Read turkana Ngieosio 132 Bible Online

Ngieosio 132 - turkana bible

Ngieosio 132

¹Ekapolon Akuj, kitamu Daudi ka ngichan daang lu aanyuni ngesi.

²Ee Ekapolon Akuj, kitamu ngakiro nakichikakini Daudi iyong. Kitamu akikong nakikongokini ngesi iyong, Akuj a Yakobo Nakaagongon Noi.

³Abala Daudi, “Nyalosi ayong nawi kori lokitanda.

⁴Nyemiekini ayong ngakonyen kang ilurakin, kori nyemiekini ikamunete ngaju,

⁵ mati mono kasakak Ekapolon Akuj ni iboikin, ni eliwor awi keng, Akuj Nakaagongon Noi a Isirael!”

⁶Kiira sua ngakiro a asaduku a Achamunet alo Betleem, atorukautu anamanat a Yearim.

⁷Atamasi, “Potu apana kai a Ekapolon Akuj. Elipa alongaren ekicholong keng a apolou!”

⁸Ekapolon Akuj, bua kai kon aapei ka asaduku a Achamunet, na erai ngesi idodiunit apolou kon, kiboikin neni jik.

⁹Kimiek ngimurok kon tosuba jiik na etenooko. Kimiek ngitunga kon kimariteteeto elakara!

¹⁰ Kotere ekasuban etich kon Daudi, nyiinger ekapolon kon lo iseu iyong.

¹¹Ichikakini kolong iyong Daudi naka dir, nakaneni nyilocho iyong akichikakinet ngina ibala, “Etiliwori ayong epei a talokookon ekapolon, ilunyokin ngesi lokicholong kon topolok ekisidi kon.

¹²Ani kirichakis ngide kon achamunet kang, ka akiwap ngakiro kang, ilunyokinosi talokookech dang lokicholongo kech toliworos ngikapolok.”

¹³Aseu Ekapolon Akuj ere a Sion, esaki toliwor ere lo elomi ngesi.

¹⁴Ebala ngesi, “Alomi ayong nege jik. Asaki ayong apolokin nege.

¹⁵Apiari ayong ere a Sion a ibore kadaang. Esimwoni ayong ngikebootok a ere kangolo.

¹⁶Apiari ngimurok kech ana esubete kadaang. Eeokinete ngitunga keng kimaritetekis.

¹⁷ Etiliwori ayong epei a ngalesea a Daudi ekapolon lo eyenikinitae kaneni. Eratakini ayong apolou a ekapolon kang aloseuna.

¹⁸Esurumi ayong ngimoe keng ngileech lokojokon, nakaneni ejoker apolou keng kisikokin.”