Read turkana Neemia 7 Bible Online

Neemia 7 - turkana bible

Neemia 7

¹Arumoret abongokin akiduk awas ka ngidorin keng daang, abu ayong atorek ngasigerea naketeok akai ka ngikaeok ta Ngilawi, atorek etich kech.

²Atoseu ayong lokaatokang Anani ka Anania lo arai ekarikon a ngasigerea a adukuor ana iteere ere, topolokis ere a Yerusalem. Arai Anania itwaan ni amunoi nabo akerit Akuj, amam itwaan iche ekwaanatar.

³Atolimok ayong kesi atama, “Nyeengaar ngidorin akwaar kiiya, tanang iwalari emonuni akolong. Togoloi ngidorin a ngasua eringa ngasigerea naketeok nyerotokino edooyori akolong. Toseutu ngasigerea nakeyokok ere alotunga alu elomito Yerusalem sodi kitebeanakis ngiche kech lowaitin lugelagelae, kirimo luche ngiwaitin lu eyakasi ngakais kech a ngikulepek.”

⁴Arai Yerusalem ere lotiapolon nakaneni akidioko ngitunga lu alomito neni. Aringa ngakais nakaalak nyeduko.

⁵Kesimuu Akuj ayong atamar atochunak ngikarikok ka ngikaweikinak a arieng, ta ngitunga sodi atoyen ekimar a ngitunga a ngawiyei kech. Ataanyu ayong akitab na egiritae ngitunga lukolong abongunete ekingaren anarikonot. Atorukau ngakiro nugu eyakasi nakitab ngina.

⁶Apot ngitunga lukaalak lusek arikitoe nakwap nagela a Babilon torotokis tobongosi Yerusalem ka Yuda, tolot itwaan daang lore keng. Alomito ngitunga a ngawiyei kech nakwap a Babilonia napei kolong arikio ekapolon Nebukadinesa kesi erai ngirikon.

⁷Anyaritae ngikarikok kech Serubabel, ka Yochua, ka Neemia, ka Asaria, ka Raamia, ka Naamani, ka Mordekai, ka Bilichan, ka Misiperes, ka Bigipai, ka Neum ta Baana.

⁸Ngirora a ngimacharin a Ngisirael lugu ka ekimar a ngitunga a emachar kadaang alu abongunete anakwap anagela. Lua Paroch araakasi 2,172.

⁹Lua Chepatia araakasi 372.

¹⁰Lua Ara araakasi 652.

¹¹Lua Paas Moab (lu araakasi ngalesea a Yechua ka Yoab) araakasi 2,818.

¹²Lua Elam araakasi 1,254.

¹³Lua Satu araakasi 845.

¹⁴Lua Sakai araakasi 760.

¹⁵Lua Binui araakasi 648.

¹⁶Lua Bebai araakasi 628.

¹⁷Lua Asigad araakasi 2,322.

¹⁸Lua Adonikam araakasi 667.

¹⁹Lua Bigipai araakasi 2,067.

²⁰Lua Adin araakasi 655.

²¹Lua Ater (ekiro eche ngesi Esekia) araakasi 98.

²²Lua Achum araakasi 328.

²³Lua Besai araakasi 324.

²⁴Lua Arip araakasi 112.

²⁵Lua Gibeon araakasi 95.

²⁶Apot tani lukolong alomito taapaakech lorerea lugu tobongut. Lua Betleem ka Netopa araakasi 188.

²⁷Lua Anasos araakasi 128.

²⁸Lua Bes Asimapes araakasi 42.

²⁹Lua Kirias Yearim, ka Kepira ta Beeros araakasi 743.

³⁰Lua Rama ka Geba araakasi 621.

³¹Lua Mikimach araakasi 122.

³²Lua Besel ka Ai araakasi 123.

³³Lua Nebo aloche araakasi 52.

³⁴Lua Elam aloche araakasi 1,254.

³⁵Lua Arim araakasi 320.

³⁶Lua Yeriko araakasi 345.

³⁷Lua Lod, ka Adid ta Ono araakasi 721.

³⁸Lua Senaa araakasi 3,930.

³⁹Ngirora a ngimurok alu abongunete kesi lugu. Lua Yedaya (lu araakasi ngalesea a Yechua) araakasi 973.

⁴⁰Lua Imer araakasi 1,052.

⁴¹Lua Pachur araakasi 1,247.

⁴²Lua Arim araakasi 1,017.

