Read turkana Esira 10 Bible Online

Esira 10 - turkana bible

Esira 10

¹Esaa lo elipitor Esira, tolimonori ngasechesea, ka akigoro, kibusonokin kwap alongaren akai a Akuj, apot Ngisirael, ngikiliok ka ngaberu ta ngide, kiriama ngesi igorosi lokojokon.

²Abu Chekania lokookeng a Yeyel lo a emachar a Elam tolimok Esira tama, “Kichwangak sua anupit kosi ani a Akuj ani kiusea ngaberu a ngakwapea anache. Ani kaneni dang, eringa Ngisirael eyei akigieno.

³Ejoikinit tokona sua kikongi ani a Akuj yok atamar kitwarakini ngaberu nguna ka ngide kech. Kisubakini sua ngakiro nakilimokinete iyong ka ngitunga luche lu erimasi ngitalio a Akuj. Kisubakini ngakiro na esaki Etal a Akuj.

⁴Tonyou tokona nugu kainyo erai etich kon sodi ewapakisi sua ngakiro kon. Tonyou robo totitinyer, tosubak nguna.”

⁵Sodi kisiak Esira akisikong ngikarikok a ngimurok ka lua Ngilawi ta lua Ngisirael, kikongo atamar kisubakini ngakiro na alimuni Chekania.

⁶Sodi torotok Esira alongaren akai a Akuj, tolot kai a Yewanan alo arai lokookeng a Eliachib, sodi toper neni[10] akwaar kiiya kiwala ialolongi ani peanupitotor ngitunga lu abongunete anarikonot Akuj. Emam ibore anyam ngesi kori amat.

⁷Apon kikeunae akiroit alo Yerusalem kadaang ka Yuda atamar ejoikinit ngitunga daang lu abongunete anarikonot iriamiriamete Yerusalem,

⁸loger lo adungunioto ngikaweikinak a arieng ka ngikasukou. Itwaan daang nicha nyenanguni neni a ngirwa a nguuni, edemario ibore keng daang, sodi tojongo araakau ipei a ngitunga alu abongunete.

⁹Alorwa aluuni kangulu, akolongit na ngatomwon-arei a elap alo a ngikan-koomwon, apot ngitunga daang lu alomito nakwap a Yuda ka Benjamen pot Yerusalem tochunakin naro a akai a Akuj. Atepi akiru natikaalan. Kotere akatorot ka eger lo amunokinitor itwaan daang ekiriam, amaranete ngitunga.

¹⁰Tonyou Esira lo arai emuron kisuruor kesi. Tolimok tama, “Iliworosi esi lu nyikimunoi, iuta ngaberu a ngakwapea anache. Kotere nguna, iatakis esi akisech a Ngisirael.

¹¹Tolunga tokona ngasechesea kus ani a Ekapolon Akuj ana erai Akuj kata apaakus, sodi tosuba ngakiro na ejoikinito ngesi. Totiakas ka ngitunga a ngakwapea anache lu elomito nakwap yok, sodi kitwarakis ngaberu kus na ngakwapea anache.”

¹²Sodi kiremasi ngitunga daang tatachut tamasi, “Kisubakini sua ngakiro nacha ilimuni iyong daang.”

¹³Nabo kiatakis tamasi, “Elalak ngitunga noi totepi akiru nakaalan. Nyikipedori sua akiwo anikalapatan loger logo, tarai meere ngakiro nugu na erumorosi a akolongit a apei kori a ngirwa a ngiarei, kainyo kisechit sua lukaalak anakiro kanu.

¹⁴Kimiek ngikaweikinak a arieng kosi kidongo Yerusalem tosubakis ngakiro nguna. Sodi itwaan daang ni erikit aberu a akwap anache, bu esaa lo etiakakinio, kirukut ka ngikarikok ta ngikatubok ngakiro lu ere keng, tanang ni edaunor angoit a Akuj aniyok.”

¹⁵Emam itwaan abu tonger ngakiro nguna, pearai Yonasan lokookeng a Asael ka Yaseya lokookeng a Tikipa make. Mechulam ka Chabesai lu eraakasi Ngilawi kesi ebakito ka kesi.

