Read turkana 1 Ngakiro a Ngirwa 24 Bible Online

1 Ngakiro a Ngirwa 24 - turkana bible

1 Ngakiro a Ngirwa 24

¹Atiakar a ngalesea a Aron kesi nugu. Ayakasi Aron ngide lusapa nguomwon lu anyaritae Nadab, ka Abiu, ka Eleasar ta Isamar.

²Kisiaut Nadab ka Abiu totoaka eringa apakech. Emam ngalesea apot kesi toisikis anakwap. Sodi talokaatokech Eleasar ka Isamar toliworos ngimurok.

³Torek ekapolon Daudi ngalesea a Aron totiak itemem ka etich lo esubete kesi. Itwaan ni engarakinit ngesi kaneni ngesi Sadok lo arai alesit a Eleasar ta Aimelek lo arai alesit a Isamar.

⁴Totiakae ngalesea a Eleasar ngatiaket ngatomon ka ngakan-kapei. Ani na Isamar, totiakae ngatiaket ngakan-kauni. Asubio kongina kainyo ayakasi ngikiliok lu araakasi ngikapolok a ngawiyei nalesea a Eleasar.

⁵Ani kona ayakatar ngikapolok a akai a Akuj ka lu aweikinito ngakiro a Akuj nalesea a Eleasar ka Isamar, apon kesi totiakakinae etich kotere akiram ekura.

⁶ Apot ngalesea a Eleasar ka Isamar totupakin eramete ekura. Sodi kigir kesi Chemaya lo arai lokookeng a Nesanel. Arai Chemaya ekegiran lo arai Elawit. Ngitunga lu araakasi ngikaanyunak kanguna kesi ekapolon ka ngikapolok a arieng keng, ka emuron a Akuj lobe Sadok, ka Aimelek lokookeng a Abiasar, ka ngikapolok a ngawiyei a ngimurok ta na Ngilawi.

⁷Eger logo ngesi atiakere ngitunga ngulu ngatiaket ngatomwon-arei ka ngoomwon torekinae lotich kona. Aseuni ekura lo ekingaren Yeoyarib. Toseu lo a ngiarei Yedaya.

⁸Toseu lo a nguuni Arim. Toseu lo a nguomwon Seorim.

⁹Toseu lo a ngikan Malkija. Toseu lo a ngikan-kapei Mijamin.

¹⁰Toseu lo a ngikan-kaarei Akos. Toseu lo a ngikan-kauni Abija.

¹¹Toseu lo a ngikan-koomwon Yechua. Toseu lo a ngitomon Chekania.

¹²Toseu lo a ngitomon ka epei Eliachib. Toseu lo a ngitomon ka ngiarei Yakim.

¹³Toseu lo a ngitomon ka nguuni Upa. Toseu lo a ngitomon ka nguomwon Yechebeab.

¹⁴Toseu lo a ngitomon ka ngikan Biliga. Toseu lo a ngitomon ka ngikan-kapei Imer.

¹⁵Toseu lo a ngitomon ka ngikan-kaarei Esir. Toseu lo a ngitomon ka ngikan-kauni Apises.

¹⁶Toseu lo a ngitomon ka ngikan-koomwon Pesaya. Toseu lo a ngitomwon-arei Yeesikel.

¹⁷Toseu lo a ngitomwon-arei ka epei Yakin. Toseu lo a ngitomwon-arei ka ngiarei Gamul.

¹⁸Toseu lo a ngitomwon-arei ka nguuni Delaya. Toseu lo a ngitomwon-arei ka nguomwon Maasia.

¹⁹Egiritae ngitunga ngulu tolosioneto kai a Akuj sodi tosuba ngitichisio lukolong esiakini apaakech Aron, loger lo adungunitor Ekapolon Akuj na erai Akuj a Isirael.

²⁰Lugu kesi araakasi ngikapolok a ngawiyei lu etorunete nia Lawi. Arai Yedeya alesit a Amuram lo auriuni Chebuel.

²¹Arai Ichia alesit a Reabia.

²²Arai Yaas alesit a Ichar lo auriuni Chelomis.

²³Akisiaun ani eyei loapolon, anyaritae talokookeng a Eburon, Yeria, ka Amaria, ka Yaasiel ta Yekameam.

²⁴Arai Chamir alesit a Usiel lo auriuni Mika.

²⁵Arai Sekaria alesit a Usiel lo auriuni Ichia lo arai lokaatokeng a Mika.

²⁶Ngalesea a Merari kesi Mali, ka Muchi ta Yaasia.

²⁷Ayakasi Yaasia ngide lusapa nguuni. Anyaritae kesi Choam, ka Sakur ta Ibiri.

²⁸Lokookeng a Mali lo anyaritae Eleasar, amam ngide lusapa.

²⁹Lokookeng lo anyaritae Kich, ayei lokookeng lo anyaritae Yerameel.

³⁰Ayakasi Muchi ngide lusapa nguuni lu anyaritae mali, ka Eder ta Yeremos. Eraakasi lugu ngitunga a ngawiyei a Ngilawi.

³¹Edia loapolon a awi, ka epei kata lokaatokeng, aramete ekura kotere etich kech, loger lo aramete ngimurok lu etorunete nia Aron. Araakasi Ngilawi ngiyenet kech. Ngikaanyunak a ngakiro kanguna kesi ekapolon Daudi, ka Sadok, ka Aimelek, ka ngikapolok a ngawiyei a ngimurok ta na Ngilawi.