Read turkana Yob 23 Bible Online

Yob 23 - turkana bible

Yob 23

¹Tatachu Yob tama,

²“Eringa ayong eburae anyunyura. Erubakinit Akuj kaboliar ayong tani akunua kona.

³Arai bo atoyeni ni aanyunea ngesi dang! Kaapia ayong diyete ekicholong keng.

⁴Kalim ayong ngakiro daang alongaren keng esunyak ngesi na apega daang.

⁵Asaki ayong atoyen ngakiro na edikino ngesi elimuni, ka eger lo etachunea ngakiro kang.

⁶Ekoe, epedori ngesi abolo ka ayong a ngikilinga keng kadaang a? Mam jik! Iirari ngesi ngakiro kang.

⁷Emam ayong ibore asechit. Kiruoro ayong Akuj, tolim ngesi atamar emam ayong ibore asechit

⁸“Asak ayong Akuj kide, nakaneni emam kaina. Asak ayong ngesi too kangopiki.

⁹Esubi Akuj etich alokwap ka kuju, tani ikoni neni, eringa ayong nyeanyungara ngesi.

¹⁰Nakaneni eyeni Akuj erot lo etori ayong. Ani kening ngesi ayong, karukauni aseg loger a egolit.

¹¹Ichiekit akeju kang ngikukus keng make, nyiitoro ayong wache.

¹²Asubeene ayong jiik na edungunit Akuj. Ewapi ayong ngakiro na esaki ngesi, meere nakang.

¹³“Nyilochokin Akuj. Ngae epedori akiloch ngesi? Esubakini ngesi ibore ni esaki.

¹⁴Iyookini ngesi ngakiro na ereat kotere ayong. Elalak ngakiro na ikote nguna anikeng.

¹⁵Kotere nguna aemit ayong alongaren keng. Kabuli ayong na etamunea ngakiro keng.

¹⁶Ketililimiyo ayong Akuj, ketubul ayong Akuj Naationon.

¹⁷Kainyo keriamit ayong aribu. Erapit aribu nakirion chuch ereet kang.”