Read turkana 1 Ngakiro a Ngirwa 7 Bible Online

1 Ngakiro a Ngirwa 7 - turkana bible

1 Ngakiro a Ngirwa 7

¹Araakasi talokookeng a Isakar nguomwon. Anyaritae kesi Tola, ka Pua, ka Yachub ta Chimuron.

²Araakasi talokookeng a Tola ngikan-kapei. Anyaritae kesi Usi, ka Repaya, ka Yeriel, ka Yamai, ka Ibisam ta Chemuel. Kesi araakasi ngikapolok a ngawiyei a emachar a Tola. Araakasi kesi ngasigerea nakajwok. Ani ngirwa lu ayarea ekapolon Daudi, anangit ekimar a ngitunga kangulu 22,600.

³Ayei Usi lokookeng lo anyaritae Isiraya. Arai ngesi epei bon. Ayakasi Isiraya talokookeng nguomwon lu anyaritae Mikael, ka Obadia, ka Yoel ta Ichia. Araakasi kesi daang ngikapolok a ngawiyei.

⁴Ayakasi kesi ngaberu nakaalak ka ngide lukaalak. Kotere ngakiro nguna, kipakunae ngikiliok 36,000 analesea kech toliworos ngasigerea.

⁵Alokimar a ekitela a Isakar, ayakasi ngikiliok 87,000 lu araakasi ngasigerea.

⁶Ayakasi Benjamen talokookeng nguuni lu anyaritae Bela, ka Beker ta Yediael.

⁷Ayakasi Bela talokookeng ngikan lu anyaritae Esibon, ka Usi, ka Usiel, ka Yerimos ta Iri. Araakasi kesi ngikapolok a ngawiyei a emachar kangolo, nabo eraakasi daang ngasigerea nakajwok. Ayakasi ngikiliok a ngalesea kech 22,034 lu etemokino eliworosi ngasigerea.

⁸Ayakasi Beker talokookeng ngikan-koomwon. Anyaritae kesi Semira, ka Yoach, ka Elieser, ka Eleoenai, ka Omri, ka Yeremos, ka Abija, ka Anasos ta Alemes.

⁹Alokimar a ngalesea a ngawiyei ana egiritae, ayakasi ngikiliok 20,200 lu etemokino eliworosi ngasigerea.

¹⁰Ayei Yediael lokookeng lo anyaritae Belian. Ayakasi Belian talokookeng ngikan-kaarei lu anyaritae Yeuch, ka Benjamen, ka Eud, ka Kenaana, ka Sesan, ka Tarchich ta Aichaar.

¹¹Araakasi kesi ngikapolok a ngawiyei alomachar kangolo nabo araakasi daang ngasigerea nakajwok. Analesea kech, ayakasi ngikiliok 17,200 lu etemokino eliworosi ngasigerea.

¹²Araakasi Chupim ka Upim dang ngika ekitela kangolo. Ayei Dan lokookeng epei lo anyaritae Uchim.

¹³Ayakasi Naputal talokookeng nguomwon lu anyaritae Yasiel, ka Guni, ka Yeser ta Chalum. (Araakasi kesi ngalesea a Bilia.)[9]

¹⁴Abu apese a ngabwes a Manase kidou ngide lusapa ngiarei lu anyaritae Asiriel ka Makiri. Arai aberu ngina aka akwap a Arania. Makiri arai apakeng a Gilead.

¹⁵Tasakak Makiri Upim aberu, tasakak tani Chupim aberu ache. Anyaritae nakaatokeng a Makiri Maaka. Anyaritae lokookeng a Makiri lo a ngiarei Selopead. Touriu Selopead ngide lupesur make.

¹⁶Kidou aberu a Makiri na anyaritae Maaka ngide lusapa ngiarei. Anyaritae ngide ngulu Perech ka Cherech. Ayakasi Perech talokookeng ngiarei lu anyaritae Ulam ka Rakem.

¹⁷Anyaritae lokookeng a Ulam Bedan. Ngalesea a Gilead daang nugu. Arai Gilead lokookeng a Makiri, tarai etatait a Manase.

