Read turkana Ngieosio 112 Bible Online

Ngieosio 112 - turkana bible

Ngieosio 112

¹Kipuroe Ekapolon Akuj! Epiaritae itwaan ni ekerit Ekapolon Akuj, itwaan ni emina akiwapit ngitalio keng.

²Egogongerosi ngalesea keng anakwap. Epiario ngide keng.

³Eliworosi ngitunga a awi keng ngikabarak. Eliwor ngesi lo etenoono jiik.

⁴Echai akicha anaribu kotere lu eteniyete. Ee robo, echai akicha kotere lua ngisien, ka lukapatanak ta lu etenooko.

⁵Epiaritae itwaan ni ipotono ngiboro, ka ni nyidokeene ngaropiyae a amicha, nabo tosubi ngakiro na eriyan.

⁶Nyidwangio ni etenoono jik, nabo eliwor ngesi itamunitae jiik.

⁷Tani kiira ngesi ngakiro naaronok, nyeemi. Etiono anupit keng, nabo igienokino ngesi Ekapolon Akuj.

⁸Irichakina etau keng nyeemit. Eyeni dir atamar idwangio ngimoe keng.

⁹ Ipotonori ngesi ngiboro keng, nak lukebootok. Erubi ajokis keng jik. Eanyuni ngesi agogongu ka arimatoi.

¹⁰Eanyungarete luaronok nguna tongoa. Ekirichete ngikel kech sodi tongopiasi. Nasek igienosi luaronok, engopiarete jik.