Read turkana 1 Ngakiro a Ngirwa 20 Bible Online

1 Ngakiro a Ngirwa 20 - turkana bible

1 Ngakiro a Ngirwa 20

¹Ani enangi ekaru lo atupit ngolo ngirwa lu eitiarea, torik Yoab ajore sodi torem akwap a Ngiamon. Araakasi ngirwa ngulu alosieneto ngikapolok lojiesinei. Kidong ekapolon Daudi Yerusalem. Apot kesi kiriama ere a Raba, toremo sodi kinyasut.

²Ayei akuj nasubuna a Ngiamon na enyaritae Milikom,[30] ayei ekiraun a egolit lo arai apotis keng ngakiloi ngatomwon-uni ka ngoomwon. Ayei asir lokiraun ngolo, na alemuni Daudi kiwaak lokiraun keng a ilope. Tangata ngesi tani ngiboro lukaalak alore.

³ Sodi tolimok ngitunga a ere kangolo atamar tolemut ngigirigirea, ka ngakutae ta ngaepe tosubeta ngimataparea. Tosubea ngesi ngitunga a ngirerea kadaang a akwap a Amon ngakiro napei nguna. Apot ngesi ka ngitunga lu arukitotor tobongosi Yerusalem.

⁴Ani ekisidi, tojikinetei ka Ngipilisti alo Geser. Ngirwa ngulu kesi lu aarea Sibekai lo akwap a Ucha itwaan nilangir-kooyan noi anyaritae Sipai. Apon Ngipilisti kidwangae.

⁵ Tojikinetei nabo ka Ngipilisti ejie eche. Abu Elianan lokookeng a Yair taar Lami lo arai lokaatokeng a Golias alo a akwap a Gas. Alangir akwara a Golias ekoni amorok a akitoe analangir eyei ni etokere ngiworui.

⁶Apon tojikinetei nabo ejie eche alo Gas, ani ayei itwaan iche nilangir-kooyan noi. Ayakasi ngesi ngimoyo ngikan-kapei nakan apei, toyakas ngikan-kapei nakan nache. Ngakejen nabo dang kona pei. Arai ngesi alesit a ngitunga alungorok lulangir-kooyak noi.

⁷Kimenya ngesi Ngisirael. Abu Yonasan lo arai lokookeng a lokaatokeng a Daudi alo anyaritae Chama, taar ngesi.

⁸Araakasi luuni ngulu ngalesea a ngitunga alulangir-kooyak noi a Gas. Apot Daudi ka ngasigerea keng taara kesi.