Read turkana 1 Ngakiro a Ngirwa 4 Bible Online

1 Ngakiro a Ngirwa 4 - turkana bible

1 Ngakiro a Ngirwa 4

¹Eraakasi nugu ngalesea ngache a Yuda. Anyaritae kesi Peres, ka Esiron, ka Karimi, ka Ur ta Chobal.

²Arai Chobal apakeng a Reya, alo arai apakeng a Yaas, alo arai apakeng a Aumai ka Laad, alu araakasi taapaakech a ngitunga alu elomito Sora.

³Talokookeng a Etam kesi Yesireel, ka Ichima ta Idibach. Anyaritae nakaatokech Aselelponi.

⁴Arai Penuel apakeng a Gedor. Arai Eser apakeng a Ucha. Eraakasi nugu ngalesea a Ur, alo arai lokookeng a Kaleb loapolon edouni aberu na anyaritae Epirasa. Ngalesea a Ur kesi esiakinete Betleem.

⁵Achur lo arai apakeng a Tekoa, ayakasi ngaberu ngaarei na anyaritae Ela ka Naara.

⁶Kidoik ngesi Naara Ausam, ka Eper, ka Temeni ta Aachitari.

⁷Ayakasi Achur ka Ela ngide lusapa nguuni lu anyaritae Eres, ka Isiar ta Esinan.

⁸Arai Kos apakeng a Anub ka Sobeba. Arai ngesi apaakeng a ngitunga a ngimacharin alu etorunete nia Aarel alo arai lokookeng a Arum.

⁹Ayei itwaan anyaritae Yabes, ni arai itwaan ni erimae noi alotunga a awi keng. Alimokinit itiokeng ngesi ekiro be Yabes,[5] kainyo ariaba itiokeng noi na edounio ngesi.

¹⁰Nakaneni kilip Yabes Akuj a Isirael tolim tama, “Topiarae ayong Akuj, sodi kiatak akwap kang tololomer. Eruko sodi kiratak anibore cha kadaang aniaronon ani epedori ayaun apipilu nikang.” Abu Akuj tosubakinea ngesi ngakiro na elipa.

¹¹Kaleb lo arai lokaatokeng a Chua, ayei lokookeng lo anyaritae Meir. Arai Meir apakeng a Echiton.

¹²Ayakasi Echiton ngide lusapa nguuni lu anyaritae Besirapa, ka Pasea ta Teina. Teina ngesi esiakini ere a Naach. Alomito ngalesea a ngitunga kalu Reka.

¹³Ayakasi Kenas ngide lusapa ngiarei lu anyaritae Osiniel ka Seraya. Ayakasi Osiniel dang ngide lusapa ngiarei lu anyaritae Asas ka Meonosai.

¹⁴Meonosai ngesi arai apakeng a Opira. Arai Seraya apakeng a Yoab. Yoab ngesi esiakini adipo a Ngikunonoi. Araakasi ngitunga daang lu ayakasi neni ngikunonoi lukachwaak.

¹⁵Kaleb lo arai lokookeng a Yepune, ayakasi ngide lusapa nguuni lu anyaritae Iru, ka Ela, ta Naam. Arai Ela apakeng a Kenas.

¹⁶Ayakasi Yealelel ngide lusapa nguomwon lu anyaritae Sip, ka Sipa, ka Tiria ta Asarel.

¹⁷Ayakasi Esira talokookeng nguomwon lu anyaritae Yeser, ka Mered, ka Eper ta Yalon. Kiut Mered Bisia na arai nakookeng a ekapolon a Misiri. Apot kesi taanyut ikoku nipese anyaritae Miriam, ka ngide lusapa ngiarei lu anyaritae Chamai ka Ichiba. Ichiba esiakini ere a Echitemoa.

¹⁸Abu Mered kiut tani aberu a ekitela a Yuda, sodi taanyut kesi ngide lusapa nguuni lu anyaritae Yered lo esiakini ere a Gedor, ka Eber lo esiakini ere a Soko ta Yekusiel lo esiakini ere a Sanoa.

¹⁹Kiut Odia nakaatokeng a Naam. Ngalesea kech aliworosi ngitunga a emachar a Garim, lu alomito lore a Keila ta ngitunga a emachar a Maaka lu alomito lore a Echitemoa.

