Read turkana Akisiakinet 5 Bible Online

Akisiakinet 5 - turkana bible

Akisiakinet 5

¹Eraakasi ngirora lugu lua ngalesea a Adam. Asubuni Akuj itwaan ikwaan ka ngesi.

²Tosub Akuj ekile ka aberu topia kesi akolongit na asubunere, tolimok kesi ekiro be Itwaan.

³Araunet a ngikaru a Adam amiat apei ka ngitomwon-uni, touriu ikoku nisapat ni ekwaan ka ngesi per, sodi tolimok ekiro keng Set.

⁴Ani akidounet a Set, kiboi Adam ngikaru ngamiae ngakan-kauni. Touriu ngesi ngide ngiche lusapa ka lupesur.

⁵ Araakasi ngikaru daang lu ayarea Adam ngamiae ngakan-koomwon ka ngatomon-uni. Ani erumor, totoan.

⁶Araunet a ngikaru a Set amiat apei ka ngikan, touriu ikoku nisapat anyaritae Enoch.

⁷Ani akidounet a Enoch, kiboi Set ngikaru ngamiae ngakan-kauni ka ngikan-kaarei. Touriu ngesi ngide ngiche lusapa ka lupesur.

⁸Araakasi ngikaru daang lu ayarea Set ngamiae ngakan-koomwon ka ngitomon ka ngiarei. Ani erumor, totoan.

⁹Araunet a ngikaru a Enoch ngamiae ngakan-koomwon, touriu ngesi Kenan.

¹⁰Ani akidounet a Kenan, kiboi Enoch ngikaru ngamiae ngakan-kauni ka ngitomon ka ngikan. Touriu ngesi ngide ngiche lusapa ka lupesur.

¹¹Araakasi ngikaru daang lu ayarea Enoch ngamiae ngakan-koomwon ka ngikan. Ani erumor, totoan.

¹²Araunet a ngikaru a Kenan ngitomwon-kaarei, touriu Maalalel.

¹³Ani akidounet a Maalalel, kiboi Kenan ngikaru ngamiae ngakan-kauni ka ngitomwon-omwon. Touriu ngesi ngide ngiche lusapa ka lupesur.

¹⁴Araakasi ngikaru daang lu ayarea Kenan ngamiae ngakan-koomwon ka ngitomon. Ani erumor, totoan.

¹⁵Araunet a ngikaru a Maalalel ngitomwon-kapei ka ngikan, touriu Yared.

¹⁶Ani akidounet a Yared, kiboi Maalalel ngikaru ngamiae ngakan-kauni ka ngitomwon-uni. Touriu ngesi ngide ngiche lusapa ka lupesur.

¹⁷Araakasi ngikaru daang lu ayarea Maalalel ngamiae ngakan-kauni ka ngitomwon-koomwon ka ngikan. Ani erumor, totoan.

¹⁸Araunet a ngikaru a Yared amiat apei ka ngitomwon-kapei ka ngiarei, touriu Enok.

¹⁹Ani akidounet a Enok, kiboi Yared ngikaru ngamiae ngakan-kauni. Touriu ngesi ngide ngiche lusapa ka lupesur.

²⁰Araakasi ngikaru daang lu ayarea Yared ngamiae ngakan-koomwon ka ngitomwon-kapei ka ngiarei. Ani erumor, totoan.

²¹Araunet a ngikaru a Enok ngitomwon-kapei ka ngikan, touriu Metusela.

²²Ani akidounet a Metusela, kiruko Enok ka Akuj a ngikaru a ngamiae a ngauni. Touriu ngesi ngide ngiche lusapa ka lupesur.

²³Araakasi ngikaru daang lu ayarea Enok ngamiae ngauni ka ngitomwon-kapei ka ngikan.

²⁴ Kiboi Enok erukito ka Akuj, ani erumor topuripuriakin, ani alemarea Akuj.

²⁵Araunet a ngikaru a Metusela amiat apei ka ngitomwon-kauni ka ngikan-kaarei, touriu Lamek.

²⁶Ani akidounet a Lamek, kiboi Metusela ngikaru ngamiae ngakan-kaarei ka ngitomwon-kauni ka ngiarei. Touriu ngesi ngide ngiche lusapa ka lupesur.

²⁷Araakasi ngikaru daang lu ayarea Metusela ngamiae ngakan-koomwon ka ngitomwon-kapei ka ngikan-koomwon. Ani erumor, totoan.

²⁸Araunet a ngikaru a Lamek amiat apei ka ngitomwon-kauni ka ngiarei, touriu ikoku nisapat.

²⁹Sodi tanyara ekiro keng Noa.[11] Tolim Lamek tama, “Kisianguni ngoni logo alotich alokaagongon a ngalup ana kolong elami Ekapolon Akuj.”

³⁰Ani akidounet a Noa, kiboi Lamek ngikaru ngamiae ngakan ka ngatomwon-koomwon ka ngikan. Touriu ngesi ngide ngiche lusapa ka lupesur.

³¹Araakasi ngikaru daang lu ayarea Lamek ngamiae ngakan-kaarei ka ngatomwon-kaarei ka ngikan-kaarei. Ani erumor, totoan.

³²Araunet a ngikaru a Noa ngamiae ngakan, touriu Chem, ka Ham, ta Yapes.