Read turkana Ngieosio 108 Bible Online

Ngieosio 108 - turkana bible

Ngieosio 108

¹(Eeos a Daudi) Ee Akuj, atitiny ayong! Iteni dir, atitiny ayong. Aeokini ayong kepuruu iyong! Tonyou etau kang!

²Tonyou agita. Etonyouni ayong akolong!

³Ee Ekapolon Akuj, kabuakini ayong iyong alakara alotela. Kekusi iyong alobukui.

⁴Enangit amina kon na nyedaun nadis. Etapit amuno kon ngidowon.

⁵Ee Akuj, kipuruunio iyong alokidiama adis. Akibuseanu kon topetakin akwap wadaang.

⁶Toyuunae sua a agogongu kon. Kiik akilip kang sodi toyuunere ngitunga lu imina iyong.

⁷Alimu Akuj alokai keng[33] kona, “Alosi tokona ayong emaritete atotiakatiaka akwap a Chekem. Egeronokini adipo a Sukos.

⁸Erai Gilead akang, erai Manase dang akang. Erai Epiraim apukot kang a asuat. Ani Yuda erai aburo kang a apolou.

⁹Ikoni Moab ateger kang na ilasere ngakan. Achakakini ayong ngamuk kang Edom, kidodiu ibore ngini atamar erai akwap kang. Ewangakini ayong atopogak Ngipilisti.”

¹⁰Akuj, ngae mono kayaari ayong lore lo edukitoe awas nakaagongon? Ngae kariki ayong Edom?

¹¹Wae Akuj, kiisik iyong sua jik a? Nyeringa nabo iyong irukito ka ngasigerea kosi a?

¹²Kingarakinae sua alomoe kosi, kainyo erai akingarakin a itwaan aka pas.

¹³Kidwangi ngoni ibakit Akuj alowae yok. Idwangi ngesi ngimoe yok.