Read turkana Yob 6 Bible Online

Yob 6 - turkana bible

Yob 6

¹Abu Yob tatachak Elipas tama,

²“Arai bo topedoretei akitem ngichan aloboro alukitemiet dang,

³kepotiok noi akidwang ngalup a anam. Wara nyiiriangakin kotere angolopa kang.

⁴Kagum ayong Akuj Naationon a ngimalea a amod. Akeikin akisierit a ngimalea nakwaan kang daang. Isibakuunitae ngakiro naketubulok a Akuj nikang.

⁵“Eruo dir esikiria na edakar nginyia? Eruo aite na edakar amelu a?

⁶Nakaneni ngae epedori akinyam akimuj nakapenan nyiwaakina amakat? Nyoni ebob aniakwaan a abeeye?

⁷Nyekemuit ayong akimuj na ikoni ngina. Ibore cha daang ni anyami ayong, kemololou.

⁸“Wae, nyo pekainakinea ayong Akuj ibore ni elipit. Nyo pekainakinea ibore nikemuit?

⁹Ajoikinit cha ngesi jik keriadari ayong. Ajoikinit cha ngesi kaari ayong.

¹⁰Arai atoyeni atamar kaari, kapor ayong alakara, pekamisikinit nikaapilan. Kainyo nyengero ayong ngakiro na edungunit Ekapolon Akuj.

¹¹Nyaalu ngikilinga arubakinitor ayong ayari? Nyo eringa atitinyikinitor na emamakar ibore egieno?

¹²Erai ngikilinga kang lua amoru a? Kori erai akwaan kang asuat nanyang?

¹³Iteni dir emam ayong kona ayuun. Emam ayong kona engarakin.

¹⁴Alochan alu ikote lugu, asaki ayong ngipaalon lu amuno. Erai keringa ewapit Akuj Naationon kori kemam.

¹⁵Ani eliwor esi ngipaalon kang, kingalaate esi ayong, loger a ngingololin, alu eokete ngirwa lua akamu.

¹⁶Eburichiari eloch ngingololin ngulu, toduka ngamoru a akiru alotooma kech,

¹⁷Ani ngirwa lu eriraunea akolong, tokeiasi tongopa, kidongo ngangololin eoko deu.

¹⁸Tachakaros ngikalotok esakete ngakipi. Tolomasi awowoot sodi totoanikis nariet.

¹⁹Elomarete ngikalotok alo Cheba ka Tema akisak.

²⁰Nakaneni edaikin akigieno kech nangololin nakoonok.

²¹Ikote esi ngingololin ngulu anikang. Iteete esi ngichan kang, kikutukutoosi akamaluwot ani iemitotor.

²²Abala ayong esi nakinae ibore idio a? Kori abala todiakakinae itwaan idio a ibore?

²³Kori abala ayong esi toyuunae alomoit kang? Kori abala toyuunae alotunga alu kechiakiarito?

²⁴“Kitatamae robo ayong, tolimokinae ngakiro na echwangakinit ayong. Elilingi ayong atopupok ngakiro kus.

²⁵Echamuni itwaan ngakiro na iteni, Nakaneni ngapasiyek ngakiro iruorosi esi.

²⁶Esibit esi ketanaki ayong esi ngaanyukae a? Ani kikoni neni a, nyo itacheeneta esi ngaanyukae nguna?

²⁷Irameenete esi ekura totiaketa ngikedalak lukokiok. Tabara tani ani igielanareta ngipaalon kus

²⁸Tokienyikinae mono esi ayong. Nyekengalae ayong esi.

²⁹Kaupa ayong ngakiro nakus nugu. Tojongoto aremokino ayong. Nyikirirata ayong, emam ibore asechit.

³⁰Abe ibalasi esi kori kengalae ayong esi. Esibit esi nyapedori ayong akiyen naaronok ka naajokak a?