⁴³Ngimacharin a Ngilawi alu abongunete anarikonot kesi lugu. Lua Yechua ka Kadimiel (lu araakasi ngalesea a Odapia) araakasi 74.

⁴⁴Ngikaeok alokai a Akuj (lugu araakasi ngalesea a Asap) araakasi 148.

⁴⁵Ngiketeok a akai a Akuj (lu araakasi ngalesea a Chalum, ka Ater, ka Talimon, ka Akub, ka Atita ta Chobai) araakasi 138.

⁴⁶Ngimacharin a ngikasubak etich alokai a Akuj lu abongunete anarikonot kesi lugu. Sia, ka Asupa, ka Tabaos

⁴⁷ka Keros, ka Sia, ka Padon,

⁴⁸ka Lebana, ka Agaba, ka Chalimai,

⁴⁹ka Anan, ka Gidel, ka Gaar,

⁵⁰ka Reaya, ka Resin, ka Nekoda,

⁵¹ka Gasam, ka Usa, ka Pasea,

⁵²ka Besai, ka Meunim, ka Nepuchesim,

⁵³ka Bakibuki, ka Akupa, ka Arur,

⁵⁴ka Basilis, ka Meida, ka Aricha,

⁵⁵ka Barkos, ka Sisera, ka Tema,

⁵⁶ka Nesia ta Atipa.

⁵⁷Ngimacharin a ngikasubak etich a Solomon alu abongunete anarikonot kesi lugu. Kesi Sotai, ka Soperes, ka Perida,

⁵⁸ka Yaala, ka Darkon, ka Gidel,

⁵⁹ka Chepatia, ka Atil, ka Pokeres Asebaim ta Amon.

⁶⁰Ngalesea a ngikasubak etich alokai a Akuj, ka ngikasubak etich a Solomon, alu abongunete anarikonot arai ekimar kech daang 392.

⁶¹Ngimacharin 642 kesi apote alorerea alu enyaritae Tel Mela, ka Tel Aricha, ka Kerub, ka Adon ta Imer, nakaneni peapedorete kesi akidodiun atamar kirai ngalesea a Ngisirael.

⁶²Ngimacharin ngulu kesi lua Delaya, ka Tobia ta Nekoda.

⁶³Alomacharin a ngimurok, ayakasi lua Obaya, ka Akos ta Barisilai. (Apaakech a emachar kangolo ngesi kolong eusi nakookeng a Barisilai alo erai eka akwap a Gilead, sodi tanyarae kesi a ekiro alokamuran kech.)

⁶⁴Apot kesi tasaka nikolong etoruni alesit kech nakaneni tongopik. Aloger akuruworea kesi akiyen nikolong etorunete, apon nyeechamun kesi eliworosi ngimurok a Akuj, tamarae nyitaleuno.

⁶⁵ Abu ekapolon a Ngiyaudi tolimok kesi atamar nyeenyam akimuj na epeyonokinio Akuj tanang eanyunio emuron lo epedori akingitun ngakiro a Urim ka Sumim.*g**

⁶⁶Araakasi ngitunga lu abongunete anarikonot daang 42,360.

⁶⁷Araakasi ngikasubak etich kech lukiliok ka luberu 7,337. Araakasi ngikaeok lukiliok ka luberu 245.

⁶⁸Ayakasi kesi ngangolei 736, ka ngisikiria 245,

⁶⁹ka ngikaala 435 ta ngisikiria ngiche 6,720.

⁷⁰Apot ngikapolok ngiche a ngimacharin alu abongunete anarikonot tolemunos alotich a akiduk. Abu ekapolon a ewae kangolo tolem ngakiloi ngakan-kauni a egolit, ka ngatubwae ngatomwon-kan ta ngiworui lukooyak 530 lua ngimurok a Akuj.

⁷¹Tolemut ngikapolok a ngimacharin ngakiloi 168 a egolit ka ngakiloi 1,250 a ngakwangae.

⁷²Tolemut ngitunga luche daang ngakiloi 168 a egolit, ka ngakiloi 140 a ngakwangae ta ngiworui lukooyak 67 lua ngimurok a Akuj.

⁷³ Ngimurok a Akuj, ka Ngilawi, ka ngasigerea a akai a Akuj, ka ngikaeok, ka ngitunga luche lukaalak, ka ngikasubak etich alokai a Akuj ta Ngisirael daang, apot toloma lorerea a akwap a Yuda.