¹⁸Ayakasi nakaatokeng a Gilead na anyaritae Amolekes talokookeng nguuni lu anyaritae Ichod, ka Abieser ta Mala. (

¹⁹Ayakasi Chemida talokookeng nguomwon lu anyaritae Ayan, ka Chekem, ka Liki ta Aniam.)

²⁰Eraakasi nugu ngalesea a Epiraim napei ananaket a apei tanang nache. Auriuni Epiraim Chutela, touriu Chutela Bered, touriu Bered Taas, touriu Taas Eleada, touriu Eleada Taas,

²¹touriu Taas Chutela. Ayakasi Epiraim nabo ngide lusapa ngiarei lu anyaritae Eser ka Elead. Aario ngide lusapa ngulu alojie na asaketa kesi akirem ngibaren a ngitunga a akwap a Gas.

²²Egoro apakech lo arai Epiraim tosutonok nikooyen kotere akitu kech. Apot ngiyenet keng pot akisililing ngesi totikokis etau keng.

²³Abu ngesi topero ka aberu keng, sodi topoti aberu kidou ikoku nisapat. Tolimokis kesi idia ngini ekiro be Beria,[10] kotere ngichan lu aanyunete kesi anawi kech.

²⁴Ayei Epiraim nakookeng na anyaritae Cheera. Abu Cheera toduk ngirerea lua Lokidiama ka Kwap Bes-oron ta Usen Cheera.

²⁵Ayei Epiraim lokookeng eche lo anyaritae Repa. Ngirora a ngalesea keng kesi lugu. Auriuni Epiraim Rechep, touriu Rechep Tela, touriu Tela Taan,

²⁶touriu Taan Ladan, touriu Ladan Amiud, touriu Amiud Elichama,

²⁷touriu Elichama Nun, touriu Nun Yochua.

²⁸Akwap na alemarete kesi toloma ngesi Besel ka ngirerea lu idunyatar. Alowae alo alo kide, anangit Naaran. Ani alowae alo alo too, anangit Geser ka ngirerea lu idunyatar Geser. Anangit tani lorerea a Chekem ka Aya ta ngirerea lu idunyatar.

²⁹Aweikinito ngalesea a Manase ngirerea a Bes-chan, ka Taanak, ka Megido, ka Dor ta ngirerea lu idunyatar. Araakasi nguna daang ngakwapea na alomito ngalesea a Yosep alo arai lokookeng a Yakobo.

³⁰Ngalesea a Acher nugu. Ayakasi ngesi ngide lusapa nguomwon. Anyaritae kesi Imuna, ka Ichipa, ka Ichipi ta Beria. Ayei ikoku nipese ipei anyaritae Sera.

³¹Ayakasi Beria ngide lusapa ngiarei lu anyaritae Eber ka Malikiel. (Malikiel esiakini ere a Birisais.)

³²Ayakasi Eber ngide lusapa nguuni lu anyaritae Yapulet, ka Chomer ta Osam. Ayei ikoku nipese ipei anyaritae Chua.

³³Ayakasi Yapulet ngide lusapa nguuni lu anyaritae Pasak, ka Bimal ta Achipas.

³⁴Ayakasi lokaatokeng lo anyaritae Chomer ngide lusapa nguuni lu anyaritae Roga, ka Yeuba ta Aram.

³⁵Lokaatokeng a Yapulet lo anyaritae Osam,[11] ayakasi ngide lusapa nguomwon lu anyaritae Sopa, ka Imuna, ka Chelech ta Amal.

³⁶Ngalesea a Sopa kesi Sua, ka Arineperi, ka Chual, ka Beri, ka Imura,

³⁷ka Beser, ka Od, ka Chama, ka Chilicha, ka Isiran ta Beera.

³⁸Ngalesea a Yeser kesi Yepune, ka Pisipa ta Ara.

³⁹Ngalesea a Ula kesi Ara, ka Aniel ta Risia.

⁴⁰Araakasi nguna daang ngalesea a Acher. Araakasi kesi ngikapolok a ngawiyei, ngikiliok lukajwok epuruunitoe, taraakas ngikarikok lu eyenikinitae. Analesea a Acher, ayakasi ngikiliok 26,000 lu etemokino eliworosi ngasigerea.