjamen aanyun ka ngakiro naaronok.

⁵ Sodi tananga talokookeng a Yakobo Misiri erukito ka ngikagielak luche, kainyo ayei eron a akoro tani nakwap a Kanaan.

⁶Ngirwa ngulu arai Yosep ekapolon anakwap a Misiri. Arai ngesi aweikinit akimuj na agielete ngitunga. Pot talokaatokeng a Yosep toriediko alongaren keng, tatapa ngireetin ngalup.[87]

⁷Toyen Yosep talokaatokeng na engolikinea, nakaneni kitusubun nyeyeni kesi, kisuruor kesi elemarit. Kingit kesi tama, “Aliwae iponitotor esi?” Tatachakis tamasi, “Kiponit alo Kanaan, kiponit akigiel akimuj.”

⁸Toyen Yosep talokaatokeng, nakaneni nyeyena kesi ngesi.

⁹ Kitam ngesi ngakiro nakolong erujae kotere kesi sodi tama, “Iraakasi esi ngirototin iponito akireb akwap kosi toyena ni iboi kongin.”

¹⁰Tatachakis kesi ngesi tamasi, “Meere kongina ekapolon kosi. Kiponit sua ngikasubak etich kon akigiel akimuj.

¹¹Kirai sua talokookeng a ekile a epei, meere sua ngirototin.”

¹²Tolimok Yosep kesi tama, “Meere kongina! Iponito esi nege akireb akwap toyena ni iboi kongin.”

¹³Tolimut kesi tamasi, “Kirai sua ngikasubak etich kon, ngikaitotoi ngitomon ka ngiarei, nabo kirai talokookeng a ekile a epei alo elomit Kanaan. Idongit lokaatokosi loochi ka apakosi nawi, nakaneni atoana kolong lokaatokosi epei.”

¹⁴Tolimok Yosep kesi tama, “Ikote nguna eger lotete kalimokinitor, iraakasi esi ngirototin.

¹⁵Kiroyo esi a eger kalo: Ekongi ayong a ekiro a Parao atamar nyirotokinete esi kane mati kebu lokaatokus loochi.

¹⁶Tomeasi epei kus min toriku lokaatokus loochi, kitoinikin esi lojela kidarut kaneni. Eger ngolo ngesi eyenere keraakasi ngakiro kus ngaka iteni dir. Ani pekikokis neni, ekongi ayong a ekiro a Parao atamar iraakasi esi ngirototin.”

¹⁷Sodi toinik ngesi kesi lojela a ngirwa a nguuni.

¹⁸Tolimok Yosep kesi akolongit na a ngauni tama, “Kona araakar ayong itwaan ni akerit Akuj, kikokisi nege sodi toyareta,

¹⁹ani kiraakasi esi dir ngitunga lu iteniyete, kimiekisi epei kus kidong lojela sodi yaasi luche akimuj ni eyakasi ngiyenet kus lu enyamit akoro.

²⁰Ani erumor torikut lokaatokus loochi ni ayei ayong. Idodiuni ibore ngini atamar eraakasi ngakiro kus ngaka iteni dir, nakaneni nyikiario esi.” Sodi tachamut kesi akikokin neni.

²¹Ani erumor tolimonokin kesi make ebalasi, “Kisechakini kolong ngoni dir lokaatoyok. Kitee ngoni atamar ealolongi ngesi noi. Ani tani nakimaimaea ngesi ngoni, kipot ngoni nyikimisik ngakiro keng. Ngakiro nguna kesi kianyunitor ngoni ngichan lugu daang.”

²²Tatachak Reuben kesi tama, “Kalimokinit kolong ayong esi atamar nyikisubea idia ngakiro naaronok, nakaneni towout esi akiirar ngakiro kang. Kianyunit tokona ngoni ngichan kotere ni atoanea ngesi.”

²³Peayenete kesi atamar epupi Yosep ngakiro na eruorosi kesi kainyo ayei itwaan ni ekobi ngakiro na eruorotor kesi ka Yosep.

²⁴ Tachadar Yosep ani ayakasi kesi kikalou. Ani kililing kerumor, tobongu akisurour kesi. Toseu ngesi Simeon, toen iteete luche.

²⁵Todung Yosep atamar kilelebae ngichuei kech akimuj. Ani erumor kinyiakakinae ngaropiyae a itwaan kadaang lochue keng, ka ainakin kesi akimuj na enyamete alorot. Tosubere kesi ngakiro nguna daang.

²⁶Kidokokis kesi ngamuja kech losikiria, torotokis.

²⁷Ani enangete ni aperete alorot, tangaa epei kech echue keng esaki akisumuj esikiria keng, sodi torukau ngaropiyae eyakasi nakituk a echue.

²⁸Tolimok ngesi talokaatokeng tama, “Enyakun ngaropiyae kang. Nyenu eyakasi nakituk a echue!” Ani iirarete ngakiro nguna, tosuros ngitai. Tokienyanakinos emaranete, kingitas ebalasi, “Anukiro nugu kisubea ngoni Akuj?”

²⁹Ani enangete nakwap a Kanaan ni ayei awi a apakech Yakobo, kisisakis ngesi ngakiro daang na asubakinosi, tamasi,

³⁰“Kisuruori sua ekapolon a akwap kangina elemarit, sodi tama kori kirai sua ngirototin kirebi akwap keng.

³¹Nakaneni atolimokisi sua ngesi atamar kirai sua lu kitenooko, meere ngirototin.

³²Esisakisi sua ngesi atamar kirai sua ngikaitotoi ngitomon ka ngiarei lu kiuriunit ekile epei. Esisakisi nabo atamar atoana kolong lokaatokosi epei, nakaneni eyei loochi Kanaan erukito ka apakosi anawi.

³³Sodi kitolimok sua ekapolon ngolo tama, ‘Ekokini ayong ayeni dir kiraakasi esi ngitunga lu itenooko nege, kimiekinere ayong lokaatokus epei, yaasi luche akimuj ni eyakasi ngiyenet kus lu enyamit akoro anawi.

³⁴Ani erumor torikut lokaatokus loochi ni ayei ayong, sodi atoyen ayong atamar nyiraakasi esi ngirototin, nakaneni iraakasi ngitunga lu itenooko. Ani kikokis esi neni, alachakini ayong lokaatokus, kitachamakin esi iliworosi ngimuchurus anakwap kana.’ ”

³⁵Ani ebukete kesi ngichuei kech, tatalasi kesi ngakiro na arukauneta ngitokolei a ngaropiyae kech alochuei a akimuj kech. Ani eanyungarete ngaropiyae, toema kesi daang ka apakech aapei.

³⁶Tolimok apakech Yakobo kesi tama, “Abe isakete esi amunyar ngide kang daang! Emam Yosep tamam Simeon, tasakete tokona esi arikor Benjamen. Ayong bon ngesi aanyunit ngichan.”

³⁷Sodi tolimok Reuben apakeng tama, “Ani pekabuu ayong Benjamen, taar talokookang luarei. Nakinae ayong Benjamen sodi eyok ayong ngesi atobuu ni iyei iyong.”

³⁸Nakaneni tatachak apakeng ngesi tama, “Nyirukorete lokookang ka esi, atoani kolong lokaatokeng nakaneni ngesi bon idongit. Ani keanyu ngesi dang naaronok analotoru ana isakete esi alosit, kaarete ayong ngakiro nakesialolongete arai ekasukout lomojong kona.”