Read turkana Neemia 10 Bible Online

Neemia 10 - turkana bible

Neemia 10

¹Ekapolon Neemia lokookeng a Akalia ngesi esiauni kiwaak emachar keng, totupak Sedekia. Apot tani ngitunga lugu kiwaakis ngimacharin kech.

²Ngimurok a Akuj kesi Seraya, ka Asaria, ka Yeremia,

³ka Pachur ka Amaria, ka Malikija,

⁴ka Atuch, ka Chebania, ka Maluk,

⁵ka Arim, ka Meremos, ka Obadia,

⁶ka Daniel, ka Gineson, ka Baruk,

⁷ka Mechulam, ka Abija, ka Mijamin,

⁸ka Maasia, ka Biligai ta Chemaya.

⁹Ngilawi kesi Yechua lokookeng a Asania, ka Binui loa emachar a Enadad, ka Kadimiel,

¹⁰ka Chebania, ka Odia, ka Kelita, ka Pelaya, ka Anan,

¹¹ka Mika, ka Reob, ka Achabia,

¹²ka Sakur, ka Cherebia, ka Chebania,

¹³ka Odia, ka Bani ta Benuni.

¹⁴Ngikarikok a ngitunga kesi Paroch, ka Paas Moab, ka Elam, ka Satu, ka Bani,

¹⁵ka Buni, ka Asigad, ka Bebai,

¹⁶ka Adonija, ka Bigipai, ka Adin,

¹⁷ka Ater, ka Esekia, ka Asur,

¹⁸ka Odia, ka Achum, ka Besai,

¹⁹ka Arip, ka Anasos, ka Nebai,

²⁰ka Magipiach, ka Mechulam, ka Esir,

²¹ka Mechesabel, ka Sadok, ka Yadua,

²²ka Pelatia, ka Anan, ka Anaya,

²³ka Ochea, ka Anania, ka Achub,

²⁴ka Aloech, ka Pila, ka Chobek,

²⁵ka Reum, ka Achabuna, ka Maaseya,

²⁶ka Aya, ka Hanan, ka Anan,

²⁷ka Maluk, ka Arim, ka Baana.

²⁸Sua Ngisirael, ngimurok ka Ngilawi, ka ngasigerea a akai a Akuj, ka ngikaeok, ka ngikasubak etich alokai a Akuj ta ngitunga luche daang lu epakarosi alotunga a ngakwapea anache iwapito etal a Akuj, aapei ka ngaberu kosi, ka ngide kosi lukoosok lu eyenete ngakiro,

²⁹kichamakin tokona ka ngikarikok kosi atamar kiwapi etal a akuj, lokolong kiinakini Akuj kisitoru nia Musa alo arai ekasuban etich keng. Kiwapi sua ngakiro daang nakidungokini Ekapolon lo erai Akuj kosi. Nabo kirichakini ngitalio keng daang ka ngakiro na esaki ngesi. Kiliwor sua lu kilamam erai kisech akikong ngina.

³⁰ Nyikipotori sua tanakookosi kiuta ngitunga a ngakwapea anache lu elomito nakwap kosi, kori nyiusete ngide kosi tanakookech.

³¹Ani keyaut ngitunga ngulu ngalemet kori ibore iche cha daang agielakin sua akolongit na Sabato, kori akolongit cha daang na etal, nyikigieli sua anikech. Ekaru daang lo a ngikan-kaarei, nyikitae sua ngamanat, nabo kikisari ngamichae daang.

³² Ekaru daang, elemuni itwaan daang anikosi ngakwangae ngagiramea ngakan tatachere etich lo esubio alokai a Akuj.

³³Kilemuni sua ngiboro lugu kotere akilipeenen alokai a Akuj, amugati a etal, ngakipeyos a ngalemet na akolongit kadaang, ngibaren lu inomio akolongit daang eraakasi ngakipeyos, ngakipeyos na etal a ngasabatoi, ka ngirwa a esukukuu alo eanyungarere elap ta ngisukukui luche. Kilemuni ngakipeyos nache na etal, ka ngakipeyos na emookere akisech a Ngisirael ta ibore niche cha dang ni esakitae alokai a Akuj.

³⁴Sua Ngisirael, ngimurok a Akuj ta Ngilawi, kirami ekura ekaru daang atoyeneta ngimacharin lu ejoikinit eyaunete ngakito na inomere ngakipeyos na ipeyonokinio Ekapolon Akuj na erai Akuj yok, loger lo esakitere Alotal.

³⁵ Ekaru daang, kiyaari sua ngalemet na ekingaren a ngamanat kosi toliworos ngalemunet, ka ageor na ekingaren na ekoniunete ngikito kosi.

³⁶Ngide kosi lusapa lu ekingaren, kiinari sua ngimurok alokai a Akuj sodi etalekisi Akuj loger lo esakitere Alotal. Kitalekini sua Akuj tani ngitak a ngaatuk kosi lu ekingaren lukiliok, ka ngimesekin lukiliok, ka ngikaalei lukiliok lu ekingaren.

³⁷ Kiinari sua ngimurok alokai a Akuj ngakiria a ngalemet ana elemio ekingaren ekaru daang, ka ngalemunet kosi nache na eraakasi emuna, ka akimiet ta ngikitetio daang a ageor. Kiinari sua Ngilawi ngadekon a ngalemet kosi kainyo kesi idiauniyete ngadekon nguna anadakarin.

³⁸Ngimurok lu eraakasi ngalesea a Aron, ejoikinit irukete ka Ngilawi esaa lo idiauniyere ngadekon. Esakitae Ngilawi tolemut alemunet apei anatomon a ngadekon kadaang ana idiauniyete kesi kikachakis lokerui a akai a Akuj tosubere etich alokai a Akuj.

³⁹Esakitae Ngisirael ka Ngilawi yaasi ngadekon a ngalemet, ka emuna ta akimiet kikachakis lokerui a akai a Akuj, ka ni eyakasi ngakais a ngimurok alu eyakasi lotich, ka ngasigerea a akai a Akuj ta ngikaeok a akai a Akuj. Nyikipasakini sua akai a Akuj kosi.