Read turkana 1 Ngakiro a Ngirwa 9 Bible Online

1 Ngakiro a Ngirwa 9 - turkana bible

1 Ngakiro a Ngirwa 9

¹Egirio Ngisirael daang iwapap ka eger a ngitunga a ngawiyei wiyei. Igiritae ngakiro nugu daang nakitab na enyaritae Ngakiro a ngikapolok a Isirael. Etwarakinitae sek ngitunga a Yuda toloto Babilon kotere ngasechesea kech.

²Ngitunga lu esiaunete tobongosi loboro kech alorerea kesi Ngisirael luche, ka ngimurok, ka Ngilawi ta ngikasubak etich alokai a Akuj.

³Toloto ngitunga a ekitela a Yuda, ka Benjamen, ka Epiraim ta Manase akilom Yerusalem.

⁴Ngitunga a ekitela a Yuda kesi ta Usai lo arai lokookeng a Amiud, alo arai lokookeng a Omri, alo arai lokookeng a Imri, alo arai lokookeng a Bani, alo arai lokookeng a Peres, alo arai lokookeng a Yuda.

⁵Ngalesea a lokookeng a Yuda alo anyaritae Chela, Asaya arai loapolon, ayakasi ngesi ngide lusapa.

⁶ Ngalesea a lokookeng a Yuda alo anyaritae Sera, Yeuel ngesi arai loapolon anikech. Araakasi ngitunga ngulu daang 690.

⁷Lugu kesi araakasi ngitunga a ngalesea a Benjamen ana alomito Yerusalem. Ayei Salu lo arai lokookeng a Mechulam, alo arai lokookeng a Odapia, alo arai lokookeng a Asenua.

⁸Ayei Ibineya lo arai lokookeng a Yeroam, ka Ela lo arai lokookeng a Usi tarai etatait a Mikiri, ka Mechulam lo arai lokookeng a Chepatia, alo arai lokookeng a Reuel, alo arai lokookeng a Ibinija.

⁹Ayakasi ngitunga 956 a ekitela kangolo alomito inaa. Ngitunga ngulu daang araakasi ngikapolok a ngawiyei wiyei.

¹⁰Ngimurok lugu kesi alomito Yerusalem, ngirora kech kesi Yedaya, ka Yeoyarib ta Yakin,

¹¹ka Asaria lokookeng a Ilikia (ekapolon a akai a Akuj), alo arai lokookeng a Mechulam, alo arai lokookeng a Sadok, alo arai lokookeng a Merayos, alo arai lokookeng a Aitub.

¹²Emuron eche ngesi Adaya lo arai lokookeng a Yeroam, alo arai lokookeng a Pachur, alo arai lokookeng a Malkija. Emuron eche ngesi Maasai lo arai lokookeng a Adiel, alo arai lokookeng a Yaisera, alo arai lokookeng a Mechulam, alo arai lokookeng a Mechilemis, alo arai lokookeng a Imer.

¹³Ngimurok lu apolokinito ngawiyei wiyei, araakasi 1,760. Kesi araakasi ngikunonoi a etich kadaang alo asubio alokai a Akuj.

¹⁴Ngilawi lugu kesi alomito Yerusalem, lo anyaritae Chemaya lo arai lokookeng a Achub, alo arai lokookeng a Asirikam, alo arai lokookeng a Achabia, lu emachar a Merari.

¹⁵Anyaritae luche Bakibakar, ka Erech, ka Galal, ka Matania lo arai lokookeng a Mika, lo arai lokookeng a Sikiri, alo arai lokookeng a Asap.

¹⁶Anyaritae eche Obadia lo arai lokookeng a Chemaya, alo arai lokookeng a Galal, alo arai lokookeng a Yedusun. Anyaritae eche Berekia lo arai lokookeng a Asa, tarai etatait a Elikana, alo alomit nakwap na ayei ere a Netopa.

¹⁷Ngasigerea a akai a Akuj nugu kesi alomito Yerusalem. Ngirora kech kesi Chalum, ka Akub, ka Talimon ta Aiman. Chalum arai ekarikon kech.

¹⁸Napei kolong jik tanang ngirwa ngulu, ngitunga a ngimacharin kech eteenete ekidor lo alo kide a ekidor a Ekapolon.[14] Eteenete sek kesi ngidorin lu elomarere nadakarin a Ngilawi.

¹⁹Chalum lo arai lokookeng a Kore, tarai etatait a Ebiasap, aapei ka ngitunga keng lu araakasi ngika ekitela a Kora, kesi araakasi ngiketeok a ekidor alo elomarere loeam a Akuj. Ekote kesi neni loger losek eteeto taapaakech ngirwa lu aweikinitotor adakar a Ekapolon Akuj.

