Read turkana 1 Ngakiro a Ngirwa 2 Bible Online

1 Ngakiro a Ngirwa 2 - turkana bible

1 Ngakiro a Ngirwa 2

¹Ayakasi Yakobo ngide lusapa ngitomon ka ngiarei lu anyaritae Reuben, ka Simeon, ka Lawi, ka Yuda, ka Isakar, ka Sebulun,

²ka Dan, ka Yosep, ka Benjamen, ka Naputal, ka Gad ta Acher.

³Araakasi talokookeng a Yuda daang ngikan. Talokookeng a aberu keng ana a akwap a Kanaan ana anyaritae Basichua, araakasi nguuni. Anyaritae kesi Er, ka Onan ta Chela. Lokookeng loapolon lo anyaritae Er, arai itwaan niaronon noi. Kotere ngakiro nguna, taar Ekapolon Akuj ngesi.

⁴Ayakasi Yuda talokookeng ngiche ngiarei lu araakasi ngika aberu a lokookeng ana anyaritae Tamar. Anyaritae kesi Peres ka Sera.

⁵Ayakasi Peres talokookeng ngiarei lu anyaritae Esiron ka Amul.

⁶Ani lokaatokeng Sera, ayakasi talokookeng ngikan lu anyaritae Simri, ka Esan, ka Eman, ka Kalikol ta Darida.

⁷Akani[3] lokookeng a Karimi, lo arai ales a Sera, ngesi abu yau ngichan Isirael ani ewea ngiboro lu achamitae inyasunio.

⁸ Ayei Esan lokookeng lo anyaritae Asaria.

⁹Ayakasi Esiron ngide lusapa nguuni. Anyaritae kesi Yerameel, ka Ram ta Kaleb.

¹⁰Ngiyenet keng napei ani eyei Ram tanang Yese kesi lu anyaritae Ram, ka Aminadab, ka Nachon (arai Nachon itwaan ni ayenikinitae alokitela a Yuda),

¹¹ka Salimon, ka Boas,

¹²ka Obed ta Yese.

¹³Ayakasi Yese ngide lusapa ngikan-kaarei. Arai Eliab lo ekingaren, totupuunos ani eyei loapolon tanang loochi. Anyaritae kesi Abinadab, ka Chama,

¹⁴ka Nesanel, ka Radai,

¹⁵ka Osem ta Daudi.

¹⁶Ayakasi ngesi tani ngide lupesur ngiarei lu anyaritae Seruya ka Abigail. Ayakasi nakookeng a Yese na anyaritae Seruya ngide lusapa nguuni. Anyaritae kesi Abichai, ka Yoab ta Asael.

¹⁷Kiut Yeser nakookeng a Yese nache na anyaritae Abigail. Arai Yeser alesit a Ichimael. Taanyut kesi ikoku nisapat anyaritae Amasa.

¹⁸Lokookeng a Esiron lo anyaritae Kaleb, abu kiut Asuba, touriut ikoku nipese ni anyaritae Yerios. Ayakasi Yerios ngide lusapa nguuni lu anyaritae Yecher, ka Chobab ta Aridon.

¹⁹Ani etoani Asuba, kiut Kaleb Epirasa. Taanyut kesi ikoku nisapat anyaritae Ur.

²⁰Anyaritae lokookeng a Ur Uri, tanyaritetei etatait keng Besalel.

²¹Ani enangete ngikaru a Esiron ngitomwon-kapei, kiut nakookeng a Makiri na arai nakaatokeng a Gilead. Taanyut kesi ikoku nisapat anyaritae Segub.

²²Ayei Segub lokookeng lo anyaritae Yair. Apolokinit[4] Yair ngirerea ngitomwon-arei ka nguuni anakwap a Gilead.

²³Nakaneni apot ngapolon a Gechur ka Aram tolemasi ngirerea ngitomwon-kapei alo Gilead, imorikina aapei ka ngadakarin a Yair ka Kenas ta ngirerea lu edunyatar. Ngitunga daang lu alomito neni, araakasi ngalesea a Makiri, alo arai apakeng a Gilead.

²⁴Ani etoani Esiron abu lokookeng lo anyaritae Kaleb kiut Epirasa na arai apuserut nasek eusit apakeng. Taanyut kesi ikoku nisapat anyaritae Achur, lo esiakini ere a Tekoa.

²⁵Yerameel arai lokookeng a Esiron loapolon. Ayakasi Yerameel ngide lusapa ngikan. Anyaritae loapolon Ram, totupuut luche anyaritae Buna, ka Oren, ka Osem ta Aija.

²⁶Ayei Yerameel aberu ache anyaritae Atara. Anyaritae lokookeng Onam.

²⁷Talokookeng a Ram, anyaritae loapolon Yerameel totupak Maas, ka Yamin ta Eker.

²⁸Anyaritae talokookeng a Onam Chamai ka Yada. Anyaritae talokookeng a Chamai Nadab ka Abichur.