²⁰Ayakasi Chimon ngide lusapa nguomwon lu anyaritae Amunon, ka Rina, ka Benianan ta Tilon. Ayakasi Ichi ngide lusapa ngiarei lu anyaritae Soes ka Bensoes.

²¹Arai Chela epei a talokookeng a Yuda. Ngalesea keng kesi ngide lusapa lu anyaritae Er lo esiakini ere a Leka, ka Laada lo esiakini ere a Marecha, kesi emachar a ngitunga alukadonyok ngiworui, alu elomito lore a Bes Achibea.

²²Ngalesea keng ngache kesi Yokim ka ngitunga lu alomito lore a Koseba ta Yoach ka Sarapi. Eusi Sarapi ngaberu na araakasi Ngamoab, sodi tolom Betleem. (Eraakasi ngakiro nugu ngangorok.)

²³Araakasi kesi ngikayak ngamoti lu asubete etich a ekapolon, lu alomito lorerea a Netaim ka Gedera.

²⁴Ayakasi Simeon ngide lusapa ngikan lu anyaritae Nemuel, ka Yamin, ka Yarib, ka Sera ta Chaul.

²⁵Anyaritae lokookeng a Chaul Chalum. Anyaritae etatait keng Mibisam. Anyaritae lokookeng a Mibisam Michima.

²⁶Ngalesea na ewapito na Michima kesi na kata Amuel, ka Sakur ta Chimei.

²⁷Ayakasi Chimei ngide lusapa ngitomon ka ngikan-kapei ka ngide lupesur ngikan-kapei. Nakaneni akidioko ngide a ngiyenet kech. Nyelalakera ngitunga a ekitela a Simeon loger a ngitunga a ekitela a Yuda.

²⁸Alomito ngitunga a ekitela a Simeon lorerea lu anyaritae Beer-cheba, ka Molada, ka Asar Chual,

²⁹ka Bilia, ka Esem, ka Tolad,

³⁰ka Besuel, ka Orima, ka Sikilag,

³¹ka Bes Marikabos, ka Asarisusim, Besibiri ta Chaaraim.

³²Alomito kesi tani nakwapea ngache ngakan na enyaritae Etam, ka Ain, ka Rimon, ka Token, ka Achan,

³³ ta ngadakarin na edunyatar, tani kuju too ere a Baalas. Eraakasi lugu ngirora a ngitunga a ngawiyei kech ka ngirora a ngakwapea ana alomito kesi.

³⁴Ngitunga lu araakasi ngikapolok a ngimacharin kesi ta Mechobab, ka Yamilek, ka Yoach lo arai lokookeng a Amasia,

³⁵ka Yoel, ka Yeu (lo arai lokookeng a Seraya, alo arai lokookeng a Asiel),

³⁶ka Elioenai, ka Yaakoba, ka Yechoya, ka Asaya, ka Adiel, ka Yesimiel, ka Benaya,

³⁷ka Sisa (alo arai lokookeng a Chipi, alo arai lokookeng a Alon, alo arai alesit a Yedaya, ka Chimuri ta Chemaya).

³⁸Ngitunga ngulu kesi araakasi ngikapolok a ngimacharin kech. Ani kona arubanakineta ngalesea kech iatanakin talalaketa,

³⁹apot kesi topetaros lowae lo alo too tananga diyete Gerar. Apot kesi kiyoko ngamesekin kech lowae lo aloteten a adipo, ni erai ngesi eyei ere ngolo.

⁴⁰Apot kesi torukaut akwap na iyokiyo ngibaren na alibit noi. Ayei ni iyokiyo ngibaren neni naro na asil na ebooyi akaalimon. Ngitunga lusek alomito neni araakasi ngitunga a Ham.

⁴¹Ngirwa lu araakar Esekia ekapolon, apot ngikiliok lu ta alimunitoe toloto Gerar sodi kinyasut ngieman ka ngakais a ngitunga alu alomito neni.[6] Kitwarakis kesi ngitunga ngulu toloma kesi neni jik, kainyo alibit neni kotere ngamesekin kech.

⁴²Apot ngitunga ngiche a ekitela a Simeon ngamiae ngakan toloto kide Edom. Arikito kesi talokookeng a Ichi lu anyaritae Pelatia, ka Nearia, ka Repaya ta Usiel.

⁴³Apot kesi taara Ngiamalek lu aringa idongito neni, nakaneni aliwor kesi elomito neni napei ngina jik.