Read turkana Yob 2 Bible Online

Yob 2 - turkana bible

Yob 2

¹Ani enangi akolongit na alooso talokookeng a ngakujo aanyun Ekapolon Akuj nabo, ayei Ekipe dang kiding kech.

²Kingit Ekapolon Akuj ngesi tama, “Aliwae ibunio iyong?” Tatachu Ekipe tama, “Elat ayong ateneene ama ka ama, erimit akwap.”

³Kingit Ekapolon Akuj ngesi tama, “Ianyunga iyong ekasuban etich kang Yob a? Emam itwaan iche anakwap kadaang ni nyesechit totenoono loger a Yob. Kakerit ngesi ayong, nabo nyediposi ka naaronok. Kimaimai kolong iyong ayong isaki atamar atomunya ngesi pas. Nakaneni Yob kamuno ayong jik.”

⁴Tatachu Ekipe tama, “Towan chene kingolik. Epedori itwaan alemun ibore keng daang torubakinea eyari.

⁵Nakaneni ani tokona kitorwaa iyong akan kon tatap akwaan keng, kimenyari ngesi iyong toyen!”

⁶Sodi tolimok Ekapolon Akuj Ekipe tama, “Kingolik a, kemiekinea tokona iyong. Nakaneni tochoite iari.”

⁷Abu Ekipe torotok alongaren Ekapolon Akuj, kiturup ngajemei awadaang anakwaan a Yob, napei anakichieket tanang losieduduk.

⁸Topudo Yob nikalapatan a ere kiboikin lokuruon ialolongi. Tolem ikabeleakat a amot toliwor ekoo akwaan keng.

⁹Tolimok aberu keng ngesi tama, “Abe eringa cha iyong jik irai lokimunoi a? Nyo peichienio iyong Akuj totoan?”

¹⁰Tatachak Yob tama, “Iruoro cha iyong loger a ngaberu anakabangaanak. Na kiinakinea Akuj ngoni ibore niajokon, kidiaununi ngoni kilakara. Ani nyo kiburaa ngoni nakiinakinea ngesi ngoni ngichan?” Tani na aanyunea Yob ngichan ngulu daang, nyesecha ngesi.

¹¹Ayakasi Yob talopaekeng nguuni. Abunit Elipas alore a Teman. Abunit Bilidad anakwap a Chua. Abunit Sopar anakwap a Naama. Ani iirarete ngipaalon ngulu atamar eyei Yob lochan, apot toloto akisililing ngesi.

¹²Ani eringa eloose anialonan, taanyungasi Yob, nakaneni nyeyena ngesi. Apot tolomakis akigoro ka akiutere, tochilichileta ngiworui kech eriabasi, sodi tokuronosi ngalup kidiama ka akurokin nakies kech.

¹³Ani erumor kiboikinos ka Yob nalup ekiilingat a ngirwa a ngikan-kaarei, akwaar ka apaaran, kainyo apot kingolikis atamar etioko ngichan lu eanyunit ngesi.