¹⁶Apot ngirikon lu abongunete ngulu tachamut ngakiro nguna. Sodi toseu Esira lo erai emuron ngitunga alokiding ngikapolok a ngimacharin, dio akigir ngirora kech. Akolongit na ekingaren a elap alo a ngitomon, kisiakis kesi etich kech lo a akingich ngakiro nguna.

¹⁷Adaunet a ngilapio a nguuni, torumosi kesi akingich ngakiro a ngikiliok kadaang alu arikito ngaberu a ngakwapea anache.

¹⁸Ngirora a ngikiliok alu arikito ngaberu a ngakwapea anache kesi lugu. Eraakasi lugu ngirora a ngimurok, imarunitae alomacharin kech. Alomachar a Yochua ka talokaatokeng lu araakasi ngide a Yeosadak, kesi Maaseya, ka Elieser, ka Yarib ta Gedalia.

¹⁹Apot kesi tolimut atamar kilaki ngaberu kech. Kipeyoto kesi emesek toliwor akipeyos a akisech kech.

²⁰Alomachar a Imer, kesi Anani ka Sebadia.

²¹Alomachar a Arim, kesi Maaseya, ka Elija, ka Chemaya, ka Yeyel ta Usia.

²²Alomachar a Pachur, kesi Elioenai, ka Maaseya, ka Ichimael, ka Nesanel ka Yosabad ta Elasa.

²³Ani a Ngilawi, kesi Yosabad, ka Chimei, ka Kelaya (enyaritae ekiro eche Kelita), ka Pesaya, ka Yuda ta Elieser.

²⁴Alokaeok, ngesi Eliachib. Ani a ngiketeok a akai a Akuj, kesi Chalum, ka Telem ta Uri.

²⁵Alotunga aluche, alomachar a Paroch, kesi Ramia, ka Isia, ka Malikija, ka Mijamin, ka Eleasar, ka Malikija ta Benaya.

²⁶Alomachar a Elam, kesi Matania, ka Sekaria, ka Yeyel, ka Abudi, ka Yeremos ta Elija.

²⁷Alomachar a Satu, kesi Elioenai, ka Eliachib, ka Matania, ka Yeremos, ka Sabad ta Asisa.

²⁸Alomachar a Bebai, kesi Yewanan, ka Anania, ka Sabai ta Asilai.

²⁹Alomachar a Bani, kesi Mechulam, ka Maluk, ka Adaya, ka Yachub, ka Cheal ta Yeremos.

³⁰Alomachar a Paas Moab, kesi Adina, ka Kelal, ka Benaya, ka Maaseya, ka Matania, ka Besalel, ka Binui ta Manase.

³¹Alomachar a Arim, kesi Elieser, ka Ichija, ka Malikija, ka Chemaya, ka Chimeon,

³²ka Benjamen, ka Maluk ta Chemaria.

³³Alomachar a Achum, kesi Matenai, ka Matata, ka Sabad, ka Elipelet, ka Yeremai, ka Manase ta Chimei.

³⁴Alomachar a Bani, kesi Maadai, ka Amuram, ka Uel,

³⁵ka Benaya, ka Bedeya, ka Kelui,

³⁶ka Pania, ka Meremos, ka Eliachib,

³⁷ka Matania, ka Matenai ta Yaasu.

³⁸Alomachar a Binui, kesi Chimei,

³⁹ka Chelemia, ka Nasan, ka Adaya,

⁴⁰ka Makinadebai, ka Chachai, ka Charai,

⁴¹ka Asarel, ka Chelemia, ka Chemaria,

⁴²ka Chalum, ka Amaria ta Yosep.

⁴³Alomachar a Nebo, kesi Yeyel, ka Matisia, ka Sabad, ka Sebina, ka Yadai, ka Yoel ta Benaya.

⁴⁴Arikito ngikiliok ngulu daang ngaberu na ngakwapea anache. Apot kesi talaka ngaberu nguna, sodi kitwarakis ka ngide kech.