Read turkana Yob 3 Bible Online

Yob 3 - turkana bible

Yob 3

¹Ani ekisidi kiruorik Yob kichien akwaar nakolong edounere ngesi.

²Tolim Yob tama,

³“Akuj, kilam kare akolongit nakolong kedounere ayong. Kilam akwaar nakolong kapotiunio itiokang ayong.

⁴Kibele apaaran ngina toliwor aribu. Akuj, nyiitam kare nabo akwaar ngina. Wara nyiicham akicha inwakuni apaaran ngina.

⁵Kitiliwo akwaar ngina naketubulon ka aribu nakirion chuch. Tarap a ngidowon, sodi toburichia akolong toribok akwap.

⁶Tachakak akwaar ngina naribu nakirion chuch. Tolema akwaar ngina, nyeelakar alorwa a ekaru, kori nyiimarun alorwa a elap.

⁷Ee, ekolupani akwaar ngina, tongopik alakara.

⁸Kilama ngikapilak akolongit ngina. Ngulu eweikinito Lepiasan,[5] kilama akwaar ngina.

⁹Kitiribok etop keng lo a abaet. Tani kesak akicha nyeanyunete. Wara nyeechil nanyang.

¹⁰Kilamae akwaar ngina, ani awounea akigol akook a itiokang, nabo nyakayuu alochan ka ariaba.

¹¹“Arai bo kolong atotoan anaperit a itiokang dang! Arai bo kolong atotoan nakedounere dang!

¹²Nyo kolong kedakea itiokang ayong? Nyo kolong ketanakea ngesi ayong?

¹³Kenapakina eliling, kaperit eanga,

¹⁴ka ngikapolok ta ngikarikok a akwap, lukolong adukete ngakais a ngikapolok na tokona arata asakatan.

¹⁵Keangarit ka talokookeng a ngikapolok, lukolong elelebete egolit ka ngakwangae nakais kech.

¹⁶Arai bo kolong ekok ikoku ni edounio etoanit dang! Arai bo kolong ekok ikoku ni nyeanyungara akicha dang!

¹⁷Epalikinete ngitunga luaronok aronis kech analiel. Ani ngitunga lu eburunit, iangarete jik.

¹⁸Lu eenitae dang, elakarosi kaneni kotere ekisil, lo emamakar itwaan erujit kesi.

¹⁹ Eyei itwaan daang naliel, ni eyenikinitae ka ni nyeyenikinitae. Ani ngikedalak, eliworosi kaneni lu elachakina dir.

²⁰“Nyo imiekinitere ngitunga ibooyete alochan? Nyo isiteere ngitunga lu eriabasi akwap?

²¹ Iitanito ngitunga lu ikote neni akitu, nakaneni nyetoakete. Iitanito kesi akitu akidwang tani ebari.

²²Elakarosi kesi noi erai ketoaka tonukae.

²³Nyo isiteere itwaan ni erapap erot keng akwap, ni agol Akuj ngiwaitin keng daang?

²⁴Akisutusuta aliwor akimuj kang, eropuunit akunua kang loger a ngakipi.

²⁵Kainyo ibore ni akerit ayong ngesi esubakin anikang. Ibore ni ketubuli, ngesi iyoonokin.

²⁶Nyesilit ayong kori nyelilingi. Emam ngichan kang esal, nyeangarit ayong.”