²⁰Pineas lo arai lokookeng a Eleasar, aweikinit kolong kesi a ache. Kimiekisi Ekapolon Akuj kiruko ka ngesi.

²¹Arai Sekaria lokookeng a Mechelemia dang asiger anakituk a eam a Akuj.

²²Arai ekimar a ngasigerea kadaang ana aseunitae akitere ngidorin 212. Egiritae kesi iwapap ka eger a ngirerea alu alomito kesi. Ekapolon Daudi ka ekadwaran Samuel aseunete taapakech kitoweikis ngitichisio ngulu.

²³Apot kesi ka ngalesea kech torubakis iteete ngidorin a akai a Akuj.

²⁴Ayei ekidor lo engoliarit lowaitin luomwon daang, kwap, ka kuju, ka kide ta too. Ayei ekidor daang asiger na apolokinit.

²⁵Ayakasi ngasigerea nguna ngiyenet kech lu engarakinito. Alomito ngiyenet kech ngulu nadakarin, alunyaanasi a ngirwa a ngikan-kaarei iteete ngidorin.

²⁶Araakasi ngasigerea naomwon Ngilawi, kesi aweikinito ngakiro daang. Aweikinito kesi tani ngamaniyae na eyakasi tooma kai a Akuj ka ngiboro lu ekachakinitae neni.

²⁷Alomito kesi diyete akai a Akuj, kainyo araakasi kesi eteenete akai ngina, ka angaanar ngidorin ataparach daang.

²⁸Ngilawi luche kesi aweikinito ngiboro lu ilipeenere. Esemeenete kesi ngiboro esaa daang lo elemarere asubea etich ka esaa lo inyiakunere.

²⁹Aweikinito ngiche ngiboro lu italeunitoe, ka ngakiria, ka emuna lo epuritoe, ka akimiet a ngikito, ka emitina ta ngikito lu itukukunyete akimuj.

³⁰Nakaneni etich lo imorenakinere ngikito lu itukukunyete akimuj, arai eka ngimurok a Akuj.

³¹Itwaan a Lawi enyaritae Matisia, lo arai edia loapolon a Chalum, a emachar a Kora, ngesi aweikinit ngakipeyos na imao[15] nakim.

³²Ngitunga a emachar a Koas kesi asubanakinete ngamugati na etal[16] alokai a Akuj akolongit na Sabato daang.

³³Ngitunga ngiche a Lawi kesi aweikinito aeo alokai a Akuj. Ngikapolok a ngitunga kangulu alomito namaniyae ngache alokai a Akuj, emam etich asubete alokai a Akuj kainyo eteete akai ngina apaaran ka akwaar.

³⁴Araakasi ngitunga ngulu ngikapolok a ngawiyei a Ngilawi, iwapap ka eger kata apaakech. Araakasi kesi ngikapolok lu alomito Yerusalem.

³⁵Esiakini Yeiel ere a Gibeon sodi tolom neni. Tolimokinae aberu keng ekiro be Maaka.

³⁶Anyaritae lokookeng loapolon Abidon. Anyaritae talokookeng luche Sur, ka Kich, ka Baal, ka Ner, ka Nadab,

³⁷ka Gedor, ka Aio, ka Sekaria ta Mikilos,

³⁸lo arai apakeng a Chimea. Alomito ngalesea kech Yerusalem, diyete ngitunga luche a emachar kech.

³⁹Ner arai apakeng a Kich. Arai Kich apakeng a Saul. Ayakasi Saul ngide lusapa nguomwon lu anyaritae Yonasan, ka Malikichua, ka Abinadab ta Echibaal.[17]

⁴⁰Yonasan arai apakeng a Meribaal,[18] alo arai apakeng a Mika.

⁴¹Ayakasi Mika ngide lusapa nguomwon lu anyaritae Pison, ka Melek, ka Tarea ta Aas.

⁴²Aas arai apakeng a Yara. Ayakasi Yara ngide lusapa nguuni lu anyaritae Alemes, ka Asimapes ta Simri. Simri arai apakeng a Mosa.

⁴³Mosa arai apakeng a Binea. Binea arai apakeng a Repaya. Repaya arai apakeng a Eleasa. Eleasa arai apakeng a Asel.

⁴⁴Ayakasi Asel ngide lusapa ngikan-kapei lu anyaritae Asirikam, ka Bokeru, ka Ichimael, ka Chearia, ka Obadia ta Anan.