Read turkana 1 Ngakiro a Ngirwa 25 Bible Online

1 Ngakiro a Ngirwa 25 - turkana bible

1 Ngakiro a Ngirwa 25

¹Apot ekapolon Daudi ka ngikapolok a Ngilawi toseut ngimacharin a Ngilawi lu esilipeenete ngitunga. Toseunae Asap ka Eman ta Yedusun. Asakitae kesi tolimosi akiroit a Akuj iwapito ngitunga lu eramito ngagitae kituruyete ngasua. Eraakasi lugu ngirora a ngitunga alu aseunio kisilipeeneta ngitunga, ka etich lo asubete ngitunga ngigelagelae.

²Talokookeng a Asap luomwon, anyaritae Sakur, ka Yosep, ka Nesania ta Acharela. Asap ngesi aweikinit kesi. Asap alimuununi ngakiro daang na edunguni ekapolon.

³Talokookeng a Yedusun lukan-kaarei, anyaritae Gedalia, ka Seri, ka Yechaya, ka Chimei, ka Achabia ta Matisia. Apot kesi tolimosi akiroit a Akuj iwapito lu aramito ngagitae, toeoto ebuakinito Ekapolon Akuj alakara. Apakech aweikinit kesi.

⁴Talokookeng a Eman lutomon ka nguomwon, anyaritae Bukia, ka Matania, ka Usiel, ka Chebuel, ka Yerimos, ka Anania, ka Anani, ka Eliasa, ka Gidalti, ka Romamti Eser, ka Yochibekacha, ka Malosi, ka Osir ta Maasios.

⁵Abu Akuj nak ekadwaran keng Eman ngide lusapa lutomon ka nguomwon ngulu daang ka ngide lupesur nguuni loger losek echikakinitor, esaki ainakin Eman agogongu.

⁶Kituruoto talokookeng daang ngasua ka akiram ngagitae eweikinit apakech. Ekote kesi neni irukorito ka lu aloose akilip alokai a Akuj. Echikichikit ekapolon Asap, ka Yedusun ta Eman.

⁷Araakasi ngitunga lutomon ka nguomwon daang ngikunonoi. Ani Ngilawi lurukitos kech, etatamitae aeo. Araakasi ngitunga daang 288.

⁸Kona asakere akiyen eger lo esubere etich, apot kesi daang tarama ekura, napei alusorok ka lumojong, ka nabo lukunonoe ka lu aringa isiakinete.

⁹Toliwor ekura lo ekingaren eka Yosep, ka talokookeng ta ngiyenet keng lu araakasi ngitomon ka ngiarei. Toliwor lo a ngiarei eka Gedalia, ka talokookeng ta ngiyenet keng lu araakasi ngitomon ka ngiarei.

¹⁰Toliwor lo a nguuni eka Sakur, ka talokookeng ta ngiyenet keng lu araakasi ngitomon ka ngiarei.

¹¹Toliwor lo a nguomwon eka Seri, ka talokookeng ta ngiyenet keng lu araakasi ngitomon ka ngiarei.

¹²Toliwor lo a ngikan eka Nesania, ka talokookeng ta ngiyenet keng lu araakasi ngitomon ka ngiarei.

¹³Toliwor lo a ngikan-kapei eka Bukia, ka talokookeng ta ngiyenet keng lu araakasi ngitomon ka ngiarei.

¹⁴Toliwor lo a ngikan-kaarei eka Yecharela, ka talokookeng ta ngiyenet keng lu araakasi ngitomon ka ngiarei.

¹⁵Toliwor lo a ngikan-kauni eka Yechaya, ka talokookeng ta ngiyenet keng lu araakasi ngitomon ka ngiarei.

¹⁶Toliwor lo a ngikan-koomwon eka Matania, ka talokookeng ta ngiyenet keng lu araakasi ngitomon ka ngiarei.

¹⁷Toliwor lo a ngitomon eka Chimei, ka talokookeng ta ngiyenet keng lu araakasi ngitomon ka ngiarei.

¹⁸Toliwor lo a ngitomon ka epei eka Asarel, ka talokookeng ta ngiyenet keng lu araakasi ngitomon ka ngiarei.

¹⁹Toliwor lo a ngitomon ka ngiarei eka Achabia, ka talokookeng ta ngiyenet keng lu araakasi ngitomon ka ngiarei.

²⁰Toliwor lo a ngitomon ka nguuni eka Chebuel, ka talokookeng ta ngiyenet keng lu araakasi ngitomon ka ngiarei.

²¹Toliwor lo a ngitomon ka nguomwon eka Matisia, ka talokookeng ta ngiyenet keng lu araakasi ngitomon ka ngiarei.

²²Toliwor lo a ngitomon ka ngikan eka Yeremos, ka talokookeng ta ngiyenet keng lu araakasi ngitomon ka ngiarei.

²³Toliwor lo a ngitomon ka ngikan-kapei eka Anania, ka talokookeng ta ngiyenet keng lu araakasi ngitomon ka ngiarei.

²⁴Toliwor lo a ngitomon ka ngikan-kaarei eka Yochibekacha, ka talokookeng ta ngiyenet keng lu araakasi ngitomon ka ngiarei.

²⁵Toliwor lo a ngitomon ka ngikan-kauni eka Anani, ka talokookeng ta ngiyenet keng lu araakasi ngitomon ka ngiarei.

²⁶Toliwor lo a ngitomon ka ngikan-koomwon eka Malosi, ka talokookeng ta ngiyenet keng lu araakasi ngitomon ka ngiarei.

²⁷Toliwor lo a ngitomwon-arei eka Eliasa, ka talokookeng ta ngiyenet keng lu araakasi ngitomon ka ngiarei.

²⁸Toliwor lo a ngitomwon-arei ka epei eka Osir, ka talokookeng ta ngiyenet keng lu araakasi ngitomon ka ngiarei.

²⁹Toliwor lo a ngitomwon-arei ka ngiarei eka Gidalti, ka talokookeng ta ngiyenet keng lu araakasi ngitomon ka ngiarei.

³⁰Toliwor lo a ngitomwon-arei ka nguuni eka Maasios, ka talokookeng ta ngiyenet keng lu araakasi ngitomon ka ngiarei.

³¹Toliwor lo a ngitomwon-arei ka nguomwon eka Romamti, ka talokookeng ta ngiyenet keng lu araakasi ngitomon ka ngiarei.