Read turkana 1 Ngakiro a Ngirwa 3 Bible Online

1 Ngakiro a Ngirwa 3 - turkana bible

1 Ngakiro a Ngirwa 3

¹Eraakasi lugu ngirora a talokookeng a Daudi alu edounio alo Eburon. Anyaritae loapolon Amunon. Itiokeng a Amunon ngesi Ainoam na abunit alore a Yesireel. Lo a ngiarei ngesi Daniel. Itiokeng a Daniel ngesi Abigail na abunit alo Karimel.

²Lo a nguuni ngesi Abusalom. Itiokeng a Abusalom ngesi Maaka na arai nakookeng a Talimai alo arai ekapolon a Gechur. Lo a nguomwon ngesi Adonija lo anyaritae itiokeng Agis.

³Lo a ngikan ngesi Chepatia lo anyaritae itiokeng Abital. Lo a ngikan-kapei ngesi Isiream lo anyaritae itiokeng Egila.

⁴ Edounio lukan-kapei ngulu daang alo Eburon ngikaru lukan-kaarei ka ngilapio ngikan-kapei lu apolokinitor Daudi neni. Arai ngesi ekapolon alo Yerusalem a ngikaru a ngitomwon-uni ka nguuni.

⁵ Apon ngide keng lusapa lukaalak kidounoe kaneni. Aberu keng na anyaritae Besicheba na arai nakookeng a Amiel, abu kidoik ngesi ngide lusapa nguomwon lu anyaritae Chimea, ka Chobab, ka Nasan ta Solomon.

⁶Ayakasi neni talokookeng ngiche lu anyaritae Ibiar, ka Elichua, ka Elpelet,

⁷ka Noga, ka Nepeg, ka Yapia,

⁸ka Elichama, ka Eliada ta Elipelet.

⁹Ani eyakasi ngide lusapa ngulu daang, ayakasi Daudi ngide lusapa a ngapesur a ngabwes keng. Ayei ngesi tani nakookeng na anyaritae Tamar.

¹⁰Ngalesea a ekapolon Solomon, ingareni apakeng totupak lokookeng, kesi Solomon, ka Reoboam, ka Abija, ka Asa, ka Yeochapat,

¹¹ka Yeoram, ka Aasia, ka Yoach,

¹²ka Amasia, ka Usia, ka Yosam,

¹³ka Aas, ka Esekia, ka Manase,

¹⁴ka Amon ta Yosia.

¹⁵Ayakasi Yosia ngide lusapa nguomwon lu anyaritae Yoanan, ka Yeoyakim, ka Sedekia ta Yoaas.

¹⁶Ayakasi Yeoyakim ngide lusapa ngiarei lu anyaritae Yeoyakin ka Sedekia.

¹⁷Eraakasi nugu ngalesea a ekapolon Yeoyakin alo aenete Ngibabiloniae toriko. Ayakasi Yeoyakin ngide lusapa ngikan-kaarei lu anyaritae Chealitiel,

¹⁸ka Malikiram, ka Pedaya, ka Chenasar, ka Yekamia, ka Ochama ta Nedabia.

¹⁹Ayakasi Pedaya ngide lusapa ngiarei lu anyaritae Serubabel ka Chimei. Arai Serubabel apakeng a ngide a lusapa a ngiarei alu anyaritae Mechulam ka Anania. Ayei ngesi ikoku nipese ipei anyaritae Chelomis.

²⁰Ayakasi ngesi nabo ngide lusapa ngikan lu anyaritae Achuba, ka Oel, ka Berekia, ka Asadia ta Yuchab Esed.

²¹Ayakasi Anania ngide lusapa ngiarei lu anyaritae Pelatia ka Yechaya. Arai Yechaya apakeng a Repaya, alo arai apakeng a Arinan, alo arai apakeng a Obadia, alo arai apakeng a Chekania.

²²Ayei Chekania ikoku nisapat ipei anyaritae Chemaya. Ayakasi Chakania ngitatae ngikan lu anyaritae Atuch, ka Igal, ka Baria, ka Nearia ta Chapat.

²³Ayakasi Nearia ngide lusapa nguuni lu anyaritae Elioenai, ka Isikia ta Asirikam.

²⁴Ayakasi Elioenai ngide lusapa ngikan-kaarei lu anyaritae Odapia, ka Eliachib, ka Pelaya, ka Akuk, ka Yoanan, ka Delaya ta Anani.