Read turkana Yob 33 Bible Online

Yob 33 - turkana bible

Yob 33

¹Nakaneni tokona Yob, topupok lokojokon ngakiro na asaki ayong alimun daang.

²Anyou ayong akiruorikin, etorut ngakiro nakituk kang.

³Eraakasi ngakiro kang daang na etenooko, nabo eruoro ayong na eraakasi iteni.

⁴Kasubuni ayong etau a Akuj Anaationon, kainak akiyar.

⁵Tatachu ngakiro kang erai kipedori. Torek ngakiro kon lokojokon.

⁶Kikwaan ayong ka iyong alongaren Akuj, kisubunio kolong ngoni daang alochoto.

⁷Kotere ngakiro nguna, emam ibore kikeritor iyong ayong. Nyekesibuusikini ayong iyong.

⁸Eirari ayong iyong ilimuni tama,

⁹‘Ekiuna ayong. Emam aronis eyei nikang. Ee robo, nyasechit ayong, emam ibore echwangakinit.

¹⁰Nakaneni esaki Akuj ibore ni kawanea ayong. Ketusubunit ngesi ayong emoit.

¹¹ Eenikinit ngesi ngiriko nakejen kang. Iseme ngesi elote kang.’

¹²Nakaneni Yob, kalimokinit ayong iyong atamar ichwangakinit iyong. Epolot Akuj akidwang itwaan.

¹³Nyo ibolotor iyong ka Akuj ibalar abe nyetachuni akiroit kon tani apei?

¹⁴Iruoro Akuj a erot a epei kori aloche tani pekepedori itwaan akiyen.

¹⁵ Nakwaare na ejotoorotor ngitunga ngaju nakapotiok, isuruori Akuj kesi anakirujare ka akisingolikinet.

¹⁶Engaari Akuj ngaki a ngitunga kikilak toema. Toema kesi na ikilakinere.

¹⁷Ikilakini Akuj kesi toisikineta akisech, ka apalikin ekinis.

¹⁸Iratakini Akuj kesi nyeemunyarosi. Eyuununi Akuj kesi nyeetoaka.

¹⁹Erionokini Akuj itwaan ani itedeakakinea, kitipipil akwaan keng lokojokon noi.

²⁰Ituuruyori ngesi akimuj. Tani akimuj naajokon noi, eliwor akeleleunan.

²¹Eriyori erogo akwaan keng. Kidong erai ngakoyo bon.

²²Edikino ngesi elosi ni eyakasi ngikatoak.

²³Ani a ekeny ajokon, epedori emalaikat abunere kingarak ngesi, emalaikat epei a ngabunge a ngimalaikae a Akuj, kisitamut ngitunga na ejoikinit esubete.

²⁴Kotere ngisien elimuni emalaikat tama, ‘Talakakisi. Nyelosi ngesi ni eyakasi ngikatoak. Ariwo keng naga.’

²⁵Kimiek akwaan keng kikok nabo na esorokit, tobongokis ngikilinga lukolong a esorokane keng.

²⁶Ani ilipi ngesi, etachuni Akuj ngakiro keng. Ilipi ngesi Akuj elakara. Esubakini Akuj nabo ngakiro toriyana kotere ngesi.

²⁷Elimuni itwaan ngini alongaren luche tama, ‘Asech ayong nyesuba na iyookino, nakaneni kayuu Akuj ayong.

²⁸Keratak ngesi ayong nyaalot ni eyakasi ngikatoak. Eringa tokona ayong ayari.’

²⁹Esubeenea Akuj itwaan ngakiro nguna jiik.

³⁰Eyuuni Akuj eboyor a itwaan, talakaror itwaan ngini.

³¹“Yob, topupok tokona ngakiro kang lokojokon. Kililing kimiekinae ayong eruorik.

³²Nakaneni ani keyei iyong akiroit isaki alimun, tolimokinae. Achamuni ayong alakara atamar iyookino ngakiro kon.

³³Nakaneni ani pekikote neni, kililing topupok ngakiro kang, sodi ketatam ayong iyong aosou.”