²⁹Kiut Abichur aberu na anyaritae Abiyail. Apot kesi taanyut ngide lusapa ngiarei lu anyaritae Aban ka Molid.

³⁰Lokaatokeng a Abichur lo anyaritae Nadab, ayakasi ngide lusapa ngiarei lu anyaritae Seled ka Apaim. Nakaneni totoan Seled nyeuriuna ngide lusapa.

³¹Arai Apaim apakeng a Ichi. Arai Ichi apakeng a Chechan. Arai Chechan apakeng a Alai.

³²Yada lo arai lokaatokeng a Chamai, ayakasi ngide lusapa ngiarei lu anyaritae Yeser ka Yonasan. Nakaneni totoan Yeser nyeuriuna ngide lusapa.

³³Ayakasi Yonasan ngide lusapa ngiarei, lu anyaritae Peles ka Sasa. Araakasi ngitunga ngulu daang ngalesea a Yerameel.

³⁴Ngide lupesur make ayakasi Chechan, amam lusapa ayakasi. Arikit ngesi ekedalan lo arai Emisirit lo anyaritae Yara.

³⁵Abu Chechan kipoto nakookeng apei kiut Yara. Taanyut kesi ikoku nisapat ni anyaritae Atai.

³⁶Ngiyenet keng napei ani eyei Atai tanang nia Elichama kesi lu anyaritae Atai, ka Nasan, ka Sabad,

³⁷ka Epilal, ka Obed,

³⁸ka Yeu, ka Asaria,

³⁹ka Eles, ka Eleasa,

⁴⁰ka Sisimai, ka Chalum,

⁴¹ka Yekamia ta Elichama.

⁴²Lokookeng a Kaleb loapolon, lo arai lokaatokeng a Yerameel, anyaritae Mecha. Arai Mecha apakeng a Sip, alo arai apakeng a Marecha. Arai Marecha apakeng a Eburon.

⁴³Ayakasi Eburon talokookeng nguomwon lu anyaritae Kora, ka Tapua, ka Rekem ta Chema.

⁴⁴Arai Chema apakeng a Raam, tarai apaakeng a Yorikeam. Rekem lo arai lokaatokeng a Chema, ngesi arai apakeng a Chamai.

⁴⁵Arai Chamai apakeng a Maon, alo arai apakeng a Besisur.

⁴⁶Arikit Kaleb apese a ngabwes na anyaritae Epa. Kidoik Epa Kaleb ngide lusapa nguuni lu anyaritae Aran, ka Mosa ta Gases. Ayei Aran dang lokookeng lo anyaritae Gases. (

⁴⁷Itwaan ni anyaritae Yadai, ayakasi ngide lusapa ngikan-kapei lu anyaritae Regem, ka Yosam, ka Gechan, ka Pelet, ka Epa ta Chaapu.)

⁴⁸Arikit Kaleb apese a ngabwes ache nabo anyaritae Maaka. Kidoik apese a ngabwes ngina ngesi ngide lusapa ngiarei lu anyaritae Cheber, ka Tirana.

⁴⁹Ani ekisidi kidou nabo ngide lusapa ngiarei. Anyaritae epei Chaapu lo arai ngesi esiakini ere a Madimana, ta Chepa lo esiakini ngirerea a Makibena ka Gibea. Nabo dang, ayei Kaleb nakookeng na anyaritae Akisa.

⁵⁰Ngitunga lu elimunitoe kanege lugu kesi araakasi ngalesea a Kaleb. Ur arai lokookeng a Kaleb loapolon. Anyaritae aberu keng Epirasa. Lokookeng a Ur lo anyaritae Chobal ngesi esiakini ere a Kirias Yearim.

⁵¹Lokookeng lo atupit ngolo ngesi Salima. Ngesi esiakini Betleem. Lokookeng lo a nguuni lo anyaritae Arepu ngesi esiakini ni anyaritae Basigader.

⁵²Chobal lo esiakini Kirias Yearim ngesi arai apaakeng a ngitunga alu enyaritae Ngiaroe ka epewae a Ngimenuot,

⁵³ta ngimacharin a ngitunga a Kirias Yearim, ka lua Ngiisir, ka Ngipus, ka Ngichumas ta Ngimichirai. (Ngitunga a ngitela a Sora ka Echitaol araakasi ngika ngimacharin kangulu.)

⁵⁴Salima lo arai ngesi esiakini Betleem, arai apakeng a Nginetopas, ka Atiros Bes Yoab ta Ngisor. Araakasi ngulu emachar epei a ngimacharin aluarei ayakasi Manaas. (

⁵⁵Ngitunga a ngimacharin a ngikunonoi alu egiraka noi, alomito Yabes. Araakasi kesi Ngitiras, ka Ngichimeas ta Ngisukas. Araakasi kesi Ngikenis lu eutasi ka Ngirekab.)